మన పూర్వీకులు మనకంటే ఆధునికులు!

"హాపీ న్యూ ఇయర్" లాంటి సెంటిమెంట్లు నాకు నిజంగా లేవు. 

కాని - నన్నూ, నా జీవనయానాన్ని విశ్లేషించుకోడానికి దీన్నొక మంచి అవకాశంగా మాత్రం తప్పకుండా ఉపయోగించుకొంటుంటాను. 

ఇంకొన్ని గంటల్లో 2022 కు గుడ్‌బై చెప్పబోతున్నాం. 

ఈ 2022 నాకేమిచ్చింది గురించి ఆల్రెడీ నేనొక బ్లాగ్ రాసుకున్నాను. 2023 లో నేనేం సాధించాలో కూడా ఇప్పటికే నా పర్సనల్ ఆన్‌లైన్ జర్నల్‌లో నోట్ చేసుకున్నాను. 

కట్ చేస్తే - 

మన పూర్వీకులు గాని, మన పెద్దలు గాని - కొన్ని పండుగలో పబ్బాలో, ఇలాంటి సందర్భాలో పెట్టారంటే వాటిని అంత ఈజీగా తీసేయలేం. 

నిజానికి - వేల యేళ్ళక్రితమే, వాళ్ళు మనకంటే ఆధునికులు. 

కాబట్టే - ఆ రోజూ ఈ రోజూ అనీ, ఆ దినం ఈ దినం అనీ కొన్ని సందర్భాలను ఇలా క్రియేట్ చేశారు. 

అవి కూడా లేకపోతే - మన రొటీన్ లైఫ్‌లో ఎప్పట్లాగే కొట్టుకుపోతూ... గుర్తు చేసుకోవల్సినవాళ్లని కనీసం ఆ ఒక్కరోజైనా బాగా గుర్తుచేసుకోలేం అనీ - మన గురించి మనం ఆలోచించుకోవాల్సిన ఎన్నో విషయాల గురించి అసలు ఆలోచించమనీ  - వాళ్ళు బహుశా ముందే ఊహించారు.    

అద్భుత దార్శనికులైన ఆ పూర్వీకులకు, పెద్దలకు శిరసాభివందనాలతో... ఇంకొన్ని గంటల్లో రాబోతున్న 2023 కి హార్దిక స్వాగతం చెప్తున్నాను. 

Happy New Year to All My Friends and Well-Wishers.  

బుక్ ఫెయిర్... పుస్తకాలు, మిత్రులు, కవి మిత్రులు, సినీ మిత్రులు!

నిన్న సాయంత్రం 5.30 నుంచి బుక్ ఫెయిర్లో గడిపాను. ఇవ్వాళ, మిగిలిన 5 రోజులూ సాయంత్రాలు ఇక అక్కడే. 

నిత్యజీవితంలోని నానా టెన్షన్లు, వత్తిళ్ళ మధ్య మంచి రిలీఫ్. పాత మిత్రుల కలయిక, కొత్త మిత్రుల పరిచయాలు... అదొక లోకం. 

చెప్పాలంటే అదే అసలైన లోకం. 

చాలా మిస్ అవుతున్నాం అనిపించింది. 

వీలైతే - మా ఓయూ ఎమ్మే మిత్రబృందంతో కూడా ఇక్కడే ఒక చిన్న గెట్-టుగెదర్ లాంటిది ప్లాన్ చేసుకుంటే బాగుండుననిపించింది. 

నా ఓయూ బ్యాచ్‌మేట్, మిత్రుడు, పాలపిట్ట ఎడిటర్ గుడిపాటిని "పాలపిట్ట స్టాల్" (270) దగ్గర కలిశాను. నా పుస్తకం "కేసీఆర్ - ది ఆర్ట్ ఆఫ్ పాలిటిక్స్" ఈ స్టాల్లో వుంది. కాపీలు అయిపోవచ్చాయి, రేపు మరిన్ని కాపీలు పంపించమని చెప్పాడు. 

"మన ముఖ్యమంత్రి స్టాల్" (339, 340) లో అన్ని కాపీలు సోల్డ్ అవుట్! వాళ్ళూ కాపీలు అడిగారు. స్వర్ణసుధ పబ్లికేషన్స్ నుంచి మరిన్ని కాపీలు ఈరోజు వెళ్తున్నాయి. 

ఎమ్మేలో నా క్లాస్‌మేట్, మిత్రుడు, "కవి సంగమం" కవి యాకూబ్‌ను, కవయిత్రి శిలాలోలిత గారిని వారి స్టాల్ దగ్గర కలిశాను.  

ఓయూలో మా సీనియర్, మిత్రుడు, "తోపుడుబండి" సాదిక్ నాతో ఫోన్లో రెండు మాటలు చెప్పకపోతే నేనీ బుక్ ఫెయిర్ సంతోషాన్ని, సందడినంతా నిజంగా మిస్ అయ్యేవాణ్ణి. సాదిక్‌తో వచ్చిన పిల్లలు హిమాన్శి, రాజవంశీలతో ఇంకో లెవల్‌లో అసలు తెలియకుండానే టైమ్ అలా గడిచిపోయింది.   

థాంక్స్ టు సాదిక్ భాయ్. 

బుక్ ఫెయిర్‌లో ఫోటోలు, సెల్ఫీల కల్చర్‌ను పరిచయం చేసిన పయొనీర్ సాదిక్ భాయ్ "తోపుడుబండి" స్టాల్ ఇప్పుడు లేకపోయినా - అక్కడున్నంతసేపూ రెండు మూడు స్టాల్స్ పెట్టినంత సందడి చేశాడు. 

కట్ చేస్తే - 

ఇవాళ, మిగిలిన 5 రోజులూ సాయంత్రాలు బుక్ ఫెయిర్‌లో ఉంటాను. 

మిత్రులు, రైటర్-కవి మిత్రులు, సినీ మిత్రులు, నా కొత్త ప్రాజెక్టులో నాతో టీమప్ అవ్వాలనుకొనే యాస్పయిరింగ్ సినీ మిత్రులు... అందరం అక్కడే కలిసి ఒకసారి "హాయ్" చెప్పుకుందాం.  

మనీ కావాలా? మంచి లైఫ్ కావాలా?

Build Business Around Passion. Live Life to the Fullest.

అందరికీ జీవితం ఒక్కటే. అందరూ భూమ్మీదే పుట్టారు. 

ప్రపంచంలో అద్భుత విజయాలు సాధించినవారెవ్వరూ ఆకాశంలోంచి ఊడిపడలేదు. వారికేం అతీత శక్తులు లేవు.

వారూ మనలా మనుషులే.

అయితే – కొందరు అనుకున్నది అనుకున్నట్టుగా చేసుకుంటూ, విజయాలు సాధించుకొంటూ ముందుకెళ్తుంటారు. జీవితాన్ని అద్భుతంగా ఎంజాయ్ చేస్తుంటారు.

వీరికి పూర్తి వ్యతిరేకంగా, చాలామంది ఉన్నచోటే ఆగిపోతారు.

అన్నీ మనకు తెలిసినవే కదా అనిపిస్తుంది. కాని, ఏదీ సాధించకుండానే అలా సంవత్సరాలు గడిచిపోతుంటాయి.

ఎందుకలా?!

ఎందుకంటే – 

మనీ, 

రిలేషన్‌షిప్స్…

ఈ రెండూ బాగున్నప్పుడే జీవితంలో అన్నీ బాగుంటాయి.

రెండిట్లో ఏది ముందు అంటే తప్పకుండా “మనీ”నే ముందు.

ఎవరికైనా సరే, ముందు చేతినిండా పని ఉండాలి. ఆ పని సరిపొయినంత ఆదాయాన్ని ఇస్తూ ఉండాలి. అలా సరిపోయినంత ఆదాయం ఉన్నప్పుడు రిలేషన్‌షిప్స్ బాగుంటాయి. రిలేషన్‌షిప్స్ బాగున్నప్పుడు మరింత బాగా మనీ సంపాదిస్తారు.

కొందరి విషయంలో ఇది రివర్స్‌లో ఉండవచ్చు. “రిలేషన్‌షిప్స్” బాగున్నప్పుడే వీరు ఏదైనా చేయగలుగుతారు. ఎంతయినా సంపాదించగలుగుతారు.

అనుభవాల నేపథ్యాన్ని బట్టి, రెండూ కరెక్టే. 

నిజానికి ఇదంతా మన మైండ్‌సెట్ మీదే ఎక్కువగా ఆధారపడి ఉంటుంది.

ఒక ప్యాషన్ కోచ్‌గా –

మనీ, రిలేషన్‌షిప్స్…

ఈ రెండు విషయాల్లోనూ

నేను మీకు సహాయపడగలను.

మనీ:

మీ ప్యాషన్ చుట్టూరా ఒక మంచి బిజినెస్ ప్రారంభించి, మీరు డబ్బు ఎలా సంపాదించుకోవచ్చు అన్న విషయంలో మీకు ప్రాక్టికల్‌గా, అప్పటికప్పుడు అమల్లో పెట్టి ముందుకెళ్లగలిగే సలహా ఇచ్చి గైడ్ చేయగలను. 

మీ దగ్గర కూడా ఎన్నో మంచి ఆలోచనలుండీ, మీ కెరీర్ విషయంలో కన్‌ఫ్యూజన్‌తో మీరు ఏదీ నిర్ధారించుకోలేకపోతున్నా సరే… నేను మీకు సహాయపడగలను.

రిలేషన్‌షిప్స్:

మీ వ్యక్తిగతం కావచ్చు, మీ వివాహబంధంలో కావచ్చు, మీ స్నేహ సంబంధాల విషయంలో కావచ్చు, బయట ఉద్యోగపరమైన-వృత్తిపరమైన సంబంధాల విషయంలో కూడా కావచ్చు… మీరు ఎదుర్కొంటున్న చాలెంజెస్‌ను పరిష్కరించుకోవడంలో నేను మీకు సహాయపడగలను.

మీ వయస్సు ఎంతైనా కావచ్చు. “ఇంక ఇంతే… ఎలా రాసిపెట్టివుంటే అలా జరుగుతుంది” అని మీరు అనుకోవడానికి వీల్లేదు.

జీవితంలోని ఏ దశలోనైనా, దేనికైనా పరిష్కారం తప్పక ఉంటుంది.

మీరు అనుకున్నట్టు మీ జీవితాన్ని మీరు తీర్చిదిద్దుకోవచ్చు. మీరు ఊహించనంత వేగంగా, అన్నీ మీరు అనుకున్నట్టే చేసుకోవచ్చు. మీకు కావల్సినంత డబ్బు మీరు సంపాదించుకోవచ్చు.

మంచి ఆరోగ్యం కోసం మనం డాక్టర్‌ను ఎలాగయితే సంప్రదిస్తామో… మంచి సంపాదన, మంచి జీవితం కోసం మీకు పర్సనల్‌గా ఒక కోచ్ కూడా అంతే అవసరం.

 

ఒక అతిచిన్న దిగువ మధ్యతరగతి కుటుంబం నుంచి బయటపడి హైదరాబాద్ వచ్చాను. మెషినిస్ట్‌గా వర్క్‌షాపుల్లో పనిచేసుకొంటూ – మళ్ళీ చదువుకొన్నాను. యూనివర్సిటీలో రెండు పోస్ట్‌గ్రాడ్యుయేషన్ కోర్సులు చదివి, యూనివర్సిటీ టాపర్‌గా రెండు గోల్డ్ మెడల్స్ సాధించాను. మూడు సెంట్రల్ గవర్నమెంట్ ఉద్యోగాలు చేశాను. రచయితనయ్యాను. రచయితగా నంది అవార్డు సాధించాను. తర్వాత ఫిలిం డైరెక్టర్ అయ్యాను, ప్రొడ్యూసర్ అయ్యాను. నాలుగు సినిమాలు డైరెక్ట్ చేశాను. చిన్న గ్యాప్ తర్వాత, మళ్ళీ ఇప్పుడు కొత్తగా 2 సినిమాలు ప్రారంభించాను, డైరెక్ట్ చేస్తున్నాను.

.. ఇంకెన్నో చేశాను, చేస్తున్నాను, చేయబోతున్నాను…

ఎక్కడో దూరం నుంచి ఒంటరిగా సిటీకి వచ్చి, ఎవ్వరి సహాయం లేకుండా, నేనే ఈ స్థాయికి రాగలిగినప్పుడు… ఈ డిజిటల్ యుగంలో మీరు మరింత ఈజీగా ఏదైనా సాధించగలుగుతారు.

నేను జీవితంలో ఎన్నో సాధించినవాన్ని, ఎన్నో కష్టనష్టాలు చూసినవాన్ని, అనుభవించిన వాన్ని. మీరు మళ్ళీ కొత్తగా అవన్నీ అనుభవించి కనుక్కోవల్సిన అవసరం లేకుండా, మళ్ళీ మీ జీవితంలో ఎలాంటి డబ్బుపరమైన, వ్యక్తిగతమైన ఇబ్బందులు రాకుండా ఒక ప్యాషన్ కోచ్‌గా నేను మీకు సహాయపడగలను.

మనీ కావాలా? 

మంచి లైఫ్ కావాలా?

రెండూ సాధ్యమే. 

10X స్పీడ్‌లో - ఊహించనంత వేగంగా - ఈ రెండిటినీ మీరు సాధిస్తారు.

జీవితం ఒక్కటే. ఒంటరి పోరాటం చేస్తూ, మీలో మీరే బాధపడుతూ మరింత సమయం వృధా చేసుకోకండి.

నా ప్యాషన్ కోచింగ్ అంతా ఆన్‌లైన్‌లోనే ఉంటుంది. మీరు నాతో చర్చించే ప్రతి విషయం గోప్యంగా నా మనస్సులోనే ఉంటుంది. మీ సమస్యలు నా సమస్యలవుతాయి. మీరూ నేనూ కలిసి, పరిష్కారం కనుక్కొంటాము. 

మీ కెరీర్ బాగుంటుంది. మీరు డబ్బు సంపాదిస్తారు. మీ రిలేషన్‌షిప్స్ బాగుంటాయి. మొత్తంగా, ఇకనుంచీ మీ జీవితాన్ని మీరు అనుకున్నట్టు ఆనందంగా, అద్భుతంగా జీవిస్తారు.

ఇదంతా, మీరూహించనంత వేగంగా సాధ్యం అవుతుంది!

In working with you, I bring in my multi-passionate and diverse background and real world experience. And… In your success, I find my own.

మీకు సహాయపడుతూ నేను కూడా కొత్త విషయాలు నేర్చుకొంటాను. కొత్త లక్ష్యాలు సాధిస్తాను. ఇది నా ప్యాషన్.

ముందే చెప్పినట్టు, అంతా మన మైండ్‌సెట్ మీద ఆధారపడి ఉంటుంది.

