Thursday, 30 March 2023

ఏదైనా సాధించాలనుకొనేవారికి ఎవరికైనా కావాల్సింది అదే!


ఎవరైనా, ఎప్పుడైనా, ఏదైనా ప్రారంభించవచ్చు, సాధించవచ్చు. మానసికంగా, శారీరకంగా ఫిట్‌గా ఉన్నంతవరకు ఎలాంటి వయోపరిమితి కూడా లేదు. ఇప్పటికే ఎందరో దీన్ని నిరూపించి చూపారు.  

ఉచిత సలహాదారులు, "నే సేయర్స్" మాటలు అస్సలు పట్టించుకోవాల్సిన పనిలేదు. ప్రయత్నం ఫెయిలయినా, అనుకున్నట్టు జరక్కపోయినా చింతించాల్సింది ఏమీ లేదు. ఒకటి కాకపోతే ఇంకొకటి. ఆగే పనిలేదు.  

అంతే తప్ప - చేతులు ముడుచుకొని నాలుగు గోడల మధ్య కూర్చొని, ఎవరెవరికో ఉచిత సలహాలిచ్చే బదులు... ఏదో ఒక పని చేస్తూవుండటం చాలా మంచిది. అనవసరంగా వయసులోనే ముసలితనం రాదు. ఎప్పుడూ ఆరోగ్యంగా ఉంటాం.  

ఈ సందర్భంగా... పలు సమయాల్లో, పలు విధాలుగా... సాంఘికంగా, ఆర్థికంగా నాకు సహకరించిన కొందరు ప్రియాతిప్రియమైన నా మిత్రులు, శ్రేయోభిలాషులందరికీ నా ధన్యవాదాలు తెలుపుకొంటున్నాను. 

“Gratitude is the fairest blossom which springs from the soul.”
– Henry Ward Beecher.  

కట్ చేస్తే - 

ఏదైనా ఒక పనిని సగం సగం అనుకున్నప్పుడు... రెండు మూడు పడవల మీద కాళ్ళు పెట్టినప్పుడు... మనం సరైన నిర్ణయాలు తీసుకోలేము. ఫలితాలు కూడా సగం సగమే ఉంటాయి. 

అలా కాకుండా... పూర్తి స్థాయిలో ఒక పనిలోకి దిగినప్పుడు, ఏది అడ్డమొచ్చినా కొట్టేసుకుంటూ ముందుకే వెళ్తుంటాం. 

చిన్నదైనా పెద్దదైనా... ఏదైనా సాధించాలనుకొనేవారికి ఎవరికైనా కావల్సింది అదే. 

ఫోకస్. ఏకాగ్రత. ఒక్కటే చూపు.

ఒక్కవైపే చూపు.     

Tuesday, 28 March 2023

ఏమైనా సరే, సినీ ఫీల్డులోకి నేను ప్రవేశించి తీరాలి!


మా సొంత ప్రొడక్షన్ హౌజ్ Manutime Movie Mission (MMM) ద్వారా, నా ఇతర సినిమాల ద్వారా... ఇప్పటివరకు... కనీసం ఒక 55+ మంది కొత్త ఆర్టిస్టులు, టెక్నీషియన్స్‌ను పరిచయం చేశాను. 

ఆర్టిస్టులు: 
విలన్ అమిత్ కుమార్ (అమిత్ తివారి); హీరోయిన్స్ నయన హర్షిత, విదిశ శ్రీవాస్తవ, ప్రియ వశిష్ట; గౌతమ్, మాధవ్ మురుంకర్... ఎట్సెట్రా. త్రివిక్రమ్, రాజమౌళి సినిమాల్లో అమిత్ తివారి తప్పనిసరిగా ఉంటాడు. నేను పరిచయం చేసిన హీరోయిన్స్ తర్వాత తెలుగుతో పాటు వివిధ భాషల్లో చేశారు. బిజినెస్ మాగ్నెట్స్ అయ్యారు, ఇంటర్నేషనల్ మోడల్స్ అయ్యారు. హిందీ సీరియల్స్ కూడా చేస్తున్నారు. 

టెక్నీషియన్స్: 
మ్యూజిక్ డైరెక్టర్స్ ధర్మతేజ, కేపీ, ప్రదీప్ చంద్ర; డాన్స్ మాస్టర్స్ శాంతి మాస్టర్, రాజేష్ మాస్టర్; ఎడిటర్ భాస్కర్... ఎట్సెట్రా. నేను పరిచయం చేసిన శాంతి మాస్టర్ తర్వాత మణిరత్నం సినిమాల్లో చేసింది, పవన్ కళ్యాణ్ సినిమాలకు చేసింది. ఇంకో మాస్టర్ వందలాది సినిమాలకు కోరియోగ్రఫీ చేశాడు. త్వరలో డైరెక్టర్ కాబోతున్నాడు.   

ఇట్లా ఒక్కొక్కరి గురించి చెప్పాలంటే చాలా ఉంది... ఈ ఒక్క పోస్టులో సాధ్యం కాదు. They're all gems!  

కట్ చేస్తే -   

"ఏమైనా సరే, సినీ ఫీల్డులోకి నేను ప్రవేశించి తీరాలి" అనుకొనే - బాగా కసి వున్న - 'Go-Getter' ఔత్సాహికుల కోసం ఒక కొత్త గ్రూప్ క్రియేట్ చేశాను. 

