Sunday 12 May 2024

ప్రియతమ్, నేను, అమెరికా!


నేనొకసారి ఏదో షూటింగ్ పనిమీద అనుకుంటాను, ఓ నాలుగైదు రోజులు అవుట్‌స్టేషన్‌కు వెళొచ్చాను. అప్పుడు మేము న్యూ బోయిన్‌పల్లిలోని పద్మావతి కాటేజెస్‌లో ఉన్నాము. 

బయటనుంచి బెల్ కొట్టి ఇలా ఇంట్లోకి ఎంటర్ అయ్యానో లేదో... మా చిన్నబ్బాయి ప్రియతమ్ పరుగెత్తుకుంటూ వచ్చి నన్ను చుట్టేసుకున్నాడు. వెంటనే ఎత్తుకున్నాను. అంతే... నేను ఇంట్లో ఇంకెవ్వరితో మాట్లాడకుండా, వాళ్లవైపు చూడకుండా, నా ముఖాన్ని తన రెండుచేతులతో గట్టిగా పట్టుకొని, గ్యాప్ ఇవ్వకుండా నా ముఖమంతా ముద్దులతో ముంచెత్తాడు ప్రియతమ్. 

"ఒరే ఇంక చాల్లేరా... మీ డాడీ అంటే నీకు చాలా ఇష్టం అని మాకర్థమైందిలే... ఇంక చాలు" అని గట్టిగా అంటూ, వాన్ని నా నుంచి లాక్కునేదాకా నా ముఖం నిండా ముద్దులు పెట్టడం ఆపలేదు ప్రియతమ్. 

అప్పుడు ప్రియతమ్ వయస్సు బహుశా ఓ రెండు సంవత్సరాలుంటుంది. 

కట్ చేస్తే - 

ఇవ్వాళ ఉదయం ప్రియతమ్ కొత్త సొనాటా కారులో, వాడు డ్రైవ్ చేస్తుంటే పక్కన కూర్చొని, ప్రపంచపు అత్యంత శక్తివంతమైన దేశం అమెరికాలోని రోడ్ల మీద క్రూజింగ్ చేస్తూ, వాడు చెప్తున్న మాటలు వింటుంటే నాకే అంతా ఒక కలలా ఉంది. 

జస్ట్ కొన్ని గంటల క్రితం నేను మొట్టమొదటిసారిగా యు యస్ వచ్చాను... ఇప్పుడు అమెరికాలో సాయంత్రం నాలుగవుతోంది.

ఇంకొన్ని గంటల్లో ప్రియతమ్ పుట్టినరోజు... 12 మే. 

Wishing the happiest of birthdays to my dear younger son, Priyatham! 🎉 May this year be filled with boundless joy, good health, and the fulfillment of all your dreams. Keep shining bright! ✨ 

No comments:

Post a Comment