ఎవరో వచ్చి ఏదో చేస్తారని ఎదురుచూస్తూ, మీ జీవితంలో మీరు వృధా చేసుకొంటున్న ప్రతి ఒక్క రోజుకీ ఎంత విలువ ఉందో ఇప్పటికయినా తెలుసుకున్నారా?  

మీ పర్సనల్ లైఫ్, మీ కెరీర్, మీ డబ్బు సంపాదన విషయంలో ఇప్పుడు మీరు నిజంగా సీరియస్‌గా ఉన్నారా?

"నాలో ఉన్న స్కిల్స్‌తో గాని, మార్కెట్‌కు అవసరమైన కొత్త స్కిల్స్ నేర్చుకుని గాని – నేను ఏదైనా సాధించగలను, ఎంతైనా డబ్బు సంపాదించగలను" అన్న నమ్మకం, ఆత్మవిశ్వాసం మీమీద మీకు ఉండాలి. 

అలాంటి పాజిటివ్ మైండ్‌సెట్, అంత ఫైర్ మీలో ఉన్నా కూడా - పరిస్థితుల ప్రభావం వల్ల మీలో ఆత్మవిశ్వాసం రోజురోజుకూ సన్నగిల్లుతూ ఉంటుంది. ఏం చేయాలో తెలిసి ఉండీ, అన్నీ చేయగలిగిన సత్తా ఉండీ ఏదీ చేయలేకపోతుంటారు.  

ఇదిగో - ఇలాంటి సమయంలోనే అనుభవంతో కూడిన ఒక హెల్పింగ్ హాండ్, ఒక ఆసరా అవసరం అవుతుంది. అలాంటి ఆసరా మీకు ఒక పర్సనల్ కోచ్ నుంచి, లేదా ఒక మెంటార్ నుంచి మాత్రమే దొరుకుతుంది.

అమెరికా, బ్రిటన్ వంటి అభివృధ్ధి చెందిన దేశాల్లో ఇదంతా ఒక అతి మామూలు విషయం. 

మీ లైఫ్, మీ కెరీర్, మీ డబ్బు సంపాదన విషయంలో ఇప్పుడు మీరు నిజంగా సీరియస్‌గా ఉన్నట్టయితే మాత్రం ఇక ఆలస్యం చేయకండి. ఈరోజే మీ జీవితంలో ఒక కొత్త అధ్యాయం ప్రారంభించండి.

మీరూ డబ్బు సంపాదిస్తారు. వ్యక్తిగతంగా మీరు కోరుకున్న మంచి జీవితాన్నీ ఎంజాయ్ చేస్తారు. 

ఇంకొక్క క్షణం కూడా వృధా చేయకుండా  - నా కోచింగ్ ఫీజు, ఇతర వివరాలు పూర్తిగా తెలుసుకోడానికి - నాకు వాట్సాప్ చేయండి. సెషన్ బుక్ చేసుకోండి.

కోచింగ్ వెంటనే ప్రారంభిద్దాం. ఫలితాలు మీరే చూస్తారు. 

మీ సక్సెస్, మీ సంపాదన, మీ వ్యక్తిగత జీవితం, మీ ఆనందం... అన్నీ ఇప్పుడు మీ చేతుల్లోనే ఉన్నాయి... Now the ball is in your court! 

– Manohar Chimmani

The 10X Passion Coach

Film Director, Producer 

Nandi Award Winning Writer, Blogger

Social Media Strategist

Author of Best Seller Book "KCR - The Art of Politics"

Whatsapp to book a Session Online: 9989578125 

Anil 'Fitness' Kapoor !!

 

మిస్టర్ ఇండియా సినిమాలో అనిల్ కపూర్ వేసుకున్న షర్టు, ప్యాంటు, కోటు, టోపీలను న్యాచురల్‌గా ఉండాలని ముంబై చోర్ బజార్లో కొనుక్కొచ్చారట. 

అదొక్కటే డ్రెస్. అలాంటివే రెండు మూడు డ్రెస్‌లు చోర్ బజార్లో దొరకలేదు.  

ఆ ఒక్క డ్రెస్‌నే అనిల్ కపూర్ షూటింగ్ అయిపోయేదాకా వేసుకున్నాడట. సుమారు 5 ఏళ్లయినా - ఆ డ్రెస్ ఇంకా అనిల్ కపూర్ అల్మరాలో ఉంది. 35 ఏళ్ళ తర్వాత ఇప్పుడు కూడా ఆ డ్రెస్ అనిల్ కపూర్‌కు సరిపోతుంది. అప్పుడప్పుడూ వేసుకొని చూసుకుంటాట్ట. 

అనిల్ కపూర్ ఫిట్‌నెస్ అలాంటిది! 

తాత అయినా - 35 ఏళ్ళ క్రితం ఎలా వున్నాడో ఇప్పుడూ అలాగే ఉన్నాడు. 

కట్ చేస్తే - 

ఇవ్వాళ అనిల్ కపూర్ పుట్టినరోజు. 

గొప్ప విషయం ఏంటంటే - అనిల్ కపూర్ హీరోగా పరిచయమైన తొలిచిత్రం ఒక తెలుగు సినిమా. 

వంశవృక్షం. 

పరిచయం చేసింది మన దర్శకుడు బాపు. 

ఫిట్‌నెస్ విషయంలో నన్ను ఇన్‌స్పైర్ చేసే అతికొద్దిమందిలో అనిల్ కపూర్ ఒకరు. ఇప్పుడతని వయస్సు 66.  

I wish Anil Kapoor a very happy birthday. 

2022లో నువ్వేం సాధించావు?

1. దాదాపు 22 ఏళ్ళ క్రితం - హెచ్ ఎం టి, జవహర్ నవోదయ విద్యాలయ, ఆలిండియా రేడియో - 3 కేంద్ర ప్రభుత్వ ఉద్యోగాలు - మొత్తం సుమారు 14 ఏళ్ళపాటు చేసి - వదిలివేసినవాణ్ణి. అలాంటిది... ఇరవైరెండేళ్ళ తర్వాత - అనుకోకుండా ఒక ప్రైవేట్ సంస్థలో ఉద్యోగావకాశం వచ్చినప్పుడు ఏం అలోచించకుండా చేరిపోయాను. తర్వాత ఆ ఉద్యోగం ఉద్యోగంలా కాకుండా ఊహించని ఇంకో మార్పుకి దారి తీసింది. స్వర్ణసుధ ప్రాజెక్ట్స్ ప్రైవేట్ లిమిటెడ్ కంపెనీకి ఎం డి అయ్యాను. అదంతా వేరే విషయం. కాని, నాలో ఇంత పెద్ద మార్పుకి కారణమైన మైండ్‌సెట్‌ను తెచ్చిన 2022కు నా బిగ్ థాంక్స్. 

2. అంతకు ముందు రెండుసార్లు కేసీఆర్ పుస్తకం కోసం పూనుకున్నాను. పూర్తిచేశాను. రెండుసార్లూ డీటీపీ దాటి, కవర్ పేజీ వరకు వెళ్ళింది వ్యవహారం. ముందు వ్యక్తిగత సమస్యలు, రెండోసారి కోవిడ్‌లు ఆ పని కానివ్వలేదు. మూడోసారి మాత్రం అనుకున్న టైమ్‌కు పుస్తకం పబ్లిష్ చేసేశాను. గౌరవ మంత్రి కేటీఆర్ గారు ప్రామిస్ చేశారు, ప్రగతిభవన్లో పుస్తకాన్ని ఆవిష్కరించారు. అదే.. నా లేటెస్ట్ బెస్ట్ సెల్లర్ పుస్తకం "కేసీఆర్ - ది ఆర్ట్ ఆఫ్ పాలిటిక్స్". థాంక్స్ టు 2022, ఇది నా రెండో బిగ్ సక్సెస్. 

3. దాదాపు 15 సంవత్సరాల క్రితం ఒక చిన్న కారణంతో "ఎందుకు పిహెచ్ డి?" అని మధ్యలోనే వదిలేసినవాణ్ణి, అనుకోకుండా ఒక రాత్రి పిహెచ్ డి పూర్తిచెయ్యాలని నిర్ణయించుకున్నాను. మళ్ళీ ఆ ఫైల్స్, ఆ బుక్స్ బయటికి తీశాను. వచ్చే మే-జూన్‌లో నా పిహెచ్ డి థీసిస్ సబ్మిట్ చేస్తున్నాను. ఆ తర్వాత నా పేరుకు ముందు డాక్టర్ వస్తుంది. బిగ్ థాంక్స్ టు 2022, ఇది నాలో నేను ఊహించని ఇంకో పెద్ద మార్పు. 

4. 2022 ద్వితీయార్థం నుంచి మళ్ళీ నేను రెగ్యులర్‌గా వర్కవుట్ చేస్తున్నాను. పొద్దున లేస్తే బ్రష్ చెయ్యటం లాగే ఇది కూడా అలవాటయిపోయింది నాకు. ఇప్పుడు నేను ప్రయాణాల్లో వున్నా, ఎక్కడున్నా, ఎలావున్నా... ప్రతిరోజూ కనీసం ఒక అరగంట ఎక్సర్‌సైజ్ చెయ్యటం అనేది తప్పనిసరి. ఇది కూడా 2022 లో నా మీద నేను సాధించిన విజయమే.   

5. నా వ్యక్తిగత మైండ్‌సెట్, ఇంకా కొన్ని చేదు అనుభవాల వల్ల "సినిమాలు వద్దు" అని గట్టిగా స్థిరంగా అనుకున్నవాణ్ణి... 2022 విజయదశమి నాడు కొత్తగా రెండు సినిమాలు ప్రారంభించాను. ప్రస్తుతం వీటి ప్రి-ప్రొడక్షన్ పనులు జరుగుతున్నాయి. అనుకున్న సమయానికి వీటిని పూర్తిచేస్తాను. 2022లో నేను తీసుకొన్న అతి పెద్ద అగ్రెసివ్ నిర్ణయం ఇది. సినిమాల్లో ఇన్వెస్ట్ చేయడానికి ఆసక్తివున్న లైక్‌మైండెడ్ మిత్రులు ఈ విషయంలో నన్ను కాంటాక్ట్ చేయొచ్చు.    

కట్ చేస్తే -

చిన్నవీ పెద్దవీ ఇంకో పది పన్నెండు వరకు విజయాలున్నాయి. కాని, వాటిని నేను పెద్దగా లెక్కలోకి తీసుకోవడం లేదు. 

ఇంకొక చిన్న విషయం చెప్పి ఈ బ్లాగ్ ముగిస్తాను...

ఇంతకుముందులా కాకుండా... నా జీవితంలో ఏం జరిగినా - మంచైనా, చెడైనా - ఎవరివల్ల జరిగినా, ఏ పరిస్థితులవల్ల జరిగినా... దానికి వందకి వంద శాతం పూర్తి బాధ్యతను ఇప్పుడు నేనే తీసుకొంటున్నాను. అలా తీసుకోవడం అలవాటు చేసుకున్న తర్వాత ఇప్పుడంతా బాగుంది. ముఖ్యంగా నా సమయం వృధా కావడం లేదు. 

ఇన్ని ముఖ్యమైన మార్పులకి కారణమైన 2022కి బిగ్ థాంక్స్. 

ప్రతి సంవత్సరం లాగే ఈ 2022లో కూడా ఒకరిద్దరు మహానుభావులు నాకు మంచి గుణపాఠాలు చెప్పారు. నా మిత్రులు, శ్రేయోభిలాషులతో పాటు వారికి కూడా నా కృతజ్ఞతాభివందనాలు. మీరంతా లేకుండా 2022లో ఈ మార్పులు, ఈ విజయాలు లేవు.     

'This is Me' in 2022. What about You? 

అబ్ కీ బార్ - కిసాన్ సర్కార్!

దేశంలోని రైతులందరికీ జాతీయ రైతు దినోత్సవ శుభాకాంక్షలు!

కట్ చేస్తే - 

తెలంగాణ సాధించాక ముఖ్యమంత్రి కేసీఆర్ సాధించిన ఎన్నో విజయాల్లో అగ్రభాగాన ఉండే అంతర్జాతీయస్థాయి విజయం - కాళేశ్వరం ప్రాజెక్టు. 

అంతకుముందున్న ప్లాన్లను మార్చి, ఏమైనా సరే దీన్ని వెంటనే పూర్తిచేయాలి అని సంకల్పించి ముందుకు సాగే క్రమంలో అపర భగీరథుడయ్యారాయన. అత్యాధునిక కాలపు ఇంజినీరయ్యారాయన. 

రాష్ట్రం లోపలా బయటా - ప్రతిపక్షాలు, పనికిరానివాళ్ళ ఎగతాళులు, అడ్డుపుల్లలు, విమర్శల మధ్య - చూస్తుండగానే సుమారు మూడున్నరేళ్ళ రికార్డు సమయంలో కాళేశ్వరం ప్రాజెక్టును పూర్తిచేసి చూపించారు. 

అది కూడా - కేంద్రం నుంచి ఒక్క పైసా సహాయం లేకుండా!

ఉద్యమసమయంలో చెప్పినట్టుగానే - తెలంగాణలో ఇంచుమించు కోటి ఎకరాల సాగుకు నీళ్లందిస్తూ - అంతకుముందు నీళ్ళు లేక నెర్రెలువారిన మహబూబ్‌నగర్ లాంటి జిల్లాల పొలాలకు సైతం ఇప్పుడు కోనసీమ పచ్చదనం తెచ్చారు. 

వ్యవసాయం చేసే రైతు కోసం 24 గంటల ఉచిత కరెంటునిచ్చారు. 

రైతు బంధు రూపంలో పంట వేయడం కోసం పెట్టుబడి ఆసరానిచ్చారు. 

రైతుల జీవితాల్లో ఊహించని ప్రమాదాల్ని దృష్టిలో పెట్టుకొని  రైతు భీమా ఇచ్చారు.

రైతు పండించిన పంటని కొంటున్నారు.  

ఇప్పటివరకూ దేశంలోని ఏ ఇతర రాష్ట్రంలోనూ లేని ఈ సంక్షేమ పథకాలన్నింటితో - తెలంగాణలో రైతునే రాజుని చేసిన కేసీఆర్ కోసం -  ఇప్పుడు యావత్ దేశంలోని రైతులు ఎదురుచూస్తున్నారు. 

మన ముఖ్యమంత్రి స్టాల్!

ఎల్లుండి - 22 డిసెంబర్ నుంచి కళాభారతి (ఎన్టీఆర్ స్టేడియం) లో ప్రారంభం కానున్న 35 వ హైద్రాబాద్ నేషనల్ బుక్ ఫెయిర్ ఈసారి మరింత ఆసక్తికరంగా ఉండబోతోంది. 

మొత్తం 340 స్టాల్స్‌లో తెలంగాణ, ఆంధ్రప్రదేశ్ నుంచే కాకుండా - తమిళనాడు, కర్ణాటక వంటి ఇతర రాష్ట్రాల నుంచి కూడా పబ్లిషర్స్, పుస్తక విక్రేతలు పాల్గొంటున్నారు. 