పరిచయం కావాలనుకొనే/టీమ్ లోకి రావాలనుకొనే/కలిసి పనిచేయాలనుకొనే  ఔత్సాహికులు క్రిందివారు ఎవరైనా కావచ్చు: 

"కొత్త" -

ఆర్టిస్టులు
టెక్నీషియన్లు
అసిస్టెంట్ డైరెక్టర్స్ (ADs)
సోషల్ మీడియా ఇన్‌ఫ్లుయెన్సర్స్ (AD)
యూట్యూబర్స్ (AD)   
రైటర్స్ 
లిరిక్ రైటర్స్
సింగర్స్
మ్యూజిక్ కంపోజర్స్
డాన్స్ మాస్టర్స్ 
డీఓపీలు
స్టిల్ ఫోటోగ్రాఫర్స్
గ్రాఫిక్ ఆర్టిస్టులు
&
ఇన్వెస్టర్స్/ఫండర్స్
ప్రొడ్యూసర్స్
కో-ప్రొడ్యూసర్స్
ఫండర్స్/ఫైనాన్షియర్స్
ఫండింగ్ మీడియేటర్స్ 
మార్కెటింగ్ లీడర్స్
మార్కెటింగ్ ఎగ్జిక్యూటివ్స్ 
స్పాన్సర్స్
ఇన్-ఫిలిం బ్రాండింగ్ ఎగ్జిక్యూటివ్స్...
 
So, My Dear Aspirants... 
మీ వివరాలు, మొబైల్ నంబర్ తెలుపుతూ నాకు ఇన్‌బాక్స్ చేయండి. 

IMP: 
గ్రూప్‌లో చేర్చుకోవడం అంటే సినిమాలోకి, సినిమా టీమ్‌లోకి తీసుకోవడం కాదు. తర్వాత ప్రాసెస్ చాలా ఉంటుంది. 

See you in the Group!... All the best!!

- మనూ  

బరిలో ఉండటం అవసరం!


ఇండస్ట్రీలో యాక్టివ్‌గా ఉన్న ప్రొడ్యూసర్స్ దగ్గర ఎప్పుడూ కనీసం ఒక డజన్ మంది రైటర్స్-డైరెక్టర్స్ క్యూలో ఉంటారు. మన టర్న్ రావడానికి టైమ్ పడుతుంది. రాకపోవచ్చు కూడా.

తాజాగా ఒక హిట్ ఇస్తే పరిస్థితి వేరు అనుకోండి. అది వేరే విషయం. 

సో, ఇలాంటి నేపథ్యం ఇండస్ట్రీలో ఎప్పుడూ ఉండేదే కాబట్టి నాలాంటి చాలామందికి ఇండిపెండెంట్ ఫిలిం మేకింగ్ తప్పదు. 

అంటే కొత్తగా మన ఇన్వెస్టర్స్‌ను మనమే వెతుక్కోవాలి. మన ప్రొడ్యూసర్స్‌ను మనమే కొత్తగా తయారుచేసుకోవాలి. 

చిన్నదో పెద్దదో... ఒక సినిమా చేయటం అనేది అంత కష్టం కాదు. పెద్ద పని కాదు. 

అయితే - సినిమా కోసం - మన కోర్ టీమ్‌లో - మనతో అసోసియేట్ అయ్యే ముఖ్యమైన ఒకరిద్దరిని ఎన్నుకోడం మాత్రం చాలా కష్టం. 

ఎంతో జాగ్రత్తగా ప్లాన్ చేశాం... అన్నీ పర్‌ఫెక్ట్‌గా అనుకున్నాం... "ఇతను నాకు కుడి భుజం", "ఇతను నాకు బ్యాక్ బోన్" గట్రా అని చాలా అనుకుంటాం. అంతా ఓకే, అందరూ ఓకే అనుకుంటాం. కాని, పొరపాటు జరుగుతుంది.  

అదంతే. 

"క్వయిట్ న్యాచురల్" అనుకొని ముందుకుపోవాల్సిందే. 

కట్ చేస్తే - 

మొన్న సాయంత్రం మిత్రుడు, డైరెక్టర్ బాబ్జీ మా ఆఫీసుకి వచ్చారు. చాలా సేపు మాట్లాడుకున్నాం. 

మా మాటల మధ్య ఆయన అన్న ఒక్క మాటే నాలో ఇంకా లైవ్‌గా ఉంది. నా మైండ్‌లో ఇంకా అదే తిరుగుతోంది. 

వ్యక్తిగత కారణాలో, ఇంకే కారణాలో గాని - ఫీల్డులో ఉండాలనుకునేవాళ్ళు ఎవరైనా సరే - గ్యాప్ తీసుకోవద్దు. గ్యాప్ తెచ్చుకోవద్దు. 

చిన్నదో పెద్దదో... ఏదో ఒక సినిమా తప్పక చేస్తుండాలి. 

బరిలో ఉండాలి.

ఉండి తీరాలి...   

ఈ నేపథ్యంలో ఒక రెండు ముఖ్యమైన గ్రూప్స్ క్రియేట్ చేస్తున్నాను. వాటి గురించి ఇంకో పోస్టులో చెప్తాను. ఆసక్తి వున్న లైక్‌మైండెడ్ కనెక్ట్ అవచ్చు.   

"It’s cool for me because I’m a director, but I’m also a teacher. I’m a lover of cinema, and I love working with people who are hungry and have the energy to really do better work." 
~John Singleton 

Monday, 27 March 2023

విజయాన్ని సెలబ్రేట్ చేసుకుందాం...


కొన్ని నిముషాల క్రితం నేను చూసిన ఒక ఫేస్‌బుక్ పోస్ట్... నా గురించి, నా ఆలోచనాశైలి గురించి నేను మరింత బాగా ఆలోచించుకునేలా చేసింది. 

ఆ పోస్టు రాసిన వ్యక్తి అంటే నాకు చాలా అభిమానం. వారు మంచి రచయిత. మంచి వ్యక్తి. అత్యంత బాధ్యతాయుతమైన మంచి పోస్టులో కూడా ఉన్నారు.   

పోస్టు ద్వారా - ఒక విషయంలో - వారిచ్చిన జడ్జ్‌మెంట్‌కు మాత్రం నేను వ్యతిరేకం. 

అభిప్రాయ భేదాలు సర్వ సహజం... 

అలాగని నేనిప్పుడు నా వాదన చెప్తూ, విషయాన్ని రచ్చ రచ్చ చేయలేను.

ఈ ఒక్క కారణంతోనే నేను మొదట్లోనే ఈ అంశం పైన ఒక బ్లాగ్ రాయాలనుకొని విరమించుకొన్నాను. 

అప్పుడే రాయాల్సిందని ఇప్పుడు నేను అనుకోవడం వల్ల ఉపయోగం లేదు. అలాగని, ఇప్పుడు దీన్ని వ్యతిరేకిస్తూ నా వాదనను చెప్పడం నాకిష్టం లేదు. 

ఓవరాల్‌గా అది మనల్ని మనమే, మనవాళ్లను మనమే తక్కువచేసుకోవడం అవుతుంది కాబట్టి. 

"The aim of argument,
or of discussion,
should not be victory,
but progress." 

- Joseph Joubert        

Sunday, 19 March 2023

The Best Politics Is Right Action !!


నిజం సాదాసీదాగా ఉంటుంది. అసలు పట్టించుకోరు. 

అబద్ధం ఎట్రాక్టివ్‌గా ఉంటుంది. వెంటనే పడిపోతారు, వెంటపడతారు.   

కట్ చేస్తే -

తెలిసో, తెలియకో, అశ్రద్ధ వల్లనో, ఆత్మవిశ్వాసం వల్లనో... 2 విషయాల్లో తెలంగాణకు ఎంతో కొంత నష్టం జరుగుతూ వస్తోంది.   

#1.
బీజేపీ & ఇతర తెలంగాణ వ్యతిరేక శక్తుల పచ్చి అబద్ధాల ప్రచారం వాట్సాప్ గ్రూపుల్లో, యూట్యూబ్‌లో, మీడియాలో రోజురోజుకూ ఊహించని పరిమాణంలో పెరిగిపోతోంది. గోబెల్స్ ప్రచారం పరిణామాలు చాలా తీవ్రంగా ఉంటాయన్నది అందరికీ తెలిసిందే. 

దీని ఎదుర్కోడానికి - కేవలం ఫేస్‌బుక్, ట్విట్టర్‌లలో  ఎవరో ఒక 20 మంది యాక్టివ్ సోషల్ మీడియా వారియర్స్ మాత్రమే పోరాడితే సరిపోదు. అవతలి గోబెల్స్ ప్రచారానికి కనీసం 10 రెట్ల స్థాయిలో, వివిధ పద్ధతుల్లో, వివిధ మీడియాలపై అత్యంత దూకుడుగా పనిచేస్తూ, అత్యంత సమర్థవంతంగా తిప్పికొట్టగలిగే వ్యవస్థ ఒకదాన్ని వెంటనే క్రియేట్ చేసి యాక్షన్‌లో పెట్టకపోతే ప్రమాదం. 

#2.
దేశంలోని చాలా రాష్ట్రాల్లో - ఎవ్వరైనా సరే - నయాపైసంత పనిచేస్తే 1000 రూపాయల పని చేసినట్టు ప్రచారం చేసుకుంటున్నారు. ఎక్కడెక్కడి దొంగ ఫోటోలో తెచ్చిపెట్టి "మేం చేశాం!" అని నిస్సిగ్గుగా చెప్పుకొంటున్నారు. 

ఇక్కడ తెలంగాణలో ఎన్నో రంగాల్లో ఎన్నెన్నో అభివృద్ధి సంక్షేమ పథకాలు అమలు చేస్తూ, జాతీయ-అంతర్జాతీయ స్థాయిలో మెచ్చుకుని గుర్తిస్తున్న అనేక ప్రాజెక్టులు, పనులు పూర్తిచేసి కూడా - వాటన్నిటి గురించి 10% కూడా పబ్లిసిటీ చేసుకోకపోవడం చాలా సీరియస్‌గా తీసుకొని ఆలోచించాల్సిన అంశం. వెంటనే ఈ దిశలో 10X స్పీడ్‌లో చర్యలు తీసుకోవడం చాలా అవసరం. 

ఇంకో ఏడెనిమిది నెలల్లోనే ఎలక్షన్స్ ఉన్న నేపథ్యంలో - ఈ 2 విషయాల గురించి ముఖ్యమంత్రి కేసీఆర్ గారి సూచనలతో, వ్యూహాలతో... మంత్రి, బీఆరెస్ వర్కింగ్ ప్రెసిడెంట్ కేటీఆర్ గారు ఎంత త్వరగా స్పందించి తగిన చర్యలు తీసుకుంటే అంత మంచిది. 

"The best politics is right action." 
- Mahatma Gandhi 
       

Friday, 17 March 2023

జస్ట్... ఒకే ఒక్క నిర్ణయం దూరంలో... మీ "ఒక్క ఛాన్స్!"


ఒక ఆర్టిస్టుకు తెరమీద కనిపించే ఆ "ఒక్క ఛాన్స్" రావడానికి పదేళ్ళు పట్టింది. ఒక రైటర్‌కు అవకాశం దొరికి స్క్రీన్ మీద టైటిల్ కార్డు చూసుకోడానికి పన్నెండేళ్ళు పట్టింది. ఒక డైరెక్టర్‌కు అన్నీ అనుకూలించి డైరెక్టర్ కావడానికి 16 ఏళ్ళు పట్టింది...   

ఫిలింనగర్, కృష్ణానగర్, యూసుఫ్‌గూడా, గణపతి కాంప్లెక్స్, ఇప్పుడు మణికొండ... ఈ ఏరియాల్లోని సినిమా ఆఫీసుల చుట్టూ తిరుగుతూ... 10-20 ఏళ్లయినా ఇంకా ఆ "ఒక్క ఛాన్స్" దొరకనివాళ్ళు ఎప్పుడూ వేలల్లో ఉంటారు! 

సాంకేతికంగా, సామాజికంగా, సమాచారపరంగా ఎన్నో మార్పులు వచ్చిన ఈ డిజిటల్ యుగంలో కూడా ఇప్పుడు మీరు అంత సమయం, డబ్బు వృధా చేసుకోనవసరం లేదు.    