11 రోజులపాటు ఒక పండుగలా జరిగే ఈ బుక్ ఫెస్టివల్‌లో ఇప్పటివరకు ఉన్న సందర్శకుల రికార్డు 10 లక్షలు. ఈ రికార్డు ఈసారి బ్రేక్ అయ్యే అవకాశాలున్నాయి. 

బై ది వే - ఈ గ్రాండ్ గాలా బుక్ ఫెయిర్‌ను మన ఐటి శాఖ మంత్రి కేటీఆర్ ప్రారంభిస్తున్నారు!  

కట్ చేస్తే - 

రచయితలకు కూడా ప్రత్యేకంగా స్టాల్స్ ఏర్పాటు చేస్తున్నట్టు బుక్ ఫెయిర్ అధ్యక్షులు, తెలంగాణ సాహిత్య అకాడమీ చైర్మన్ జూలూరు గౌరీశంకర్ చెప్పారు. 

ఇక, కేసీఆర్ గారి మీద వచ్చిన పుస్తకాల కోసం ప్రత్యేకంగా "మన ముఖ్యమంత్రి స్టాల్" పేరుతో ఒక ప్రత్యేక స్టాల్‌ను ఏర్పాటుచేస్తున్నారు. 

ఇటీవలే గౌరవ మంత్రి కేటీఆర్ లాంచ్ చేసిన నా పుస్తకం "కేసీఆర్ - ది ఆర్ట్ ఆఫ్ పాలిటిక్స్" కూడా ఈ స్టాల్‌లో లభిస్తుంది. 

నా మిత్రుడు, సీనియర్ జర్నలిస్టు, పాలపిట్ట లిటరరీ మ్యాగజైన్ ఎడిటర్, గుడిపాటి "పాలపిట్ట బుక్స్" స్టాల్‌లో కూడా కూడా ఈ పుస్తకం లభిస్తుంది. 

కిండిల్ లాంటి ఇతర ఎన్నో రకాల డిజిటల్ బుక్స్ వచ్చినప్పటికీ... పుస్తకం పుస్తకమే. ఆ టచ్ లేకుండా చదివిన ఆనందం వుండదు. అందుకేనేమో - అమెజాన్ వంటి భారీ ఆన్‌లైన్ స్టోర్స్‌లో ఇప్పటికీ డిజిటల్ బుక్స్ కన్నా ఫిజికల్ బుక్స్ అమ్మకాలే ఎక్కువ! 

వచ్చే 11 రోజుల్లో కనీసం ఒక రెండు సాయంత్రాలు బుక్ ఎగ్జిబిషన్లో గడపడానికి నాలాంటి పుస్తకప్రియులంతా రెడీ అవుతున్నారు. 

మరి మీరో?   

వాట్సాప్ స్క్రిప్టుల ఎఫెక్టు గురించి నిజంగా సీరియస్‌గా ఆలోచిస్తున్నారా?

ఓ పదిరోజుల కిందటి యూట్యూబ్ వీడియో ఇప్పుడే చూశాను. అందులో ఏబియన్ చానెల్‌ న్యూస్‌కాస్టర్ చెప్పిందే చెప్తూ చాలా బాధపడిపోతున్నాడు... అతని పేరు వెంకటకృష్ణ అనుకుంటాను.  

ఈడీ రిమాండ్ రిపోర్ట్ అట... మొత్తం 36 మంది అట... 170 మొబైల్ ఫోన్లను ధ్వంసం చేశారట. ఆ ఫోన్లన్నిటి విలువ కోటి ముప్పై ఎనిమిది లక్షలట. 

వాటిల్లో ఎమ్మెల్సీ కవిత 2 నంబర్స్ ఉన్నాయట... ఆ 2 నంబర్లను 10 ఫోన్లలో వాడారట. ఆ పది ఫోన్లను కవిత ధ్వంసం చేశారట. 

నంబర్లూ వున్నాయి, ఆ 170 మొబైల్ ఫోన్ల IMEI నంబర్స్ కూడా ఉన్నాయి. 

ఇంక సమస్యేముంది? మొత్తం ఈ వ్యవస్థలన్నీ వాళ్ళ జేబుల్లోనే కదా వున్నాయి? చట్టం తన పని తాను చేసుకుపోతుంది కదా?

ఈ స్క్రిప్ట్ అంతా నిజంగా నిజమైతే - ఉన్న ఆధారాల నుంచి డేటా తీయటం అంత కష్టం కాదని నిపుణులు చెప్తూనే వున్నారు. అయినా, వీళ్ళు పాడిందే పాడుతున్నారు. 

కట్ చేస్తే - 

ఈ టెక్నికల్ అంశాలన్నీ సామాన్య జనానికి తెలియదు. పట్టించుకోరు. 

సామన్య జనం బుర్రల్లో విషం ఎక్కించాలి. వాళ్ళ దృష్టిలో కొందరిని అన్‌పాపులర్ చెయ్యాలి. మైండ్ గేమ్ ఆడాలి. 

అదే చేస్తున్నారు. 

ఈ విషయంలో వాళ్ళు చాలా ఈజీగా సక్సెస్ సాధిస్తున్నారు.  

గత 8 ఏళ్ళుగా బీజేపీ సక్సెస్ టెంప్లేట్ ఇదే... 

పచ్చి అబద్ధాలను క్రియేట్ చేయటం! వాటిని ప్రచారం చేయటం!!  

దీనికి వెంటనే అత్యంత జాగ్రత్తగా చెక్ పెట్టాల్సిన అవసరం చాలా వుంది. అది, కేవలం ఏ ఒక్కరి పేరో కాపాడటం కోసం మాత్రమే కాదు... మొత్తం దేశాన్ని కాపాడుకోవడం కోసం. 

మూడోసారి కూడా దేశం ఇలాంటి ప్రమాదంలో పడకుండా ఉండటం కోసం. 

ఈ పనిచేయగల సమర్థుడు ఇప్పుడు దేశంలో ఒక్కరే ఉన్నారు. ప్రస్తుతం దేశ రాజధాని ఢిల్లీలో ఉన్నారు.  

ఆ ఒక్కరు ఎవరో మీకు తెలుసు.  

కల్వకుంట్ల చంద్రశేఖరరావు...

కేసీఆర్.  

కేసీఆర్ మరొక బృహత్తర యజ్ఞం!

టీఆరెస్ ప్రారంభంలో కూడా ఇలాగే కేసీఆర్‌ను, తెరాసను చాలా కామెంట్ చేశారు. తెలంగాణ రాష్ట్రం సాధించే ముందువరకు కూడా చాలా దారుణంగా ఎగతాళి చేశారు.

తర్వాతేమైంది? 

బీఆరెస్ విషయంలో అంతకు 29 రెట్లు ఉంటుంది ఎగతాళి, కామెంట్స్ ధాటి.  

అందులో పెద్ద వింతేం లేదు. ఎవరు చేసేపని వాళ్ళు చేస్తారు. వాళ్లకు చేతనైంది అది... అంతే.  

కట్ చేస్తే - 

ఎవరో ఒకరు, ఎక్కడో ఒక ప్రారంభం అయితే జరగాలి కదా... 

అందుకే మరొక బృహత్తర యజ్ఞం తలపెట్టారు కేసీఆర్. 

ఈసారి దేశం కోసం.   

ఇలాంటి ప్రారంభమే 2001లో ఆనాడు జలదృశ్యంలో కేసీఆర్ చేయకుండివుంటే ఈరోజు తెలంగాణ ఉండేదా? 

అలాంటి సంకల్పంతోనే - దేశరాజకీయాల్లో గుణాత్మక మార్పు, సమాఖ్య స్పూర్తి లక్ష్యంగా - ఇప్పుడు కేసీఆర్ సిద్ధమయ్యారు.

ఈ నేపథ్యంలోనే నిన్న తెలంగాణ భవన్‌లో బీఆరెస్ ఆవిర్భావ వేడుకలు ఘనంగా జరిగాయి. రేపు 14 డిసెంబర్ నాడు భారత రాష్ట్ర సమితి (బీఆరెస్) ఆఫీసు భారత రాజధాని ఢిల్లీలో ప్రారంభం కాబోతోంది. 

గూస్‌బంప్స్ కదా... 

అబ్ కీ బార్... కిసాన్ సర్కార్! 

వాతావరణంలా మనసు కూడా మారుతుంటుంది...

ఇదొక ఫ్రెండ్లీ "స్టాచుటరీ వార్నింగ్" లాంటి మనవి!

రకరకాల విశ్లేషణలు, లాజిక్కులతో ఏదేదో భారీగా ప్లాన్ చేస్తాం. కాని, ప్రాక్టికల్‌గా ఒక రెండు రోజులు చూసిన తర్వాత గాని విషయం క్రిస్టల్ క్లియర్‌గా అర్థంకాదు.

కట్ చేస్తే -

అన్ని ప్లాన్లూ మూటకట్టి డస్ట్‌బిన్‌లో వేసేశాను. 

సోషల్ మీడియా మినిమలిజం... ఇదొక్కటే కరెక్టు:

> ఒక్కటే బ్లాగ్. ఇందులోనే  రాజకీయాలు, సినిమాలు, సక్సెస్ సైన్స్, స్పిరిచువాలిటీ, అనుభవాలు-జ్ఞాపకాలతో నిండిన నా పర్సనల్ నాస్తాల్జిక్ స్టఫ్.

> బ్లాగ్‌లోవన్నీ తెచ్చి, నాకున్న ఒకే ఒక్క ఫేస్‌బుక్ ఎకవుంట్‌లో పోస్ట్ చేసి బ్లాగ్ లింక్ ఇవ్వడం. 

> ఇదే ఫేస్‌బుక్‌లో - నా ఫ్రీలాన్సింగ్ కెరీర్‌కు చెందిన కోచింగులు, ఎట్సెట్రాల పోస్టులు, ప్రకటనలు.  

అన్నీ ఒకటే బ్లాగ్, ఒకటే ఫేస్‌బుక్ ఎకవుంట్‌లో! 

వచ్చే ఎన్నికల దాకా పాలిటిక్స్ కంటెంట్ కొంచెం ఎక్కువగానే ఉంటుంది. ఇది కేసీఆర్, తెలంగాణకు పూర్తిగా అనుకూలం.  

కట్ చేస్తే - 

ఈ సందర్భంగా నాదొక మనవి  👇🏻:

నా పొలిటికల్ వ్యూస్, ఇతర స్టఫ్ పడని మిత్రులు, ఇబ్బందిగా ఫీలయ్యే మిత్రులు నిర్మొహమాటంగా అన్‌ఫ్రెండ్ & అన్‌ఫాలో కొట్టొచ్చు. 

నిర్మాణాత్మకమైన డీసెంట్ కామెంట్స్ ఫరవాలేదు. ఓకే.

తెలుసుకుంటాను, అవసరమైతే నేర్చుకుంటాను. 

కానీ, కామెంట్స్‌లో సినిస్టిక్ నెగెటివిటీకి, వ్యక్తిగత కామెంట్స్‌కు తావు లేదు.  నిమిషాల్లో డిలీట్ చేయడమో, బ్లాక్ చేయడమో జరుగుతుంది. సో... మీ మీ అభిప్రాయాలు, వ్యూస్... మీ మీ టైమ్‌లైన్స్ మీద బాజాప్త పోస్ట్ చేసుకోవచ్చు. 

నిర్మాణాత్మకం కాని చర్చలతో, వ్యక్తిగత దూషణలతో కూడిన కామెంట్స్‌తో ఎవ్వరి టైమూ వృధా కాకూడదన్నదే నా ఉద్దేశ్యం. 

థాంక్ యూ. 😊

సోషల్‌ మీడియా మినిమలిజమ్!

 

ఫేస్‌బుక్ & బ్లాగ్ విషయంలో మినిమలిజమే బెట్టర్ అనుకుంటా. 

పాలిటిక్స్‌కు ఒక పేజీ అని, సినిమాలకు ఒక పేజీ అని... సక్సెస్ సైన్స్‌కు ఒక పేజీ అని, స్పిరిచువాలిటీకి ఇంకో పేజీ అని... అనవసరంగా పని పెంచుకోవటమే అవుతుంది.

5 వేలు అంకె దాటినప్పుడు, ఫాలోయర్స్ పెరుగుతారు. అంతకంటే పెద్ద ఇష్యూ ఏం లేదు. పని తగ్గించుకోవడం ముఖ్యం.  

సో... ఒక్క ఫేస్‌బుక్ ఎకవుంట్ చాలు, ఒక్క బ్లాగ్ చాలు. ఇన్‌స్టా, ట్విట్టర్ అలా పక్కన పడుంటాయి. చాలు. 

పైన చెప్పినట్టు కాకుండా - దేనికదే ప్రత్యేకంగా చేసినప్పుడు నాకు జరిగే నష్టాలు ముఖ్యంగా రెండు:

> పని పెరుగుతుంది, సమయం వృధా అవుతుంది. సోషల్ మీడియా కోసం నాకున్న కొద్దిసమయంలో ఓపిక తగ్గి అనుకున్నది చేయకపోవచ్చు. అనుకున్నట్టుగా రాయకపోవచ్చు. 

> నేను కనెక్ట్ అవ్వాలనుకున్నవారితో నాకు, వైస్ వెర్సా... రెండువైపులా ఫోకస్ తగ్గుతుంది. ఎఫ్ఫెక్ట్ ఉండదు. 

సో... కొత్తగా క్రియేట్ చేసిన పేజీల వైపు, కొత్త బ్లాగ్ వైపు ఇంక చూడను.,, కనీసం, 2023 చివరి దాకా! అప్పటివరకు నాకు చాలా ముఖ్యమైన పర్సనల్ టాస్క్‌లున్నాయి పూర్తిచేయాల్సినవి. 

సో... 

జై మినిమలిజమ్! 😊

కట్ చేస్తే - 

ఇదంతా నా గొడవ. 

కాని, దాదాపుగా - ఎవరి విషయంలోనైనా అంతే అనుకుంటా. ఫోకస్ చెల్లాచెదురైనప్పుడు బ్రాండింగ్ - లేదా - ఎఫెక్ట్ కష్టం. మనం అనుకున్నది అనుకున్నట్టుగా చేయటం కష్టం, సాధించడం కష్టం. 

ఇది వ్యక్తులకు, వ్యాపారాలకు, వృత్తులకు కూడా వర్తిస్తుంది. 

సోషల్ మీడియా మనకు ఉపయోగపడాలి. అదే సోషల్ మీడియా ద్వారా మన వల్ల కూడా పిపీలికామాత్రంగానైనా ఎంతో కొంత ఉపయోగం ఉండాలి, మేలు జరగాలి. అది వ్యక్తులకు కావచ్చు, సమాజానికి కావచ్చు.  

With that said -  

మన విలువైన సమయం వృధా చేసుకోవద్దనేదే ఈ పోస్టు మొత్తం సారాంశం.

మీరేమంటారు?    

2022 మీకు ఏమిచ్చింది?

ఇలా కూడా అనుకోవచ్చు... 2022 కు మీరేమిచ్చారు? 

కట్ చేస్తే -

ఇంకో 26 రోజుల్లో 2022 ముగుస్తోంది. మళ్ళీ న్యూ ఇయర్, న్యూ రిజొల్యూషన్స్  వగైరా మామూలే. 

అయితే - ఆ రొటీన్ హడావిడి కంటే ముందు ఒక్క 20 నిమిషాల సమయం తీసుకొని - ఎలాంటి డిస్టర్బెన్స్ లేని ఒక చోట కూర్చొని - మొబైల్ స్విచ్చాఫ్ చేసి - ఒక చిన్న రివ్యూ చేసుకోవచ్చు. 

నిజంగా పెన్నూ, పేపర్ పట్టుకొని కూర్చుంటే 10 నిమిషాలైనా సరిపోతుంది.  

2022 లో, ఈ రోజువరకు, (1) పర్సనల్‌గా - (2) ప్రొఫెషనల్‌గా - (3) సోషల్‌గా... మనం ఏం సాధించాం? 

అవి భారీ విజయాలే కానక్కర లేదు. మనకు సంతోషాన్నిచ్చే ఏ చిన్న అంశమైనా కూడా కావచ్చు. 

మన జీవితంలోని ఈ మూడు ముఖ్యమైన విభాగాల్లో - మనం గుర్తుపెట్టుకొనే స్థాయి వున్న, మనకు ఆనందాన్నిచ్చిన, మన పర్సనల్ గ్రోత్‌కి ఉపయోగపడిన విజయం... కనీసం ఒక్కొక్కటి వున్నా ఫరవాలేదు. 

ఖచ్చితంగా వుంటాయి. 

అలాగే ఒక్కో బాధాకరమైన అంశం కూడా ఉండొచ్చు. వాటి గురించి కూడా రివ్యూ చేసుకోవడం అవసరం.

ఈ రివ్యూ ఉంటే రేపు 2023 ఆటొమాటిగ్గా బ్రహ్మాండంగా వుంటుంది. 

చలో, టైమర్ సెట్ చేసుకొని, మొబైల్ స్విచ్చాఫ్ చెయ్యండి... జస్ట్ 20 నిమిషాలు... 

ఆల్ ది బెస్ట్!  

25 లక్షలకే 2 ప్లాట్స్! ఇయర్ ఎండ్ సేల్!!

2022 కు గుడ్ బై చెప్పడానికి జస్ట్ ఒక 28 రోజులే మిగిలుంది. ఈ సందర్భంగా - ఆలోచనాపరులైన ఇన్వెస్టర్స్ కోసం - ఒక అద్భుతమైన "ఇయర్ ఎండ్ సేల్" బొనాంజా ప్రకటిస్తున్నాం. 

25 లక్షల మీ ఇన్వెస్ట్‌మెంట్‌కు ఒకే రోజు 2 ప్లాట్స్ రిజిస్ట్రేషన్! 

ఒకటి ఫామ్ ప్లాట్.
రెండోది రెసిడెన్షియల్ ప్లాట్. 

ఈ రెండూ - తెలంగాణలోని "ది బెస్ట్ ఇండస్ట్రియల్ కారిడార్"గా, "ది బెస్ట్ ఎంప్లాయ్‌మెంట్ గ్రోత్ ఏరియా"గా ముందుకు దూసుకెళ్తున్న - సంగారెడ్డి జిల్లా హెడ్‌కార్టర్స్‌కు 23 కిలోమీటర్స్ దూరంలో, జహీరాబాద్‌కు 25 కిలోమీటర్ల దూరంలో - ముంబై హైవేకి దగ్గరలో, సదాశివపేటకు కేవలం 8 కిలోమీటర్ల దూరంలో ఉన్న మా బెస్ట్ వెంచర్స్. 

ప్రముఖ టూరిస్ట్ స్పాట్, మంజీరా నది ప్రవహిస్తున్న సింగూర్ ప్రాజెక్ట్ మా వెంచర్స్‌కు జస్ట్ 8 కిలోమీటర్ల దూరంలో ఉంది. జహీరాబాద్‌లో కొత్తగా డొమెస్టిక్ ఎయిర్‌పోర్ట్ వస్తోంది. 

మీరే ఊహించుకోవచ్చు... ఈ ప్లేస్‌లో ల్యాండ్ వాల్యూ ఇంక ముందు ముందు ఎలా ఉండబోతోందో. 

కట్ చేస్తే -  

రెసిడెన్షియల్ ప్లాట్‌లో మీరు మీ అభిరుచికి అనుగుణంగా ఒక మంచి ఇల్లు కట్టుకోవచ్చు. ఇంటికి కొద్ది దూరంలోనే - పారుతున్న మంజీరా ఒడ్డున - మీ ఫామ్‌ప్లాట్‌లో ఒక చిన్న ఫామ్‌హౌజ్ వేసుకొని మీరు ఆహ్లాదంగా గడపొచ్చు.  

ఒక ఇన్వెస్ట్‌మెంట్ పరంగా చూసినా - కేవలం 2-3 ఏళ్ళలో డబుల్ గ్రోత్ ఉంటుంది. మేమే స్వయంగా "బై బ్యాక్ ఆఫర్" కూడా ఇస్తున్నాము. 

ఈ డబుల్ ధమాకా ఆఫర్‌ను వినియోగించుకొనే ఒక అద్భుత నిర్ణయం తీసుకొంటూ 2022 కు గుడ్‌బై చెప్పండి. ఒకే రోజు 2 ప్లాట్లు రిజిస్ట్రేషన్ చేసుకొని 2023 కు గ్రాండ్‌గా వెల్‌కమ్ చెప్పండి. 

ఇంకెందుకు ఆలస్యం? 

పూర్తి వివరాల కోసం కాల్ చేయండి. మీ సైట్ విజిట్‌కు "ఫ్రీ పికప్ & డ్రాప్" మేమే ఏర్పాటు చేస్తాం. 

నావైపు నుంచి పర్సనల్‌గా మీరూహించని స్పెషల్ ఆఫర్ ఇప్పిస్తాను. 

ఇంకేం ఆలోచిస్తున్నారు?

2022 చివర్లో ఒక మంచి ఇన్వెస్ట్‌మెంట్ డెసిషన్ తీసుకోండి.  

After all, the best investment on earth is nothing but land!

- మనోహర్ చిమ్మని

ఎం డి, స్వర్ణసుధ ప్రాజెక్ట్స్ ప్రైవేట్ లిమిటెడ్ 

(గ్రీన్ లీవ్స్ ఇన్‌ఫ్రాటెక్ లిమిటెడ్ గ్రూప్) 

+91 9989578125 

సిటీకి దూరంగా... 'క్రియేటివ్ స్పేస్' డెస్టినేషన్స్‌!

ఫిలిం డైరెక్టర్స్, రైటర్స్ ఎలాంటి డిస్టర్బెన్స్ లేకుండా స్క్రిప్టులు రాసుకోడానికి పట్టాయా, గోవా, స్పెయిన్, సింగపూర్, మారిషస్, మాల్దీవ్స్, అన్నవరం, అరకు, ఊటీ లాంటి ప్లేస్‌లకు వెళ్తుంటారు. 

బడ్జెట్ ఉన్నా - కొన్ని కొన్నిసార్లు అందరికీ అంతంత దూరాలు వెళ్లటం కుదరకపోవచ్చు.

మ్యూజిక్ డైరెక్టర్స్, సీరియల్స్, వెబ్ సీరీస్ మేకర్స్, ఇతర క్రియేటివ్ రంగాలవారికి కూడా ప్రి-ప్రొడక్షన్ వర్క్ కోసం ఎలాంటి డిస్టర్బెన్స్‌లేని మంచి క్రియేటివ్ స్పేస్‌ల అవసరం ఎప్పుడూ ఉంటుంది. 

గేటెడ్ కమ్యూనిటీ ఫామ్‌లాండ్స్, ఫామ్‌ప్లాట్స్, ఫామ్‌హౌజ్‌లు అనేవి ఈ విషయంలో ఒక కొత్త సొల్యూషన్ అనుకోవచ్చు.    

కేవలం స్క్రిప్టులు రాసుకోవడం, స్టోరీ సిట్టింగ్స్, మ్యూజిక్ సిట్టింగ్స్, ప్రొడక్షన్ ప్లానింగ్స్ వంటి పనులకోసమే కాకుండా... "వీకెండ్ క్రియేటివ్ డెస్టినేషన్స్‌"గా కూడా ఈ గేటెడ్ కమ్యూనిటీ ఫామ్‌లాండ్స్, ఫామ్‌హౌజెస్ బాగా ఉపయోగపడతాయి. మంచి రిలీఫ్‌ను ఇస్తాయి. 

GREEN LEAVES INFRATECH LIMITED వారి గేటెడ్ కమ్యూనిటీ ఫామ్‌లాండ్స్, ఫామ్‌ప్లాట్స్, ఫామ్‌హౌజ్ వెంచర్స్ అలాంటివే.  

సిటీకి 70 కిలోమీటర్ల దూరంలో, సదాశివపేటకు దగ్గరలో, ముంబై హైవేకి కేవలం 8 కిలోమీటర్ల దూరంలో - ఎలాంటి డిస్టర్బెన్స్ లేకుండా, మంజీరా నది వ్యూతో అద్భుతంగా ప్లాన్ చేసిన ఈ వెంచర్‌ను - సినీఫీల్డు, టీవీ ఫీల్డు, ఇతర క్రియేటివ్ రంగాల్లోని ప్రొడ్యూసర్స్, డైరెక్టర్స్, రైటర్స్, ఆర్టిస్టులు, టెక్నీషియన్స్ ఒకసారి విజిట్ చేసి నిర్ణయం తీసుకోవచ్చు. 

మనకు నచ్చిన డిజైన్‌లో ఓ చిన్న ఫామ్‌హౌజ్ వేసుకొని, మనకిష్టమైన వెజిటబుల్స్, ఫ్లవర్ ప్లాంట్స్, గ్రీనరీ పెంచుకొంటూ, మనకు అవసరమైనప్పుడు గాని, వీకెండ్స్ గాని అక్కడ గడపగలిగితే చాలు... లైఫ్ నిజంగా ఇంకో లెవెల్లో ఉంటుంది. 

ఇన్వెస్ట్‌మెంట్ పరంగా కూడా ఇలాంటి ఫామ్‌ప్లాట్స్, ఫామ్‌లాండ్స్ కొనుక్కోవడం అనేది ఒక బెస్ట్ ఇన్వెస్ట్‌మెంట్ ఆప్షన్ అవుతుందని ప్రత్యేకంగా చెప్పనవసరం లేదు. 

ఇన్వెస్ట్‌మెంట్ పరంగా కూడా ఇలాంటి ఫామ్‌ప్లాట్స్, ఫామ్‌లాండ్స్ కొనుక్కోవడం అనేది ఒక బెస్ట్ ఇన్వెస్ట్‌మెంట్ ఆప్షన్ అవుతుందని ప్రత్యేకంగా చెప్పనవసరం లేదు. 

సిటీకి 70 కిలోమీటర్ల దూరంలో ఉన్న ఈ ఫామ్‌లాండ్ ప్రాజెక్టు, ముంబై హైవేకు కేవలం 8 కిలోమీటర్ల దూరంలో ఉంది. 

కేవలం 15 నిమిషాల దూరంలో సంగారెడ్డి జిల్లా హెడ్‌క్వార్టర్స్, 30-45 నిమిషాల దూరంలో RRR (Regional Ring Road) & ORR (Outer Ring Road) ఉన్నాయి.  

13,000 ఎకరాల్లో సెంట్రల్ గవర్నమెంట్ అప్రూవ్ చేసిన NIMZ (National Investment & Manufacturing Zone) ప్రాజెక్టు, MRF, పెన్నార్, పెప్సికో, BHEL, KIRBY, తోషిబా, ఎక్స్‌పోర్ట్ కారిడార్, MNR మెడికల్ కాలేజి, IIT, Gitam, Woxsen యూనివర్సిటీలు... TCS, Wipro, ISB, Microsoft, Google వంటి గొప్ప గొప్ప సంస్థలన్నీ ఈ వెంచర్‌కు 45 నుంచి 55 నిమిషాల పరిధిలో ఉన్నాయి. 

ఒక ఇన్వెస్ట్‌మెంట్ దృక్పథంతో చూసినా... కేవలం ఒక 2-3 ఏళ్లల్లోనే రెట్టింపు వాల్యూ తెప్పించే అవకాశం ఉంది. 

బై బ్యాక్ ఆప్షన్ కూడా ఉంది. 

ఇన్ని ప్లస్ పాయింట్స్‌తో ఉన్న గ్రీన్ లీవ్స్ ఇన్‌ఫ్రాటెక్ లిమిటెడ్ వారి ఫస్ట్ వెంచర్ - చైర్మన్ రావూరి శ్రీనివాసరావు, మేనేజింగ్ డైరెక్టర్ బైరి పరమేశ్వర్ రెడ్డి అధ్వర్యంలో - ఇప్పటికే "సోల్డ్ అవుట్" అయిపోయింది. సెకండ్, థర్డ్ వెంచర్స్‌లో అమ్మకాలు ప్రస్తుతం ఫుల్ స్వింగ్‌లో ఉన్నాయి.     

24 గంటల సెక్యూరిటీ, 3 సంవత్సరాల మెయింటెనెన్స్, మంచి నల్లరేగడి నేల, డ్రిప్ ఇర్రిగేషన్, 33 ఫీట్స్/40 ఫీట్స్/60 ఫీట్స్ ఇంటర్నల్ రోడ్స్‌తో ఉన్న ఈ గ్రీన్ లీవ్స్ ఇన్‌ఫ్రాటెక్ లిమిటెడ్ వెంచర్‌లో:

121 స్క్వేర్ యార్డ్స్ నుంచి 4850 స్క్వేర్ యార్డ్స్ (1 నుంచి 40 గుంటలు) యూనిట్స్‌లో - ఎన్ని యూనిట్స్ అయినా కొనుక్కొనే ఫ్లెక్సిబిలిటీ ఉంది. 

క్లియర్ టైటిల్. 

ఫండ్స్‌తో రెడీగా ఉన్న కస్టమర్స్‌కు వెంటనే రిజిస్ట్రేషన్ ఉంటుంది. తెలంగాణ రాష్ట్ర ప్రభుత్వ పట్టాదార్ పాస్‌బుక్ ఇప్పించబడుతుంది. ప్రభుత్వ నిబంధనలకు లోబడి, "రైతుబంధు" వంటి స్కీములకు ఎలిజిబిలిటీ కూడా ఉంటుంది. 

ఆసక్తి వున్న సినీ-టీవీ ఫీల్డు, ఇతర క్రియేటివ్ రంగాలవాళ్ళు, ఎలక్ట్రానిక్ మీడియావాళ్ళు డైరెక్ట్‌గా నాకు కాల్ చేయొచ్చు. మీ సైట్ విజిట్ నేను ఏర్పాటు చేస్తాను. నావైపు నుంచి పర్సనల్‌గా మీరూహించని స్పెషల్ ఆఫర్ ఇప్పిస్తాను. 