ఫిలిం ఇండస్ట్రీలోకి ప్రవేశించి, బిజీ కావడానికి మీకు నిజంగా పనికొచ్చే శిక్షణ, ఎన్నో ఏళ్ళు వృధా చేసుకుంటే తప్ప మీకు దొరకని ఆ "ఒక్క ఛాన్స్", సిల్వర్ స్క్రీన్ పైన మీ టైటిల్ కార్డు... ఇవన్నీ కేవలం 6 నెలల్లో! 

ఈ అవకాశం కొద్ది మందికే. 

ఎగ్జయిటింగ్‌గా లేదూ?   

"ఒక్క ఛాన్స్" కోసం
సంవత్సరాల తరబడి
ఫిలిం ఆఫీసుల చుట్టూ తిరిగే
ట్రెడిషనల్ పద్ధతికి
ఈరోజే గుడ్‌బై చెప్పండి!

Get connected: 9989578125 

మ్యాటర్ ఎప్పుడూ ఫీల్డు కాదు, మన మైండ్‌సెట్!


"Uncertainty is the only certainty in Cinema. In a world of uncertainty everything is possible."  

"మా వాడు చదువుకోవట్లేదు. ఉద్యోగం చేయడు. బిజినెస్ చేయలేడు. ఏ పనీ చేతకాదు. ఎందుకూ పనికిరాడు... కొంచెం నీ దగ్గర డైరెక్షన్ డిపార్ట్‌మెంట్‌లో పెట్టుకో!"

ఒకరోజు పొద్దున్నే గురువుగారు దాసరిగారికి కాల్ చేసి అలా అడిగాట్ట ఆయన స్నేహితుడు! 

బయటివాళ్ల దృష్టిలో డైరెక్షన్ డిపార్ట్‌మెంట్ అంటే మరీ అంత పనికిరానిదన్నమాట...

ఈ జోక్‌ని స్వయంగా గురువుగారు, దర్శకరత్న దాసరి నారాయణరావుగారు అప్పటి తన బంజారాహిల్స్ ఆఫీసులో నాతో చెప్పారు.

ఒక్క డైరెక్షన్ డిపార్ట్‌మెంటే కాదు. టోటల్‌గా సినీఫీల్డులో పనిచేసేవారంతా ఎందుకూ పనికిరానివాళ్లని బయటివాళ్ళ అభిప్రాయం. ఇతర ఫీల్డులవాళ్ల అభిప్రాయం. 

"చదువుకోవడం చేతకానివాళ్లంతా సినీఫీల్డంటారు!" అని కూడా అంటారు కొంతమంది. కాని ఇక్కడంతా బీటెక్‌లు, ఎంబిఏలు, పీజీలు, డబుల్ పీజీలు... కామన్.  

"అబ్బో సినిమావాళ్లా!" అంటారు కొందరు. మిగిలినవాళ్లంతా ఏదో సొక్కమైనట్టు. వీళ్లేదో చేయరాని పని చేస్తున్నట్టు.

సరే, ఎవరు ఎలా అనుకున్నా ఏం ఫరవాలేదు. "మ్యాటర్ ఎప్పుడూ ఫీల్డు కాదు. మన మైండ్‌సెట్" అనేది కామన్‌సెన్స్. 

కట్ చేస్తే - 

తాడిచెట్టు కిందకి వెళ్లినప్పుడు అక్కడ తాగాల్సింది కల్లు. పాలు తాగుతానంటే కుదరదు. ప్రిన్సిపుల్స్, పాపడ్స్ అనుకుంటూ కూర్చుంటే ఏం జరగదు. జస్ట్ టైమ్ అలా కరిగిపోతుంటుంది. 

అయితే మన ప్యాషన్‌తో, మన సినిమా ప్రొఫెషన్‌తో సంబంధం లేని అవతలి వాళ్లను ఎంత చిన్నస్థాయిలోనయినా సరే ఇబ్బంది పెట్టకూడదు అనేది సినీఫీల్డులో పనిచేసే ఎవరైనా విధిగా గుర్తుపెట్టుకోవాల్సిన మొట్టమొదటి రూల్. కానీ, అప్పుడప్పుడూ ఇది మిస్ అవుతుంటుంది. ముఖ్యంగా డబ్బు విషయంలో... ఇంకా కొన్ని వ్యక్తిగత ప్రామిస్‌ల విషయంలో. 

తప్పు ఎప్పుడూ ఫీల్డుది కాదు. 

మన కామన్ సెన్స్, మన నిర్ణయాల తప్పే ఎక్కువగా ఉంటుంది. 

ఫీల్డులో మనం కలిసి ప్రయాణం చేయాల్సిన వ్యక్తుల ఎన్నిక విషయంలో కూడా సరిదిద్దుకోలేని తప్పులు జరుగుతాయి. వీటిని రియలైజ్ అయిన మరుక్షణమే ఏదో ఒకటి చెయ్యాల్సి ఉంటుంది. ఆలస్యం చేశామా... ఊహించలేనంత నష్టపోతాం.       

బయటికి క్రియేటివిటీ అని, తపస్సు అనీ, ప్యాషన్ అనీ ఎందరో ఎన్నో మాస్కులు వేసుకోవచ్చు. ఇంకెన్నో చెప్తుండవచ్చు. అయితే... పూర్తి మెటీరియలిస్టిక్‌గా... ఒక జాబ్‌లా, ఒక కెరీర్‌లా, ఒక మంచి ఆదాయమార్గంగా, ఒక బిజినెస్‌లా ఆలోచించగలిగినప్పుడు మాత్రమే అన్నీ బావుంటాయి. సరైన నిర్ణయాలు తీసుకోగలుగుతాము. ఏ గొడవా ఉండదు.

బై డిఫాల్ట్... ఫీల్డుకున్న గ్లామర్, సెలెబ్ స్టేటస్ ఎలాగూ ఒక డ్రైవ్‌లా ఎప్పుడూ పనిచేస్తాయి. 

అది తిరుగులేని బోనస్. 

కట్ చేస్తే - 

సినిమా ఇప్పుడొక బిగ్ బిజినెస్. 