ఇంకేం ఆలోచిస్తున్నారు?

2022 చివర్లో ఒక మంచి ఇన్వెస్ట్‌మెంట్ డెసిషన్ తీసుకోండి. 

After all, the best investment on earth is nothing but land!

- మనోహర్ చిమ్మని

ఎం డి, స్వర్ణసుధ ప్రాజెక్ట్స్ ప్రైవేట్ లిమిటెడ్ 

(గ్రీన్ లీవ్స్ ఇన్‌ఫ్రాటెక్ లిమిటెడ్ గ్రూప్) 

+91 9989578125 

సారీ... ఇప్పుడు నేను రైటర్ని!

"ఏం చేస్తున్నారిప్పుడు?" నా క్యాజువల్ కొశ్చన్. 

"డైరెక్టర్‌గా అవకాశాలు తగ్గాయి. రైటర్‌గా ప్రయత్నిస్తున్నాను" చాలా సింపుల్ సమాధానం అతనిది.

సినిమా ఇండస్ట్రీలో పనిచేసేవాళ్ళలో అత్యధికశాతం మంది చెప్పే సమాధానం సాధారణంగా మరోవిధంగా ఉంటుంది. ఎలాగంటే - "శర్వాకు మొన్నే కథ చెప్పా. యూరోప్ వెళ్ళాడు. రాగానే సంక్రాంతి తర్వాత కూర్చొని ఓకే చేసేద్దాం అన్నాడు. నా కథ ఆయనకి అంత బాగా నచ్చింది భయ్యా...హీరోయిన్ ఎవరనుకొంటున్నావ్..."

ఇంక దీనికి అంతుండదు. 

ఇంకో రెండు సంక్రాంతుల తర్వాత కూడా శర్వా యూరోప్ నుంచి రాడు. ఇక్కడ కథ ఓకే కాదు... అది వేరే విషయం. 

అలాక్కాకుండా - పైన అంత సింపుల్‌గా నాకు సమాధానం చెప్పిన ఆ డైరెక్టర్ కొన్నేళ్ళ క్రితం ఒక మంచి హిట్ ఇచ్చాడు. తర్వాత ఇంకో నాలుగు సినిమాలు డైరెక్ట్ చేశాడు. డైరెక్టర్‌గా అవకాశాలు తగ్గటంతో, ఇప్పుడు రైటర్‌గా యమ సీరియస్‌గా ప్రయత్నిస్తున్నాడు. 

ఎలాంటి షుగర్ కోటింగ్ లేకుండా, అబద్ధాలు చెప్పకుండా, ఉన్న నిజాన్నే అంత హానెస్ట్‌గా చెప్పగలిగిన ఆ డైరెక్టర్... గాంధీ మనోహర్.

కొన్నేళ్ళ క్రితం ఆయన తీసిన హిట్ పిక్చర్ - "సారీ... నాకు పెళ్లైంది!" 

కట్ చేస్తే -       

లైమ్‌లైట్‌లో ఉన్న హీరోలు, హీరోయిన్స్, ఆర్టిస్టులు, టెక్నీషియన్స్, డైరెక్టర్స్ గురించి ఎవరైనా రాస్తారు. సోషల్ మీడియా, డిజిటల్ మీడియా, టీవీ చానల్స్ ఎట్సెట్రా అన్నీ బాగా కవర్ చేస్తాయి. యూట్యూబ్‌లో కూడా ఉన్నవీ లేనివీ థంబ్‌నెయిల్స్ పెడుతూ వీళ్లందరి గురించిన టిడ్‌బిట్స్ బాగానే అప్‌లోడ్ చేస్తుంటారు.    

అయితే - తెరపైకి రావాలనుకొంటున్న, లేదా, ఆల్రెడీ వచ్చి దాదాపుగా తెరమరుగైన కొందరు "అన్-సంగ్ హీరోస్" గురించి  మాత్రం ఎవ్వరూ రాయరు, రాయాలనుకోరు... ఉపయోగం ఉండదు కాబట్టి. 

కాని, నేను వీరందరి గురించి కూడా అప్పుడప్పుడూ నాకు తెలిసింది రాయాలనుకొంటున్నాను.   

ఈ క్రమంలో - నేను ముందుగా రాస్తున్నది డైరెక్టర్ గాంధీ మనోహర్ గురించి కావడం అనుకోకుండా జరిగింది. డైరెక్టర్‌గా నాకు సీనియర్... బాపు-రమణ, రాఘవేంద్రరావు, జంధ్యాల, వంశీ వంటి స్టాల్‌వార్ట్స్ దగ్గర పనిచేసిన గాంధీ నాకు ఆత్మీయ మిత్రుడు. మంచి రైటర్, ఆర్టిస్టు, కార్టూనిస్టు కూడా. 

కదిరిలో డిగ్రీవరకు చదువుకున్న గాంధీ బేసిగ్గా కార్టూనిస్టు. మయూరి, చిత్రభూమి పత్రికల్లో లే-ఔట్ ఆర్టిస్టుగా పనిచేస్తున్నప్పుడు - అందులో పనిచేసే రాంబాబు అనే జర్నలిస్టు గాంధీని తీసుకెళ్ళి, అప్పుడే "సరసాల సోగ్గాడు" అనే సినిమా డైరెక్ట్ చేయబోతున్న సత్యప్రసాద్ అనే ఒక  డైరెక్టర్‌కి పరిచయంచేశాడు. అలా మొదలైంది కథ. 

తర్వాత ప్రముఖ కార్టూనిస్టు బ్నిం ఆయన్ని బాపు గారికి పరిచయం చేశారు. బాపు గారి దగ్గర మిస్టర్ పెళ్ళాం, పెళ్ళికొడుకు, రాంబంటు చిత్రాలకు అసిస్టెంటుగా చేశాడు గాంధీ. తర్వాత బాపు గారి ఈటీవీ భాగవతంకు కూడా పనిచేశాడు.

డైరెక్టర్‌గా గాంధీ మనోహర్‌కు మొదటి సినిమా "సారీ... నాకు పెళ్లైంది!" కావడం ఒక రకంగా అదృష్టం, మరోరకంగా దురదృష్టం అనుకోవచ్చు. ఆ సినిమా హిట్ కావడానికి టైటిల్ బాగా ఉపయోగపడింది. కాని, నిజానికి సినిమా టైటిల్లో అందరికీ ధ్వనించే బూతేం అందులో లేదు. కాని, శ్రీరంగనీతులు చెప్పే కొందరు ఆ సినిమాను ఒక అంటరాని సినిమాగా తేల్చేశారు. దీంతో చోటామోటా హీరోలు కూడా డేట్స్ ఇవ్వని పరిస్థితి ఏర్పడింది. 

దాంతో నేనూ మేధావినే అని నిరూపించుకొనే ప్రయత్నంలో "ప్లీజ్... నాకు పెళ్లైంది" టైటిల్‌తో ఒక ఎక్స్‌పరిమెంటల్ సినిమా తీశాడు గాంధీ. సినిమాలో మూడు క్లైమాక్స్‌లుంటాయి. జనం తిప్పికొట్టారు. ఆటొమెటిగ్గా కొంత గ్యాప్ వచ్చేసింది. తర్వాత శివాజీతో రెండు సినిమాలు తీశాడు. పెద్దగా వర్కవుట్ అవ్వలేదు. డైరెక్టర్‌గా అవకాశాలు తగ్గిపోయాయి.

"సారీ... నాకు పెళ్లైంది" సినిమా రిలీజ్ అయిన ప్రతి థియేటర్ హౌస్ ఫుల్ అయ్యింది. కానీ, తన రెండో సినిమా "ప్లీజ్... నాకు పెళ్లైంది" సినిమాకు రిలీజ్ అయిన ఫస్ట్‌డే ఫస్ట్‌షోకు పది మంది కూడా రాలేదు. అదిచూసి దాదాపు ఏడ్చేశాడు గాంధీ. ఇదీ గాంధీ సినీజీవితంలో అత్యంత బాధాకరమైన జ్ఞాపకం. సినిమా అంటే ఏంటో చెప్పిన రియాలిటీ.  

"నేను రాఘవేంద్రరావు గారి దగ్గర పని చేస్తున్నప్పుడు "శ్రీమతీ వెళ్ళొస్తా"  సినిమా షూటింగ్ జరుగుతోంది. ఒకరోజు నన్ను పిలిచి "నేను సీన్ చెప్తా... దానికి స్టొరీ బోర్డ్ వేసి తీసుకురా" అని నాకు ప్రతి షాట్ చెప్పారు. నేను దానికి 23 షాట్స్ వేసుకుని వెళ్ళాను. అందులో ఒకే ఒక్క షాట్‌కు మాత్రం కరెక్షన్ చెప్పారు రాఘవేంద్రరావు గారు. ఆయన చెప్పినట్టుగా, ముఖ్యంగా ఆయనకు నచ్చేట్టు స్టోరీబోర్డ్ వేయగలిగానని చాలా హాపీగా ఫీలయ్యాను" అని తన సినీజీవితంలోని ఒక మంచి జ్ఞాపకం గురించి చెప్పాడు గాంధీ. 

కట్ చేస్తే - 

ఇప్పుడు ఇండస్ట్రీలో రైటర్స్‌కు చాలా డిమాండ్ ఉంది. దేశంలోనే అత్యధిక పారితోషికం సుమారు 3 నుంచి 5 కోట్లవరకు తీసుకునే సినీకథారచయిత విజయేంద్రప్రసాద్ ఇప్పుడు మన తెలుగు ఇండస్ట్రీలో ఉన్నారు.

స్వయంగా తను మంచి రచయిత కూడా కాబట్టి - రచయితగా మంచి కథలు అందించి, స్టోరీ రైటర్‌గా కొనసాగాలన్న ప్రయత్నంలో ప్రస్తుతం సీరియస్‌గా పనిచేస్తున్నాడు గాంధీ. 

ఫీల్డులోకి వస్తున్న కొత్తవారికి ఏంటి మీ సలహా అని అడిగినప్పుడు - "ఈ ఫీల్డులో సక్సెస్ రేటు చాలా తక్కువ, దయచేసి ఈ ఫీల్డుకి రాకండి అనే చచ్చు సలహా మాత్రం ఇవ్వను" అని తను చెప్పాలనుకున్నది చెప్పాడు గాంధీ.

డైరెక్టర్ గాంధీ మనోహర్ భార్య ప్రశాంతి అడ్వొకేట్‌గా పనిచేస్తున్నారు. కూతురు ప్రణతి సాఫ్ట్‌వేర్ ఇంజినీర్‌గా క్యాప్‌జెమినిలో పనిచేస్తోంది. 

తను కోరుకుంటున్నట్టు డైరెక్టర్ గాంధీ మనోహర్ స్టోరీ రైటర్‌గా మంచి సక్సెస్ సాధించాలనీ, తర్వాత అవసరమైతే మళ్ళీ మెగాఫోన్ పట్టాలనీ ఒక మిత్రుడిగా నేను మనస్పూర్తిగా ఆశిస్తున్నాను. 

"The only safe thing is to take a chance." 
- Mike Nichols 

ఇప్పుడు వీళ్లంతా ఏం చేస్తున్నారు?

లైమ్‌లైట్‌లో ఉన్న హీరోలు, హీరోయిన్స్, ఆర్టిస్టులు, టెక్నీషియన్స్, డైరెక్టర్స్ గురించి ఎవరైనా రాస్తారు. సోషల్ మీడియా, డిజిటల్ మీడియా, టీవీ చానల్స్ ఎట్సెట్రా అన్నీ బాగా కవర్ చేస్తాయి. యూట్యూబ్‌లో కూడా ఉన్నవీ లేనివీ థంబ్‌నెయిల్స్ పెడుతూ వీళ్లందరి గురించిన టిడ్‌బిట్స్ బాగానే అప్‌లోడ్ చేస్తుంటారు.    

అయితే - తెరపైకి రావాలనుకొంటున్న, ఆల్రెడీ వచ్చి దాదాపుగా తెరమరుగైన కొందరు "అన్-సంగ్ హీరోస్" గురించి  మాత్రం ఎవ్వరూ రాయరు, రాయాలనుకోరు... ఉపయోగం ఉండదు కాబట్టి. 

కాని, నేను వీరందరి గురించి కూడా అప్పుడప్పుడూ నాకు తెలిసింది రాయాలనుకొంటున్నాను.

ఈ క్రమంలో - నేను ముందుగా రాస్తున్నది ఒక డైరెక్టర్ గురించి. 

"సారీ నాకు పెళ్ళైంది!" వంటి హిట్ సినిమా అందించి, డైరెక్టర్‌గా ఇంకో నాలుగైదు సినిమాలు చేసిన తర్వాత - ప్రస్తుతం రైటర్‌గా మళ్ళీ ఫీల్డులో నిలదొక్కుకోడానికి ప్రయత్నిస్తున్న - ఆత్మీయ మిత్రులు గాంధీ మనోహర్ గురించి ఈ రాత్రికి నా బ్లాగ్‌లో... 

వన్-టు-వన్ పర్సనల్ కోచింగ్!

నా ఫీజు భారీగా ఉంటుంది. ఎందుకంటే - ఇవి రొటీన్ కోచింగ్స్ కావు. నా సమయం నేను అంత ఎక్కువగా కెటాయించాల్సి ఉంటుంది. 

అయితే - ఫలితాలు అద్భుతంగా, మీరు ఊహించని రేంజ్‌లో ఉంటాయి. పాజిటివ్‌గా ఉంటాయి. 

అంచనాలు, ఊహలు కావు. అన్నీ నేను చేసినవే. ఇప్పుడు చేస్తున్నవే, చేయిస్తున్నవే. 

వందకి వంద శాతం ఫెయిల్ అన్న ప్రశ్నే లేదు. 

కట్ చేస్తే - 

ఇవీ నా పర్సనల్ కోచింగ్ అంశాలు:

1. 30 రోజుల్లో పుస్తకం రాయడం ఎలా?

2. 30 రోజుల్లో పాపులర్ బ్లాగర్ కావడం ఎలా? 

3. యాక్టింగ్, స్క్రిప్ట్ రైటింగ్, డైరెక్షన్ లలో "ఇన్-ఫిలిం కోచింగ్" 

నిజంగా ఆసక్తి ఉందా?

ఇంకెందుకు ఆలస్యం...  

కింది లింక్స్‌ను క్లిక్ చేసి వివరాలు చదవండి. తర్వాత ఫీజు, మరిన్ని వివరాల కోసం వాట్సాప్ చేయండి: 9989578125       

Link: https://www.manoharchimmani.blog/p/meetups.html

Link 2:  https://www.manoharchimmani.blog/2022/11/manohar-chimmani-in-film-coaching.html 


Best Wishes,

-- Manohar Chimmani
Film Director, Nandi Award Winning Writer, Blogger
Email: mchimmani10x@gmail.com
Whatsapp: 9989578125

మనోహర్‌చిమ్మని.బ్లాగ్

2023 నవంబర్ వరకు సినిమాలు తప్ప మరొకదాని గురించి నేనసలు ఆలోచించకూడదని నిర్ణయించుకున్నాను. ఆలోచించడం లేదు. 

ఇప్పుడు నేను చేస్తున్న ట్రెండీ యూత్ ఫిలిం "Yo!"తో పాటు, ప్యారలల్‌గా ఇంకో సినిమా కూడా చేస్తాను. అంతవరకు ష్యూర్. 

ఈలోపు, ఇంటాబయటా - ముఖ్యంగా నా ఆఫీస్ ప్రెమిసెస్‌లో - నానారకాల మనుషులు నానా విధాలుగా నాగురించి ఏదేదో అనుకుంటుంటారు. ఆల్రెడీ అనుకుంటున్నారు. కాని, ఆ పనికిరాని చెత్తంతా పట్టించుకునేంత సమయం నాకు లేదు. 

అదే సమయంలో ఒక సీన్ రాసుకోవచ్చు. ఒక ఇంటిమేట్ ఫ్రెండ్‌తో కాసేపు మాట్లాడుకోవచ్చు. అలాంటి ఇంకో మంచి ఫ్రెండ్‌తో  కాసేపు చాట్ చేయొచ్చు. మా అబ్బాయికో మెసేజ్ పెట్టొచ్చు. ఒక చిన్న కమిట్‌మెంట్‌ను ఎలా పూర్తిచేయాలో ఆలోచించుకోవచ్చు. ఒక చిన్న ఇన్‌కమ్ అవెన్యూను క్రియేట్ చేసుకోవచ్చు.  

నిన్న ఆదివారం - ఇన్వెస్టర్స్ మీటింగ్స్, టీం మీటింగ్స్ మధ్య ఖాళీ దొరికినప్పుడల్లా ఎప్పట్నుంచో నేను అనుకొంటున్న ఒక పెద్ద పని పూర్తిచేశాను. 

అది - 

నా బ్లాగర్ బ్లాగ్ "నగ్నచిత్రం"కు ఒక కస్టమ్ డొమైన్ నేమ్ కొత్తగా కొని, లింకప్ చేసేశాను. 

కట్ చేస్తే - 

ఇప్పుడు నా బ్లాగ్ అడ్రస్ ఇదీ: https://www.manoharchimmani.blog     

"సూపర్‌స్టార్ కృష్ణ"కు వినమ్ర నివాళి

జూబ్లీ హిల్స్‌లో ఒక రిచ్ హౌజ్ లొకేషన్‌లో షూటింగ్. సరిగ్గా ఉదయం 8.50 నిమిషాలకు కారు గేట్ లోపలికి వచ్చింది.

అందులోంచి హీరో కృష్ణ దిగారు. 

అదే మొదటిసారి సూపర్ స్టార్‌ని నేను చూడ్డం. 

ఇంటిదగ్గరే మేకప్ పూర్తిచేసుకొని, ఆరోజు షూటింగ్‌లో ఫస్ట్ సీన్‌కు ఏ కాస్ట్యూమ్స్ అయితే అవసరమో వాటిని ముందురోజే ఇంటికి తెప్పించుకొని, వేసుకుని వచ్చారాయన. 

సెట్‌లోకి ఎంటరవుతూనే "డైరెక్టర్ గారెక్కడ?" అని కనుక్కొని గురువుగారున్నవైపుకి నడిచి, ముందు వారిని విష్ చేశారు. రెండు నిమిషాలు జనరల్ టాక్. అంతే. 

తర్వాత తన చెయిర్లో కూర్చుని సీన్ పేపర్స్ ఒకసారి చూశారు. సీన్ పేపర్స్ అసిస్టెంట్‌కు ఇచ్చి "ఏదీ నువ్వొకసారి డైలాగ్స్ చదువ్" అన్నాడు. 

అసిస్టెంట్ చదివి వినిపించాడు. 

"ఇంకోసారి చదువ్" అన్నారు కృష్ణ. అసిస్టెంట్ చదివాడు. 

"ఇప్పుడు నేను చెప్తా చూడు" అని చకచకా డైలాగ్స్ చెప్పేసి, "ఓకేనా?" అన్నారు. అసిస్టెంట్ సమాధానం చెప్పేలోపే, "ఇది విను" అని కొంచెం ఇంప్రొవైజేషన్‌తో మళ్ళీ చెప్పారు. "ఇది బావుంది కదా?" అని అడిగారు. "బావుంది సర్" అన్నాడు అసిస్టెంట్. 

"మనిద్దరికి బాగుంటే సరిపోదు. అక్కడ డైరెక్టర్ గారికి బావుండాలి. నేను రెడీ. షాట్ రెడీనా కనుక్కో" అన్నారాయన. 

గురువుగారు రెండు టేకుల్లో షాట్ ఓకే చేశారు. అయినా సరే - "డైరెక్టర్ గారూ, ఓకేనా... ఇంకోటి చేద్దామా?" అని అడిగారు. 

"టేక్ ఓకే. మీరు ఇంకోటి చేద్దామంటే చేద్దాం" అన్నారు గురువుగారు. 

ఇంకో టేక్ చేశారు. అదికూడా ఓకే అయ్యింది. "రెండూ బాగున్నాయి. నేను ఎడిటింగ్‌లో చూసుకుంటాను" అన్నారు డైరెక్టర్ గారు.

ఇలా చకచకా ఒక సీన్ అయిపోయింది. 

సరిగ్గా ఒంటి గంటకు లంచ్‌కు ఇంటికి బయల్దేరారు సూపర్ స్టార్. 

మళ్ళీ ఫ్రెష్‌గా మేకప్‌తో గంటన్నర తర్వాత ఇంటినుంచి వచ్చారు. ఇంకో రెండు సీన్స్ పూర్తిచేసి సరిగ్గా అరు గంటలకు డైరెక్టర్ గారికి బాయ్ చెప్పి ఇంటికెళ్ళిపోయారు సూపర్ స్టార్. 

ఇలా హీరో కృష్ణ స్పెషల్ అప్పియరెన్స్‌కు సంబంధించిన షూటింగ్ అదే ఇంట్లో రెండు రోజుల్లో అయిపోయింది. 

ఏ ఒక్కరోజు ఎవ్వరిమీద కోపం తెచ్చుకోలేదు ఎవ్వరిని బాధపెట్టలేదు.     

ఎలాంటి అరుపులు, కేకలు, పెడబొబ్బల్లేవు. నేను సూపర్ స్టార్‌ను అన్న అహంకారం లేదు. కోస్టార్స్‌తో చాలా కూల్‌గా మాట్లాడ్దం, డైరెక్టర్‌కు గౌరవం ఇవ్వటం ఇవన్నీ చాలా సహజంగా, మళ్ళీ మళ్ళీ అలా చూడాలి అన్నంతగా బాగుండేవి.

నిల్చుని సీన్, డైలాగ్స్ చదువుతున్న అసిస్టెంట్‌ను తనపక్కనే కూర్చోమనేవారు. "కూర్చో" అని ఆయన అన్న మాటలో "నా పక్కన కూర్చుంటే ఏమవుతుంది" అని చాలా క్యాజువల్‌గా అడిగినట్టు ధ్వనించేది. 

సెట్లో ఆయన కూర్చున్న ఆ స్పేస్ చుట్టూ ఒక "ఆరా"లా కూల్‌నెస్ ఫీలయ్యేవాళ్లం. 

కట్ చేస్తే - 

ఇప్పుడు తన మొదటి సినిమాలో నటించే ఒక కొత్త హీరో కూడా ఎలాంటి యాటిట్యూడ్ చూపిస్తాడో, ఎలాంటి లెవల్ కొడతాడో అందరికీ తెలుసు. 

హీరోలేం ఖర్మ, కొందరు చిన్న చిన్న ఆర్టిస్టులు కూడా ఎంత లెవల్ కొడతారో చెప్పడం అనవసరం. 

టైమ్ సెన్స్ గురించి, ప్రవర్తన గురించి, సెట్లో ప్రొడ్యూసర్-డైరెక్టర్-సీనియర్ ఆర్టిస్టులు-టెక్నీషియన్స్‌కు ఇప్పటివారిచ్చే గౌరవం గురించి ఎంత తక్కువ చెప్పుకుంటే అంత మంచిది.

ఒక హీరో ఇండస్ట్రీలో బాగా నిలదొక్కుకొని దశాబ్దాలపాటు సక్సెస్‌ఫుల్‌గా నిలబడ్డాడంటే దానికి కారణం వారి కులమో మతమో నేపథ్యమో కాదు. ప్రారంభంలో అవి కొంత ఉపయోగపడొచ్చు. కాని, వారి సక్సెస్‌కు కారణం - ఒక తపస్సులా, ప్రొఫెషనల్‌గా వారు పాటించిన డిసిప్లినే అని నేను గట్టిగా నమ్ముతాను.  

ఆ రెండురోజులూ హీరో కృష్ణకు సీన్ పేపర్స్ అందించి, చదివి వినిపించి, షాట్ రెడీ చెప్పిన ఆ అసిస్టెంట్ డైరెక్టర్ నేనే. 

ప్రొఫెషనల్‌గానే కాదు... వ్యక్తిగతంగా కూడా తన జీవితాన్ని తన ఇష్టం వచ్చినట్టు, తనకు నచ్చినట్టుగానే జీవించిన సాహసి "సూపర్‌స్టార్ కృష్ణ"కు వినమ్ర నివాళి. 

MANOHAR CHIMMANI 'IN-FILM COACHING'

* సినీఫీల్డులో కెరీర్ ప్రారంభించాలని మీరు సీరియస్‌గా ఉన్నారా?  

* స్క్రీన్ మీద టైటిల్ కార్డ్స్‌లో మీ పేరు ఎప్పుడెప్పుడు చూసుకుందామా అని తహతహగా ఉందా?

* నిజంగా అంత ప్యాషన్, పట్టుదల మీలో ఉందా? 

మీ సమాధానం "అవును" అయితే... 

కేవలం 9 నెలల్లో 

మీ కలను నిజం చేసుకొనే ఆ అవకాశం 

ఇప్పుడు మీ కళ్ళముందే ఉంది.  

| యాక్టింగ్ | డైరెక్షన్ | స్క్రిప్ట్ రైటింగ్ | 

ఈ 3 విభాగాల్లో - మొట్టమొదటిసారిగా 

మనోహర్ చిమ్మని పరిచయం చేస్తున్న - 

"ఇన్-ఫిలిం కోచింగ్" 

కట్ చేస్తే - 

ఇది ఫిలిం ఇన్‌స్టిట్యూట్‌లో ఇచ్చే రొటీన్ కోచింగ్ కాదు. నిజంగా నిర్మాణంలో ఉన్న ఒక కమర్షియల్ ఫీచర్‌ఫిలిం టీమ్‌తో పాటు కలిసి పనిచేస్తూ నేర్చుకొనే ప్రాక్టికల్ ఆన్-సైట్ కోచింగ్. 

ఇన్-ఫిలిం కోచింగ్...  

ఒక రెగ్యులర్ కమర్షియల్ సినిమా ప్రారంభం నుంచి... షూటింగ్, పోస్ట్ ప్రొడక్షన్ వర్క్ అయిపోయి, కాపీ వచ్చి, ఆ సినిమా రిలీజ్ అయ్యేవరకు... వందకి వంద శాతం, ప్రతి ఒక్కటి మీరు ప్రాక్టికల్‌గా దగ్గరుండి చూస్తూ, పనిచేస్తూ... నేర్చుకొనే అద్భుత అవకాశం.

త్వరలో షూటింగ్ ప్రారంభం కానున్న నా రెండు కమర్షియల్ యూత్ సినిమాల ద్వారా, కేవలం ఒక 10 మందికి మాత్రం ఈ "ఇన్-ఫిలిం కోచింగ్" పద్ధతిలో నేను కోచింగ్ ఇస్తున్నాను. చిన్న ఇంటర్వ్యూ తర్వాత, ఎన్నిక చేసిన అభ్యర్థులను మాత్రమే ఈ కోచింగ్‌లోకి తీసుకుంటాము. 

ఇది షార్ట్ ఫిలిం కాదు... థియేటర్స్‌లో, ఓటీటీలో రిలీజయ్యే మెయిన్‌స్ట్రీమ్ ఫీచర్ ఫిలిం! 

ఫస్ట్ కమ్... ఫస్ట్ సెర్వ్‌డ్ పధ్ధతిలో అభ్యర్థులను తీసుకోవటం జరుగుతుంది. ఫీజు చెల్లించిన రోజు నుంచే మీరు మా టీమ్‌లో చేరిపోతారు. ఆరోజు నుంచే మీ కోచింగ్ ప్రారంభమవుతుంది.      

"ఇన్-ఫిలిం కోచింగ్" అంటే వినడానికి కొంచెం కొత్తగా అనిపిస్తుంది. కాని, మీకు తెలుసా... ఈ డిజిటల్ యుగంలో, ఫిలిం మేకింగ్‌కు సంబంధించిన ప్రతి అంశంలో ఎన్నెన్నో కొత్త డెవలప్‌మెంట్స్ వచ్చాయి. తాజాగా రూపొందుతున్న నా సినిమాలో ఒక టీమ్ మెంబర్‌గా ఉంటూ, వాటన్నిటితో అప్‌డేట్ అవుతూ, ప్రాక్టికల్‌గా అన్నీ నేర్చుకోవడం అనేది అరుదుగా దొరికే అవకాశం.

ఇప్పుడా అవకాశం మీ ముందుంది. 

* నంది అవార్డ్ రచయిత-డైరెక్టర్‌, యువర్స్ ట్రూలీ, మనోహర్‌ చిమ్మని రూపొందించి పరిచయం చేస్తున్న ఈ కోచింగ్ ఇండస్ట్రీలో ఇదే మొదటిసారి. 

* కోర్సు కాల వ్యవధి 9 నెలలు. మీ ఫిలిం ఇండస్ట్రీ ఎంట్రీకి ఈమాత్రం శిక్షణాకాలం చాలు. మీరు వెంటనే ఫీల్డులోకి ఎంటరయి బిజీ అవడానికి -  ఏ ఏ ముఖ్యమైన విషయాల్లో మీకు ఎలాంటి అవగాహన, శిక్షణ అవసరమో – మా టీమ్‌లో పనిచేస్తూనే, వచ్చే 9 నెలల్లో అవన్నీ మీరు నేర్చుకుంటారు.  