స్పెషల్ అప్పియరెన్స్‌లాగా ఎప్పుడో పుష్కరానికి ఒక సినిమా చేయడం కాదు. చిన్నదో, పెద్దదో... ఎప్పుడూ ఏదో ఒక సినిమా చేస్తూ ట్రాక్‌లో ఉండటం చాలా ముఖ్యం.   

మిగిలినవన్నీ అవే ఫాలో అవుతాయి... డబ్బూ దస్కం, పేరూ గీరూ, ఇంకా ఎన్నో. 

ఎన్నాళ్లని ఒక చెస్ పీస్‌లా ఉంటావ్... ఒక్క సారి చెస్ ప్లేయర్ అయ్యి చూడు... తెలుస్తుంది మజా! 

And don't forget...
Cinema can fill in the
empty spaces of your life
and your loneliness! 

Wednesday, 15 March 2023

ఒక అవగాహన, గట్స్ ఉన్నవారికి ఇప్పుడు ఏదైనా సాధ్యమే!


ఇంతకు ముందైనా, ఇప్పుడైనా... నేను డబ్బు కోసమే సినిమాలు చేస్తున్నాను. 

దాదాపు ఎవరి విషయంలోనైనా ఇదే నిజం. కాకపోతే, వెర్షన్స్ వేరేగా ఉంటాయి... షుగర్ కోటింగ్‌తో. 

అది వేరే విషయం.    

ఇంతకు ముందు నాకు కొన్ని పరిమితులుండేవి. ఏవేవో పనులు, బాధ్యతలుండేవి. సో, సినిమాను పెద్దగా పట్టించుకోలేదు నేను. అదెప్పుడూ ఒక సెకండరీ ఆప్షన్‌గానే ఉండేది నాకు. ఎప్పుడో ఒకసారి నాకు కుదిరిన సినిమా చేశాను. కాని, ఇప్పుడలా కాదు. 

ఇప్పుడు నేను పూర్తిగా ఫ్రీ అయ్యాను.

ఇండస్ట్రీ కూడా బాగా టెంప్ట్ చేస్తోంది. కోట్లల్లో ఆదాయం. కోట్లల్లో రెమ్యూనరేషన్స్... 

బులెట్ షాట్‌లో చెప్పాలంటే - ఫిలిం ఇండస్ట్రీ ఇప్పుడొక కార్పొరేట్ బిజినెస్... బిగ్ బిజినెస్... ఆదాయమార్గాలు భారీ లెవెల్లో  పెరిగాయి. 

ఇంతకు ముందు థియేటర్ ఎగ్జిబిషన్ మార్కెట్ ఒక్కటే ఉండేది. తర్వాత శాటిలైట్ రైట్స్ వచ్చాయి. ఇప్పుడు కరోనా తర్వాత - ఓటీటీ రైట్స్ వచ్చాయి. కొత్తగా మళ్ళీ ఆడియో రైట్స్, ఇన్-ఫిలిం బ్రాండింగ్ వంటివి పుంజుకుంటున్నాయి. ఇన్‌కమ్ అవెన్యూస్ పెరిగాయి.  

Content is the king.
Big money is the ultimate goal.   

ఒక అవగాహన, గట్స్ ఉన్నవారికి ఇప్పుడు ఏదైనా సాధ్యమే. 

అపశకున పక్షులకు, నెగెటివ్ థింకర్స్‌కు ఇప్పుడే కాదు, ఎప్పుడూ ఏదీ సాధ్యం కాదు. అది వేరే విషయం.

కట్ చేస్తే -

ఒక చిన్న గ్యాప్ తర్వాత - ఇప్పుడు - నేనొక 2 ఫీచర్ ఫిల్మ్స్ ప్రారంభించాను. 

రెండూ పక్కా ట్రెండీ కమర్షియల్ సినిమాలు. 

అంతకు ముందు నేను చేసిన సినిమాలతో పోలిస్తే - వీటి బడ్జెట్ చాలా ఎక్కువ.   

ఒక స్థాయి సీజన్డ్ హీరోయిన్స్, ఆర్టిస్టులు ఉంటారు. న్యూ అండ్ అప్‌కమింగ్ న్యూ అండ్ అప్‌కమింగ్ ఆర్టిస్టులు కూడా ఉంటారు. 

ప్రస్తుతం ప్రి-ప్రొడక్షన్ వర్క్ జరుగుతోంది. క్రియేటివిటీపరంగా - ఎలాంటి కాంప్రమైజ్ లేకుండా - ఈ రెండు సినిమాలు చేయబోతున్నాను. అంతా నా ఇష్టం. 

ఏ రిజల్ట్ అయితే నాకు అవసరమో - ఆ ఒక్కటే లక్ష్యంగా, ప్రతి చిన్న-పెద్ద అంశానికి నేనే రెస్పాన్సిబిలిటీగా, టెన్షన్-ఫ్రీగా, కూల్‌గా, ఎంజాయ్ చేస్తూ ఈ సినిమాలు చేయబోతున్నాను.

ఇంతకుముందులా సినిమా అనేది బ్యాటిల్ గ్రౌండ్ కాదు.

"బిగ్ బిజినెస్" ప్లాట్‌ఫామ్... ఓవర్‌నైట్‌లో "సెలెబ్రిటీ స్టేటస్‌"ను ఇచ్చే ప్యాషనేట్ ప్లేస్. 

ఏ బడ్జెట్‌లో సినిమా తీస్తున్నామన్నది కాదు ఇప్పుడు పాయింట్... ఏ రేంజ్‌లో డబ్బు సంపాదించబోతున్నామన్నదే అసలు పాయింట్! 

ఈ బ్లాగ్ ప్రారంభంలో చెప్పిన మాట ఇప్పుడు మళ్ళీ చెప్తున్నాను...  

ఇంతకు ముందైనా, ఇప్పుడైనా... నేను డబ్బు కోసమే సినిమాలు చేస్తున్నాను. 

అయితే - సినిమా హిట్ అయితేనే డబ్బు వస్తుంది. అలా డబ్బు వచ్చినప్పుడే ఆటొమాటిగ్గా పేరు కూడా వస్తుందన్నది మిలియన్ డాలర్ రియాలిటీ. 