* "యాక్టింగ్" మీ ఆసక్తి అయితే, యాక్టర్‌గా మీరీ చిత్రంలో పనిచేస్తారు. "స్క్రిప్ట్ రైటింగ్" మీ ఆసక్తి అయితే, మా సినిమా స్క్రిప్ట్ డిపార్ట్‌మెంట్‌లో అసిస్టెంట్ రైటర్‌గా మీరు పనిచేస్తారు. "డైరెక్షన్" మీ ఆసక్తి అయితే, మా డైరెక్షన్ డిపార్ట్‌మెంట్‌లో అసిస్టెంట్ డైరెక్టర్‌గా మీరు పనిచేస్తారు. పనిచేస్తూ నేర్చుకుంటారు.  

*ఈ సినిమాకు మీరు పనిచేసినట్టు సిల్వర్ స్క్రీన్ మీద మీ పేరు కూడా చూసుకుంటారు.

అంటే... ఆ "ఒక్క ఛాన్స్" కూడా మీరు సాధించినట్టే!

ఇదంతా మీరు కోచింగ్ తీసుకొంటున్న 9 నెలల కాలంలో - ఏకకాలంలో - జరుగుతుంది. 

ఎగ్జయిటింగ్‌గా లేదూ?   

ఇంకెందుకు ఆలస్యం... మీ పూర్తి పేరు-చదువు-అడ్రసు తెలుపుతూ, ఫీజు వివరాల కోసం మాకు వాట్సాప్ చేయండి: 99895 78125

Welcome to Film Industry! 

-- Manohar Chimmani,

Film Director, Nandi Award Winning Writer 

మనోహర్ చిమ్మని గురించి:

https://tinyurl.com/3am5e37u

ABOUT MANOHAR CHIMMANI:  

http://bit.ly/manutime    

టాలెంట్ ఒక్కటే కాదు .. ఇంక చాలా ఉంది!

హాలీవుడ్‌ను "Land of Dreams" అంటారు.

అక్కడికి ఏటా కనీసం 100,000 మందికి తక్కువకాకుండా వస్తారు... ఆర్టిస్టులూ టెక్నీషియన్లూ.

వాళ్లల్లో కేవలం 1 నుంచి 2 శాతం మందికి మాత్రమే ఏదో ఒక అవకాశం దొరుకుతుంది. మిగిలినవాళ్లంతా కొన్ని దశాబ్దాలపాటు నానా కష్టాలు పడి వెనక్కివెళ్ళిపోతారు.

ఇలా వెళ్ళిపోయినవాళ్లంతా అదే హాలీవుడ్‌ను "Land of Broken Dreams" అని తిట్టుకోవడంలో ఆశ్చర్యంలేదు. 

కట్ టూ మన టాలీవుడ్ - 

పైనచెప్పిన లెక్కంతా ప్రపంచంలోని అన్ని సినిమా ఇండస్ట్రీలకు వర్తిస్తుంది.

మన బాలీవుడ్, టాలీవుడ్‌లు కూడా అందుకు మినహాయింపు కాదు.

సినిమా పుట్టినప్పటినుంచి ఇప్పటిదాకా అంతే. ఇకముందు కూడా అంతే.

ఇక్కడ సక్సెస్ అనేది ఎప్పుడూ కేవలం 2 శాతం లోపే. 

ప్రపంచంలోని ఏ సినీ ఇండస్ట్రీలోనయినా, ఏ పీరియడ్‌లోనయినా, ఆర్టిస్టులూ, టెక్నీషియన్లూ... కేవలం వేళ్లమీద లెక్కించగలిగిన ఒక 20 మంది మాత్రమే సక్సెస్‌లో ఉంటారు. 

మిగిలినవాళ్లంతా స్ట్రగుల్ అవుతూ ఉండాల్సిందే... ఏదోవిధంగా వెనుదిరగాల్సిందే.

ఇండస్ట్రీ మంచిదే. కానీ, దాని సిస్టమ్ దానిది. ఆ సిస్టమ్‌లో ఇమడగలిగినవాడే ఇక్కడ పనికొస్తాడు.

ఇక్కడ టాలెంట్ ఒక్కటే కాదు పనిచేసేది. దాన్ని మించి పనిచేసేవి చాలా ఉంటాయి. వాటిల్లో ఎక్స్‌పర్ట్ అయినవాడు మాత్రమే ఇక్కడ బతికి బట్టకడతాడు. సక్సెస్ సాధిస్తాడు. 

కోపరేటివ్ ఫిలిమ్ మేకింగ్ - 1

ఆమధ్య "Iceక్రీమ్" సినిమాతో ఓ కొత్త ట్రెండ్‌కి తెరతీశాడు వర్మ. 

దాని పేరు "కోపరేటివ్ ఫిలిమ్ మేకింగ్".

పాతవాళ్లయినా, కొత్తవాళ్లయినా - ఆర్టిస్టులు, టెక్నీషియన్లకు ఒక్క రూపాయి రెమ్యూనరేషన్ కూడా ముందు ఇవ్వటం అనేది ఉండదు. సినిమా పూర్తయ్యి, రిలీజయ్యి, లాభాలు వచ్చాకే ఆ లెక్కలు! 

దీనికి ఒప్పుకున్నవాళ్లే సినిమాలో పనిచేస్తారు.

ఈ విషయంలో తప్పనిసరైన కొందరికి మాత్రమే మినహాయింపు ఉంటుంది. కొందరికి మినిమమ్ పేమెంట్ ఉంటుంది. 

ఈ మైక్రో బడ్జెట్ కోటి కావచ్చు, రెండు కోట్లు కావొచ్చు.  సో .. ఉన్న ఆ కొద్ది బడ్జెట్‌ను మేకింగ్‌కు, ప్రమోషన్‌కు మాత్రమే వాడతామన్నమాట!

చాలా మంచి కాన్‌సెప్ట్ ఇది.  ముఖ్యంగా చిన్న బడ్జెట్ సినిమాలకు సంబంధించి మాత్రం ఇదే చాలా చాలా కరెక్టు.

కొత్తవాళ్లతో చేసే సినిమాలకు "టాక్" వచ్చేదాకా మంచి ఓపెనింగ్స్ ఉండవు కాబట్టి, ప్రమోషన్ పరంగా ఎన్నో జిమ్మిక్కులు చేయాల్సి ఉంటుంది. అయినా హిట్టో, ఫట్టో ముందే ఎవరూ చెప్పలేరు. ఇలాంటి పరిస్థితుల్లో ముందు ప్రొడ్యూసర్‌ను కొంతయినా బ్రతికించుకోవాలంటే ఇదే మంచి పధ్ధతి.

టీమ్ వర్క్.

కంటెంట్.

ప్రమోషన్.

ఈ తరహా సినిమాలు తీయాలంటే ఈ మూడే చాలా ముఖ్యమైనవి.

కట్ చేస్తే - 

దాదాపు ఇదే కాన్సెప్ట్‌తో నేను రెండు సినిమాలు ప్రారంభించాను. అందులో మొదటిది: Yo! 

ఇది నా "కమ్ బ్యాక్" అన్నమాట!  

Yo! బడ్జెట్ రెండు కోట్లు. 

ఈ సిస్టమ్‌లో నాతో కలిసి పనిచేయాలనుకొనే కొత్త ఇన్వెస్టర్లు మీ పూర్తి వివరాలు తెలుపుతూ నాకు వాట్సాప్ చెయ్యొచ్చు: 9989578125. 

మునుగోడు-టు-ఢిల్లీ... కేసీఆర్ ఎక్స్‌ప్రెస్!

మెజారిటీ ఎంతన్నది కాదు భయ్యా... గెలిచామా లేదా అన్నది పాయింటు! 

కట్ చేస్తే - 

మునుగోడు గెలిచాం, కాని ఈ మొత్తం ఉప ఎన్నిక ఎపిసోడ్ వెనుక ఏం జరిగిందన్నది, ఎంత కుట్ర దాగివుందన్నది ఎంతమంది సాధారణ ప్రజానీకానికి తెలుసు? 

మునుగోడు బైపోల్స్ హాష్‌ట్యాగ్ సోషల్ మీడియాలో దేశవ్యాప్తంగా ఎందుకని అంతగా ట్రెండింగ్ అయింది? 

ఆంధ్రప్రదేశ్‌లోని కృష్ణ, గుంటూరు, భీమవరం, ఏలూరు, రావులపాలెం, తాడేపల్లిగూడెం, రాజమండ్రి, విశాఖపట్నం వంటి నగరాలు ప్రధాన కేంద్రాలుగా మునుగోడు ఉప ఎన్నిక గెలుపు-ఓటములపై సుమారు 3000 కోట్ల బెట్టింగ్ నడిచిందంటే ఎంత దిమ్మతిరిగిపోవాలి? అక్టోబర్ 31 కి ముందే ఆయా ప్రాంతాలనుంచి వచ్చి, గంటగంటకి మునుగోడు తాజా ట్రెండింగ్ "ఫీల్డ్ రిపోర్ట్స్"ను ఆయా ప్రాంతాలకు అందించారంటే నమ్మగలమా? టీ-20 మ్యాచ్‌ను మించిన ఫోకస్ ఈ ఒక్క ఉప ఎన్నిక మీదనే చట్ట వ్యతిరేక ఫంటర్స్‌కు రావడానికి కారణమేంటి?    

దేశంలోని ప్రధాన మీడియా మొత్తం చూపు, దేశంలోని అన్ని రాజకీయపార్టీల చూపంతా ఈ ఒక్క మునుగోడు అసెంబ్లీ ఉప ఎన్నిక వైపే గత కొద్దిరోజులుగా ఏ స్థాయిలో ఉందో కూడా మనమంతా చూస్తున్నాం. మునుగోడు ఉప ఎన్నికకు ఇంత ప్రాధాన్యం ఎందుకొచ్చింది? 

అసలక్కడ ఉప ఎన్నిక ఎలా వచ్చింది? 

సిట్టింగ్ ఎమ్మెల్యే మరణించాడా? తెలంగాణ రాష్ట్ర సాధన వంటి ఒక శక్తివంతమైన కారణం కోసం ఏమైనా రాజీనామా చేశాడా? అలాంటి కారణాలతో ఉప ఎన్నిక వచ్చిందంటే ఒక అర్థం పర్థం ఉంటుంది. కాని, మునుగోడు ఉప ఎన్నిక అలా వచ్చింది కాదు. 

ఇదొక కృత్రిమ ఉప ఎన్నిక.  

దేశప్రయోజనాలు, ప్రజాసంక్షేమం, అభివృద్ధి వంటి అంశాల్లో అఆలు తెలియనివారి పచ్చి రాజకీయ క్రీడకు ప్రతిరూపం ఈ ఉప ఎన్నిక. ప్రజల కోసం తాను అనుకున్నది సాధించడమే తప్ప మరొకటి తెలియని తెలంగాణ ముఖ్యమంత్రి కేసీఆర్ దృష్టిని ఢిల్లీ నుంచి మళ్ళించడం కోసం వేసిన ఎత్తుగడ. 

కేసీఆర్ సృష్టించిన బీఆరెస్ అన్న పదం పుట్టించిన వణుకు వల్ల వచ్చిన పనికిమాలిన ప్రతిస్పందన ఈ ఉప ఎన్నిక. అసెంబ్లీ ఎన్నికలకు ముందు టీఆరెస్‌ను నైతికంగా దెబ్బతీయాలన్న కుటిల ప్రయత్నం. 

మునుగోడులో గెలవడం ద్వారా తెలంగాణలో ఒక హల్‌చల్ సృష్టించి - ఇక తెలంగాణలో రాబోయేది మా ప్రభుత్వమే అని భారీ బిల్డప్పులు ఇచ్చుకోవాలన్న దురాశ. వాస్తవానికి తెలంగాణలో బీజపీ శక్తి ఒక పాలపొంగువంటిది. క్షేత్రస్థాయిలో టీఆరెస్‌తో పోలిస్తే ఆ పార్టీకున్న కేడర్ దాదాపు శూన్యం. 

అయితే - ఒక్కసారి కేసేఅర్ ఫోకస్ పెడితే పరిస్థితి ఎలా ఉంటుందన్నదానికి ఈ మునుగోడు ఉప ఎన్నిక ఒక తాజా ఉదాహరణ. 

కౌంటింగ్ ప్రారంభంలో ఒక రెండు మూడు రౌండ్స్ వరకు కొంత టెన్షన్ క్రియేట్ అయ్యే పరిస్థితిలా అనిపించింది. ఆ తర్వాత కూడా ఏదో ఇండియా-పాకిస్తాన్ టీ ట్వెంటీ మ్యాచ్‌లా ఉంటుందా చివరివరకూ పరిస్థితి అని కూడా అనిపించింది. 

అయినా సరే, టీఆరెసే గెలుస్తుందని అందరికీ తెలుసు. 

మునుగోడులో కూసుకుంట్ల ప్రభాకరరెడ్డి విజయం వెనుక టీఆరెస్ కార్యకర్తల స్థాయి నుంచి ఎమ్మెల్యేలు, ఎమ్మెల్సీలు, ఎంపీలు, మంత్రుల దాకా ప్రతి ఒక్కరి కృషి ఉంది. కేసీఆర్ టాస్క్ అంటూ ఒకటి ఇస్తే ఉద్యమంలా మళ్ళీ ఒక్కటై ఉరుకుతాం అన్నది కార్యరూపంలో సాధించి చూపించారు. 

ఈ విజయం వెనుక టీఆరెస్ సోషల్ మీడియా వారియర్స్ అందరి కృషి కూడా చాలా విలువైనది.    

టీఆరెస్ పార్టీ వర్కింగ్ ప్రెసిడెంట్, మంత్రి కేటీఆర్... ఒక వార్ ఫ్రంట్‌లో చీఫ్ వారియర్‌గా... తానుగా ముందుండి, ఎప్పటికప్పుడు అందరిలో ఉత్సాహం నింపుతూ, నడిపిస్తూ, ఉరికిస్తూ ఈ యుద్ధం గెలిచిన తీరు నిజంగా ఒక అద్భుతం.     

ఎప్పుడో మధ్యాహ్నం ఒంటి గంటవరకే మొత్తం డిక్లేర్ అవుతుందనుకున్నది దాదాపు సాయంత్రం వరకు కొనసాగింది. చివరికి అనుకున్నట్టే టీఆరెస్ గెలిచింది. బీజేపీ కుట్రలన్నీ అట్టర్ ఫ్లాప్ అయ్యాయి. అలా అట్టర్ ఫ్లాప్ అవుతాయని వాళ్లకు కూడా ముందే తెలుసు కాబట్టే ముందురోజునుంచే ఆ శిబిరం నుంచి ఎలాంటి హడావుడి లేదు. నిజానికి ఇదంతా వోటింగ్‌కు ముందే బాగా తెలుసు కాబట్టే నడ్డా, అమిత్ షాల మీటింగ్స్ రద్దయ్యాయి. 

ఎమ్మెల్యేల కొనుగోలు స్కామ్‌లో బయటపడిన ఆడియోలు, వీడియోలు, డేటా రికార్డు అన్నీ అబద్దాలని మొత్తుకొన్న బీజేపీ, అదే మాటకు కట్టుబడి, ఫామ్‌హౌజ్‌లో పట్టుబడ్డ ఆ ముగ్గురి మీద కేసులు పెట్టి లోపల వేయించాలి. కాని, అసలు విచారణే వద్దంటూ పరోక్ష ప్రయత్నాలు చేస్తుండటం సిగ్గుచేటు. 

ఎక్కడో ఎనిమిది రాష్ట్రాల్లో ప్రజాస్వామ్యబద్ధంగా ఎన్నికైన ప్రభుత్వాలను బీజేపీ కూలగొట్టడం ఒక ఎత్తు. కేసీఆర్‌తో పెట్టుకోవడం ఒక ఎత్తు.    

బీజేపీకి, కేసీఆర్ ఇతర రాజకీయ ప్రత్యర్థులకు రాజకీయాలంటే ఒక గేమ్. కేసీఆర్‌కు రాజకీయాలంటే ఒక టాస్క్. 

రాజకీయాలే చేయాలనుకుంటే కేసీఆర్‌ను మించినోడు దేశంలో ఉన్నాడా? 

కట్ చేస్తే - 

గుజరాత్‌లో ఎన్నికల ప్రచారానికి కేసీఆర్ బయల్దేరుతున్నారు. ఢిల్లీలో బీఆరెస్ కార్యాలయం సిద్ధమయింది. డియర్ మోదీజీ, ముందుంది ముసళ్ళ పండగ...    

ఓవర్‌నైట్‌లో హీరో కావడం ఎలా?

సినీఫీల్డులో హీరోగా మీ ప్రవేశానికి టాలెంట్ ఒక్కటే సరిపోదు... 

బై డిఫాల్ట్ ఎవరికైనా టాలెంట్ ఉండాల్సిందే. అయితే - ఆ టాలెంట్ మిమ్మల్ని ఇండస్ట్రీకి పరిచయం చేయగలిగినవారి దృష్టికి తీసుకెళ్ళగలగాలి. అదెలా సాధ్యమవుతుందో మీకు తెలిసుండాలి. 

చాలా సందర్భాల్లో ఒక కొత్త హీరో బయటినుంచి పరిచయమవడం అన్నది చాలా అరుదుగా జరిగే అంశం. డబ్బు, ఇండస్ట్రీ లింక్స్, కాంటాక్ట్స్ లేకుండా దాదాపు ఇది అసాధ్యం. 

కేవలం అతి కొద్ది మంది విషయంలో మాత్రమే టాలెంట్ సపోర్ట్ చేస్తుంది. అది షార్ట్ ఫిలిమ్స్‌లో మీ యాక్షన్ గుర్తించి కావచ్చు. అంతకు ముందు చిన్న చిన్న కారెక్టర్స్‌లో మీరు ప్రూవ్ చేసుకున్న మీ నటన చూసి కావచ్చు. ఇలా కొద్దిమందికి మాత్రమే సాధ్యమవుతుంది. దీనికి ఎంతో సమయం పడుతుంది. 

సినిమా అంటేనే - ప్రతిరోజూ లక్షలు, కోట్లలో ఖర్చు. అంతా కొత్తవాళ్లతోనే ఒక మాడరేట్ స్థాయిలో సినిమా తీయాలంటే కనీసం ఓ 2 కోట్లు అవుతుంది. 

కొత్త హీరోలకు చాన్స్ ఇచ్చే సినిమాలు 99% చిన్న బడ్జెట్ సినిమాలే. ఈ చిన్న బడ్జెట్ సినిమాలకు ఎప్పుడూ ఒక పెద్ద సమస్య ఉంటుంది. డబ్బు! 

ఒక కొత్త హీరోను ఇంట్రొడ్యూస్ చెయ్యాలనుకున్నప్పుడు, ఎవరైనా టాలెంట్‌కే ఫస్ట్ ప్రెఫరెన్స్ ఇస్తారు. అందులో డౌట్ లేదు. అయితే - అలా టాలెంట్ ఉన్నవాళ్ళు వందల్లో ఉంటారు. సో, వారిలో ఎవరి ద్వారా ప్రాజెక్టుకు సపోర్ట్ ఉంటుందో వారికే ఫస్ట్ ప్రిఫరెన్స్ ఇస్తారు. 

ఇప్పుడు మీకు అర్థమై ఉంటుంది... కొత్త హీరోలను ఎక్కువగా వారి బంధువులో, ఫ్రెండ్సో ప్రొడ్యూసర్స్‌గా ఉండి ఇంట్రొడ్యూస్ చేస్తారు. కొంతమంది కొత్త హీరోలు వారే స్వయంగా బడ్జెట్లో కొంత భాగం ఇన్వెస్ట్ చేస్తారు. వారికి ఆ స్థోమత లేనప్పుడు, వారి సర్కిల్లో తెలిసినవారి ద్వారా ఎంతో కొంత ఇన్వెస్ట్ చేయిస్తారు. 

ఓవర్‌నైట్‌లో  హీరోలయిపోతారు!  

ఈమధ్య కూడా - ఈ పధ్ధతిలో హీరోలుగా పరిచయమై నిలదొక్కుకున్న హీరోలెవరైనా గుర్తొస్తున్నారా మీకు? తప్పకుండా వస్తారు. మామూలుగా జరిగేదే అది.  

కొత్త హీరోల ఇంట్రడక్షన్ వెనకున్న ఈ ఆర్థిక కోణాన్ని అర్థం చేసుకోలేక - చాలా మంది తప్పుగా అనుకుంటారు... డబ్బులు పెడితేనే  చాన్స్ ఇస్తారనీ, ప్రొడ్యూసర్లు - డైరెక్టర్లు వాళ్లకు తెలిసిన వాళ్లకే చాన్స్ ఇస్తున్నారనీ... రకరకాలుగా అనుకుంటారు. 

ఏదీ ఊరికే రాదు, ఊరికే అందరూ హీరోలవ్వలేరు. హీరోలయ్యాక వారికి కూడా ఊరికే కోట్లల్లో రెమ్యూనరేషన్ ఇవ్వరు. 

ప్రతిదానికీ ఓ లెక్కుంటుంది.  ఈ  రియాలిటీని అర్థం చేసుకుంటే చాలు. జీవితంలో మీ టైం వేస్ట్ కాదు. 

"I'm gonna make him an offer he can't refuse." 

- The Godfather

మనం కూడా వీడియోలు చేసేద్దామా ?!

గేరీ వేనర్‌చక్...

వైన్ టేస్ట్ చూసి చెప్పే స్పెషలిస్టుగా కెరీర్ ప్రారంభించి ఆ ఫీల్డులోనే ముందు మిలియనేర్ అయ్యాడు. తర్వాత తన సామ్రాజ్యం విస్తరించాడు. ఓ నాలుగైదు బెస్ట్ సెల్లర్ బుక్స్ కూడా రాశాడు. 

ఇప్పుడీ వేనర్‌చక్ ప్రసక్తి ఎందుకొచ్చిందంటే - 

సోషల్ మీడియా నుంచి గేరీ పాడ్‌కాస్ట్ కెళ్ళాడు. అట్నుంచి అటు మెల్లిగా వీడియో పాడ్‌కాస్ట్ కెళ్ళాడు. ఎక్స్‌పర్ట్ అయ్యాడు. 

ఎలాంటి ఫీలింగ్ లేకుండా ఏదిపడితే అది చెప్తూనే ఉంటాడు. దాన్లోంచి మనకు అవసరమైన ఆణిముత్యాల్ని వెతుక్కోవడం మన బాధ్యత. 

ఇక్కడ విషయం ఏంటంటే - గేరీ అంత గొప్పగా ఏం ఉండడు. కావల్సినంత డీగ్లామరస్‌గా కనిపించే ప్రయత్బం చేస్తాడనుకుంటాను. ఎందుకంటే - ఒక్కోసారి ఒక్కోలా కనిపిస్తాడు. నానారకాల క్యాప్స్ పెడతాడు. జుట్టు రకరకాలుగా కత్తిరించి ఉంటుంది. మాస్ జోక్స్, సెటైర్స్ వేస్తుంటాడు. ఇంగ్లిష్‌లో నాలుగక్షరాల బూతుపదాన్ని అలవోకగా వాడుతుంటాడు. 

అసలతని మాటలు అంత వినసొంపుగా ఉండవు. కాని, పనికొచ్చే స్టఫ్ మాత్రం చాలా ఉంటుంది. 

అ-యి-నా ... గేరీ వేనర్‌చక్ వీడియోల్ని వేలల్లో లక్షల్లో చూస్తారు. సుమారు 3 మిలియన్లమంది సబ్‌స్క్రయిబర్స్ ఉన్నారు. 

రాయటం, చదవటం తప్ప - ఆడియో, వీడియో పాడ్‌కాస్టులు పెద్దగా ఇష్టపడని నేను - అప్పుడప్పుడూ "మనం కూడా వీడియోలు చేసేద్దామా?!" అని టెంప్ట్ కావడానిక్కారం మెయిన్‌గా ఈ గేరీనే! 

వీడియోలు చేయాలన్న ఆలోచన ఉండీ, ఏదో ఒక సంకోచంతో ఆగిపోతున్నవాళ్ళు Gary Vaynerchuk వీడియోల్ని ఒకసారి చూస్తే సరిపోతుంది. 

అయితే - ఒక్కటి మాత్రం మనం మర్చిపోకూడదు. వీడియోలు చేసినా ఏది చేసినా - ప్రత్యక్షంగానో పరోక్షంగానో - ఒక ఖచ్చితమైన ప్రయోజనం ఉండితీరాలి.  

ఫిలిం డిస్ట్రిబ్యూషన్ అంటే నష్టం వస్తే రిఫండ్ అడగటమా?!

ఒక సినిమాను దాని మార్కెట్ వాల్యూను బట్టి, అది క్రియేట్ చేస్తున్న హల్‌చల్‌ను బట్టి డిస్ట్రిబ్యూటర్స్ దాన్ని ఒక అంచనాతో ప్రొడ్యూసర్ నుంచి ఒక రేటుకు, ఒక ఏరియాకు కొనుక్కుంటారు. 

ఆ సినిమా డిమాండ్‌ను బట్టి - డిస్ట్రిబ్యూటర్స్‌లో కూడా పోటీ ఉంటుంది. ఒక్కోసారి దాదాపు "ఆక్షన్" లాగా ఎగబడి కొనుక్కుంటారు. 

ఇక్కడ ఎవరి బలవంతం లేదు. ఎలాంటి హామీలుండవు. 

ఎంతో కొంత లాభంతోనే అమ్మేస్తారు కాబట్టి ప్రొడ్యూసర్స్ హ్యాప్పీ. 

ఇక్కడివరకు ఓకే. 

కట్ చేస్తే - 

సినిమాకు బ్రేక్ ఈవెన్ కూడా రాకుండా భారీ నష్టం వచ్చినపుడు - కొందరు హీరోలు, నిర్మాతలు, దర్శకులు నైతికంగా ఒక బాధ్యత ఫీలై - వారికివారే ఆయా డిస్ట్రిబ్యూటర్స్‌ను పిలిచి ఎంతో కొంత వారికి రిఫండ్ ఇస్తున్నారు. కొందరు తర్వాతి సినిమాల్లో అడ్జస్ట్ చేసుకునేలా మాట్లాడుకుంటున్నారు. 

అయితే - ఇది తప్పనిసరి కాదు. 

కాకపోతే - ఏ వైపు అయినా మళ్ళీ చూసుకోవాల్సింది అవ్వే డజన్ ముఖాలు కాబట్టి ఇలాంటి నైతికమైన ఆనవాయితీ ఒకటి అలవాటయిపోయింది. 

ఇక్కడ గమనించాల్సిన ఒక ముఖ్యమైన విషయం ఏంటంటే - అదే సేమ్ డిస్ట్రిబ్యూటర్స్‌కు లాభాలు వచ్చినప్పుడు - ఆ లాభాల్లోంచి ఒక్క పైసా నిర్మాతలకివ్వరు! 

పైన మనం చెప్పుకున్న నైతికత ఇక్కడెందుకు ఉండదు అంటే - ఉండదంతే.     

కట్ చేస్తే - 

రేపు 27 వ తేదీ నాడు, 83 మంది డిస్ట్రిబ్యూటర్స్ "లైగర్" నష్టాల విషయంలో పూరి జగన్నాధ్ ఇంటికి ధర్నా చెయ్యడానికి వెళ్తున్నట్టు ఆన్‌లైన్‌లో వార్తలు చూస్తున్నాం. 

డిస్ట్రిబ్యూటర్స్ గ్రూపుల్లో ఫార్వార్డ్ చేసుకున్న మెసేజ్ ఒకటి కూడా క్లియర్‌గా ఈ విషయం గురించి చెప్తోంది. 

"ఎంతో కొంత నేను ఇస్తానని చెప్పాను. కాని మీరిట్లా నా పరువుతీసేలా ధర్నాలు పెడితే ఒక్క పైసా ఇవ్వను" అని పూరి చెప్తున్నట్టు తెలిసింది. 

నిజమే కదా? 

అసలు పూరి ఎందుకివ్వాలి? 

బలవంతంగా అతనేం నా సినిమా కొనుక్కోండని చెప్పలేదే? 

"నాకు పోకిరి నుంచి మొన్నటి ఇస్మార్ట్ శంకర్ దాకా డిస్ట్రిబ్యూటర్స్ నుంచి బకాయిలు ఇంకా రావాలి. అవన్నీ వసూలు చేసుకురండి. మొత్తం మీకే ఇచ్చేస్తాను" అంటున్నారు పూరి.

ప్రేక్షకున్ని కాలర్ పట్టుకొని నువ్వు సినిమా చూడు అని ఎవ్వడూ అడగడు.

డిస్ట్రిబ్యూటర్‌ను ఇన్నిరెట్లు రేట్ పెంచేసి ఎగబడి కొనుక్కో అని ఎవ్వడూ అడగడు. 

అంతా అనుకున్నట్టు జరిగితే - ఆల్ హాపీస్. 

కొంచెం కిందా మీదా అయిందా... ఖతమ్! ప్రేక్షకులు వెయ్యి రివ్యూలు రాస్తారు. డిస్ట్రిబ్యూటర్స్ డబ్బులు వెనక్కిమ్మంటారు.

ఎవరో ఒకరిద్దరు తప్ప, ఈ విషయంలో హీరోలకి పెద్దగా సంబంధం ఉండదు. ఎటొచ్చీ నిర్మాతలు, డైరెక్టర్సే చచ్చేది.  

సినిమా ఎంత పెద్ద కార్పొరేట్ బిజినెస్‌గా ఎదిగినా... తన పాతకాలపు గాంబ్లింగ్ వాసనల్ని ఇంకా వదిలించుకోలేకపోతోందని ఇలాంటి సంఘటనల వల్ల మనకు ఇంకా స్పష్టంగా తెలుస్తోంది. 

సమస్య ఏదైనా కావచ్చు... సినిమా అనేది ఎప్పుడూ ఒక యుద్ధభూమి లాంటిదే!