ఇప్పుడు నా గోల్ అదే.  

బాక్ బస్టర్ హిట్. 

"If you want to get in the film business, get in the film business." - Daniel Craig

Tuesday, 14 March 2023

మీ అమ్మాయి ఫిలిం డైరెక్టర్ కావాలనుకుంటోందా?


భానుమతి, సావిత్రి, విజయనిర్మల, మీరా నాయర్, అపర్ణా సేన్, దీపా మెహతా, సుచిత్ర చంద్రబోస్, శ్రీప్రియ, నందితా దాస్, ఫర్హా ఖాన్, మేఘనా గుల్జార్, కంగనా రనౌత్, జోయా అఖ్తర్, గురిందర్ చద్దా, బి జయ, సుధా కొంగర, నందిని రెడ్డి, లక్ష్మీ సౌజన్య, గౌరి రోణంకి, కార్తీకి గాన్‌సాల్‌వ్స్...

వీళ్ళల్లో 70 శాతం మంది సూపర్ డూపర్ హిట్స్ ఇచ్చిన వుమెన్ ఫిలిం డైరెక్టర్సే. 

మొన్న ఆస్కార్ సాధించిన "ది ఎలిఫెంట్ విష్పరర్స్" డాక్యుమెంటరీ ఫిలిం డైరెక్టర్ & ప్రొడ్యూసర్ కార్తీకి గాన్‌సాల్‌వ్స్, గునీత్ మోంగా కూడా మహిళలే! 

ఇదొక చిన్న లిస్ట్. 

కొంచెం టైం తీసుకొని అధ్యయనం చేస్తే కనీసం ఇంకో వంద మంది వుమెన్ ఫిలిం డైరెక్టర్స్ లిస్ట్ తయారవుతుంది. 

ఎప్పుడో 60-70 ఏళ్ళ క్రితమే భానుమతి లాంటివాళ్లు ప్రొడ్యూసర్‌గా, డైరెక్టర్‌గా, మ్యూజిక్ డైరెక్టర్‌గా భారీ విజయాలు సాధించారు. 

అలాంటిది... ఒక అమ్మాయి డైరెక్టర్ కావాలని ప్యాషన్‌తో ముందుకొచ్చినప్పుడు, ప్రోత్సహించాల్సింది పోయి, ఇప్పుడు 2023 లో కూడా "అందరు ఏమనుకుంటారో" అని భయపడటం నిజంగా విచారకరం. 

ఇప్పుడు ఏ కారణాలనైతే చూపిస్తూ భయపడుతున్నారో, ఆ కారణాలు, ఆ పరిస్థితులు అప్పుడు కూడా తప్పకుండా ఉండే ఉంటాయి. అయినా - వాటన్నిటినీ ఫేస్ చేస్తూ అద్భుత విజయాలను సాధించిన, సాధిస్తున్న నారీమణుల లిస్టు పైనే ఉంది. 

కట్ చేస్తే - 

అరుదుగా ఎవరో ఒకరిద్దరు చేసే నాన్సెన్స్‌ను కామన్ చేయడం అనేది కరెక్టు కాదు. ప్రతి ఫీల్డులోను అలాంటి కొన్ని పరిస్థితులుంటాయి. అలాంటి ఎవరో కొందరుంటారు. 

చట్టం అంటూ ఒకటుంటుంది. లా ఆఫ్ ద లాండ్‌కు ఎవరూ అతీతులు కారు.       

నిజానికి వేరే ఏ ఫీల్డులో లేనంత ఇబ్బందికరమైన పరిస్థితులు సినీఫీల్డులో ఉండవు. 

ఇది గ్లామర్ ఫీల్డు కాబట్టి బయట కథలు కథలుగా చెప్పుకుంటారు. సినిమా వార్తల మీదే బ్రతికే అనేకమంది క్రియేట్ చేసే చెత్త గాసిప్స్, మరింత చెత్తరకం థంబ్‌నెయిల్స్ అసలు నిజాలు కావు. 

సినీ ఫీల్డు ఇప్పుడు క్రమంగా ఒక కార్పొరేట్ శైలిలోకి రూపాంతరం చెందుతోంది. అమ్మాయిలే నిర్మాతలుగా భారీ బడ్జెట్ సినిమాల్ని నిర్మించి అద్భుత విజయాలు సాధిస్తున్నారు. ఇలాంటి నేపథ్యంలో - ముఖ్యంగా ఈ డిజిటల్ యుగంలో - ఏవేవో భయాలు పెట్టుకొని ప్యాషన్‌ను చంపుకోవడం అనేది సరైన నిర్ణయం కాదు. కాబోదు. 

యాక్టర్స్, డైరెక్టర్స్, రైటర్స్, టెక్నీషియన్స్ కావాలన్న ప్యాషన్‌తో సినీఫీల్డులోకి వెళ్ళాలనుకొనే అమ్మాయిలను, మహిళలను ఎవరైనా భేషుగ్గా... భయం లేకుండా ప్రోత్సహించవచ్చు. 

"మా అమ్మాయి సినీ ఫీల్డులో పనిచేస్తోంది", "మా అమ్మాయి యాక్టర్", "మా అమ్మాయి ఫిలిం డైరెక్టర్ కాబోతోంది"... అని కాలర్ ఎగరేసి గర్వంగా చెప్పుకొనే స్థాయికి, సోషల్ స్టేటస్‌కు ఎప్పుడో ఎదిగింది సినీ ఫీల్డు.                       

సాఫ్ట్‌వేర్, రియల్ ఎస్టేట్, పాలిటిక్స్, ఎడ్యుకేషన్... వంటి ఇతర ఎన్నో రంగాలను ప్రత్యక్షంగా దగ్గర నుంచి చూసిన వ్యక్తిగా నేనొక విషయం గట్టిగా చెప్పగలను... 

సినీఫీల్డులోనే అమ్మాయిలకు, మహిళలకు ఎక్కువ రెస్పెక్ట్ ఇస్తారు. వారి భద్రత గురించి పట్టించుకొంటారు. 

Monday, 13 March 2023

ఒక ‘డిజిటల్ నోమాడ్’ జీవనశైలి


సుమారు 7 ఏళ్ల క్రితం, ఒక డెహ్రాడూన్ అమ్మాయి… సింగపూర్ టూరిజమ్ బోర్డులో తన ఉద్యోగాన్నీ, ఇంటినీ వదిలిపెట్టి, ప్రపంచాన్ని చుట్టివచ్చే ‘నోమాడ్’ జీవితాన్ని ఎంచుకుంది.

అప్పుడు ఆమె వయస్సు 23.

ఇప్పటివరకు చాలా దేశాలు తిరిగింది. ఎక్కువ భాగం ఒంటరిగా… సోలో ట్రావెలర్‌గానే.

మొదట్లో తను అనుకున్న దేశాలకు వెళ్లడానికి ఫ్లయిట్ జర్నీ చేసేది. ఇప్పుడు ఎంతవరకు వీలైతే అంతవరకు – దేశాల మధ్య కూడా రోడ్డు ప్రయాణమే ఎంచుకుంటోంది.

ఒకసారి దేశంలోకి ప్రవేశించాక, అంతా అతి మామూలు జీవనవిధానమే ఆమెది.

కాలినడకన నడవగలిగినంత దూరం నడవటం, అవసరాన్నిబట్టి అతి తక్కువ ఖర్చుతో కూడిన లోకల్ ప్రయాణ సౌకర్యాలను వాడటం, శుభ్రమైన శాఖాహారం ఎక్కడ ఏది దొరికితే అది తినడం, లోకల్‌గా ఎవరి ఇంట్లోనైనా ఉండటం, లేదంటే – ఎయిర్ బి ఎన్ బి నివాసాల్లో ఉండటం, నిర్ణీత సమయాల్లో పుస్తక పఠనం, లాపీలో తన పర్యటనలకు సంబంధించిన బ్లాగింగ్, ఇతర కమ్యూనికేషన్ చూసుకోవటం… ఇదీ ఆమె జీవనశైలి.

ఈ జీవనశైలి నుంచే ఆమెకు ఆదాయం, ఆనందం రెండూ లభిస్తాయి.

బీబీసీ, వాషింగ్టన్ పోస్ట్, నేషనల్ జాగ్రఫిక్, టెడెక్స్, రెస్పాన్సిబుల్ ట్రావెల్, హఫింగ్టన్ పోస్ట్ వంటి అంతర్జాతీయ స్థాయి మీడియా ఆమె ప్రయాణాలను, జీవనశైలిని ఎప్పటికప్పుడు కవర్ చేస్తాయి.

The Shooting Star పేరుతో ఆ అమ్మాయి రాసిన పుస్తకం ప్రఖ్యాత పెంగ్విన్ బుక్స్ సంస్థ పబ్లిష్ చేసింది. అది బెస్ట్ సెల్లర్ కూడా.

ట్రావెల్ బ్లాగర్, ట్రావెల్ ఇన్‌ఫ్లుయెన్సర్, ఫ్రీలాన్స్ ట్రావెల్ రైటర్‌గా – వివిధరకాల అసైన్‌మెంట్స్ ఎప్పటికప్పుడు ఆమెను వెతుక్కుంటూ వస్తుంటాయి. వివిధ దేశాల టూరిజమ్ శాఖలు, ఎయిల్ లైన్స్, కార్పొరేట్ కంపెనీలు ప్రమోషన్ కోసం ఆమెతో ఒప్పందాలు కుదుర్చుకుంటాయి.

ఇవన్నీ ఆమెకు ఆదాయం తెచ్చేవే.

ఈ ఆదాయమంతా ఆమెకెంతో ఇష్టమైన ‘జీవనశైలి’ ప్రయాణంలో, ఆమెతోపాటు వెంటపడి వచ్చేదే.

తనకిష్టమైన ఇదే జీవనశైలితో నిరంతరం ప్రయాణం చేస్తూ, భూగోళం చుట్టేస్తున్న ఈ యువతి వేసుకొనే దుస్తులు, బుక్స్, లాపీ, పెన్నూ, పేపర్లూ అంతా కలిపి, ఆమె లగేజ్ మొత్తం… జస్ట్ వీపుకు తగిలించుకొనే ఒకే ఒక్క బ్యాక్ ప్యాక్.

అంతే.

నమ్మశక్యం కాని ఈ మినిమలిస్ట్ డిజిటల్ నోమాడ్,  ట్రావెల్ బ్లాగర్ పేరు - శివ్య నాథ్.

Just a girl who travels.

కట్ చేస్తే –

2019 లో ఒకసారి తను సౌతాఫ్రికాలో ట్రెక్కింగ్ చేస్తూ, ఒక అందమైన వాటర్ ఫాల్స్ దగ్గర స్విమ్మింగ్ చేస్తున్నప్పుడు – తన శరీరానికి, శరీరాకృతికి సంబంధించిన ఒక వాస్తవాన్ని గురించి, మొట్టమొదటిసారిగా, తనను తనే ప్రశ్నించుకొంది. అర్థంచేసుకొంది. అర్థమయ్యాక ఆ అనుభూతిని ఆలింగనం చేసుకొంది. అక్షరాల్లో ఆవిష్కరించింది.

అదేంటో, క్లుప్తంగా శివ్య మాటల్లోనే –


“బాడీ పాజిటివిటీకి సంబంధించి నా మైండ్‌సెట్‌ను ప్రశ్నించడానికి, అర్థంచేసుకోడానికి నాకు చాలా సమయమే పట్టింది…

మనం ఎదుగుతున్న దశలో, మన చుట్టూ ఉన్న వాతావరణాన్ని బట్టి, మన పెంపకాన్ని బట్టి – అందానికి సంబంధించి మన మనసుల్లో, ఆలోచనల్లో కొన్ని స్టాండర్డ్స్ ఫిక్స్ అయిపోతాయి.

మ్యాగజైన్స్‌లో కనిపించే మోడల్స్… హాలీవుడ్, బాలీవుడ్‌లో కనిపించే హీరోయిన్స్… అందరూ ఎలాంటి మచ్చలేని తెల్లటి చర్మంతో, పర్‌ఫెక్ట్ హెయిర్‌తో, సన్నగా, నాజూగ్గా, ఒక లెక్కతో కూడిన ఎత్తుపల్లాల అవయవాకృతితో కనిపిస్తారు.

రకరకాల డైట్స్ గురించి, బ్యూటీ ట్రీట్‌మెంట్స్ గురించి, శరీరంలో అక్కడక్కడా ఉన్న ఎక్స్‌ట్రా ఫ్యాట్స్ తొలగించుకొనే పద్ధతుల గురించీ, ఎవరెవరు ఎలా ఉన్నారో జడ్జ్ చేయటం గురించీ… మనచుట్టూ ఉన్న స్త్రీల మాటలు కూడా ఎప్పుడూ వింటుంటాం.

వీటన్నిటితో వచ్చిన ఒక అవగాహన ఆధారంగా, మన శరీరాల్ని మనమే “ఇలా వుంది” అని నిర్ధారించుకుంటాం. విశ్లేషించుకుంటాం. చాలాసార్లు అసహ్యించుకుంటాం కూడా.

మన మానసిక, శారీరక ఆరోగ్యం పైన దృష్టి పెట్టకుండా – మనముందున్న అద్దం చూపిస్తున్నదే నిజమని నమ్ముతాం.

చాలా కాలంగా ఈ విషయంలో నా ఫీలింగ్స్ కూడా అలాగే ఉన్నాయి.

నా థండర్ థైస్ అంటే నాకు చాలా కోపం. నేను ఎంత ఎక్సర్‌సైజ్ చేసినా, ఎంత తక్కువ తిన్నా అవి ఎంతకూ సన్నబడవు. నా భుజాల్లో ఉన్న కొవ్వుని నా డ్రెస్ స్లీవ్స్ కింద దాచిపెట్టడానికి ఎప్పుడూ ప్రయత్నిస్తుంటాను. ఫ్రీగా ఉండి, హాయిగా ఊపిరి పీల్చుకోనీయకుండా నా నడుముభాగాన్ని ఎప్పుడూ టక్ చేస్తుంటాను. ఎవరైనా చూస్తారేమో అని, నా పిరుదుల్ని తొందర తొందరగా నా వన్ పీస్ స్విమ్‌సూట్‌లోకి తోసేసి కవరప్ చేసేస్తుంటాను.

ఒకసారి, 2019 లో సౌతాఫ్రికా వెళ్ళినప్పుడు – అక్కడ ట్రెక్కింగ్, వైల్డర్ స్విమ్మింగ్ కోసం వెళ్లే సమయంలో చూసుకున్నాను… 

నా స్విమ్‌సూట్ రిపేర్ చెయ్యడానికి వీల్లేనంతగా చినిగిపోయింది. వెంటనే అప్పటికప్పుడు ఇంకో స్విమ్‌సూట్ తీసుకోవాల్సివచ్చింది.

కాని, అక్కడ దగ్గర్లో ఉన్న స్టోర్‌లో బికినీలు మాత్రమే ఉండటంతో, ఇక తప్పనిసరై ఒక బికినీ తీసుకున్నాను.

ఇండియాలో – మనం స్విమ్ చేస్తున్నప్పుడు… స్విమ్‌సూటో, బికినీనో వేసుకున్నాసరే – ఒడ్డున ఉన్నవారికి ఏదీ కనిపించకుండా నీళ్లల్లోనే మన శరీరంలోని కొంతభాగాన్ని ఎప్పుడూ దాచి ఉంచుతాం. అలాంటప్పుడు ఇంక బికినీ ఎందుకో నాకర్థమయ్యేది కాదు!

కాని, నా 31వ యేట, సౌతాఫ్రికాలోని ఆ అద్భుత వాటర్ ఫాల్స్‌లో చల్లటి నీరు నా శరీరంలోని ప్రతిభాగాన్నీ స్పృశిస్తూ ఆలింగనం చేసుకుంటున్నప్పుడు – మొట్టమొదటిసారిగా అంతా మారిపోయింది.

ఉన్నట్టుండి… బికినీ వేసుకోవడంలో ఉన్న ఆ ఫ్రీడమ్‌తో ప్రేమలోపడిపోయాను. దానికంటే ముందు, అసలు నా బాడీ విషయంలో నేను ఎందుకని ఎప్పుడూ అంత నెగెటివ్‌గా ఫీలయ్యేదాన్నో నన్ను నేనే ప్రశ్నించుకున్నాను.

నా శరీరం “పర్‌ఫెక్ట్” సౌష్టవంతో లేకపోవచ్చు. కాని, నేను ఆరోగ్యంగా ఉన్నాను. ఎక్సర్‌సైజ్ చేస్తాను. మంచి ఆహారం తీసుకుంటాను. ఉండాల్సినంత బరువే ఉన్నాను. మానసికంగా కూడా ఒక మంచి స్థాయిలో ఉన్నాను.

నిజంగా ఒక్కసారిగా అంతా మారిపోయింది…

నా బాడీకి సంబంధించి, అంతకుముందటి నా అన్ని నెగెటివ్ ఆలోచనల్ని జస్ట్ అలా ఎడంచేత్తో పక్కకి తోసేశాను.

ఆ తర్వాత ఎప్పుడు ఏ వాటర్ ఫాల్స్ కిందకెళ్ళినా… ఏ సముద్రపు అలల్లో ఆడుకున్నా… చల్లటి ఆ నీళ్ళు నా శరీరాన్ని స్పృశించినప్పుడల్లా ఎంతో ఆనందాన్ని అనుభవిస్తున్నాను. పరవశంలో మునిగితేలుతున్నాను.

F*ck perfection! 

ఇప్పుడు నాకు క్యూరియస్‌గా ఉంది… మీ బాడీ గురించి మీరేం ఫీలవుతున్నారు?”