సమయానికి విలువ ఇవ్వలేనివారు ఎవ్వరైనా...

"టైమ్ ఈజ్ మనీ" అన్నాడు బెంజమిన్ ఫ్రాంక్లిన్. 

అమెరికా వ్యవస్థాపక పితామహులలో ఒకరు ఫ్రాంక్లిన్. తన 84 ఏళ్ళ సంపూర్ణ జీవితంలో - పొలిటీషియన్, డిప్లొమాట్, సైంటిస్ట్, రైటర్, ప్రింటర్, పబ్లిషర్... ఇలా ఎన్నో రంగాల్లో అద్భుత విజయాలు సాధించిన బహుముఖ ప్రజ్ఞాశాలి. 

ఈయనొక్కడే కాదు. ప్రపంచంలో ఏ రంగంలోనైనా అద్భుత విజయాలు సాధించినవారెవ్వరైనా సమయానికి అత్యధిక ప్రాధాన్యమిస్తారు. 

టైమ్ వేస్ట్ చేసుకునే వాడెవ్వడూ ఏదీ సాధించలేడు. 

మన చదువులకీ... సమయానికి మనం ఇచ్చే విలువ పట్ల మనకున్న స్పృహకీ... అసలు సంబంధం లేదన్నది నా వ్యక్తిగత అనుభవం. 

కట్ చేస్తే - 

మన చుట్టూ - మన దైనందిన జీవితంలో - మనకు అతి దగ్గరగా ఉండే వ్యక్తుల్లో కూడా సమయం పట్ల పెద్దగా విలువ ఇచ్చే అలవాటు లేదంటే... నష్టం వాళ్లకంటే మనకే ఎక్కువగా ఉంటుంది. 

ప్యాసివ్ స్మోకింగ్ లాగా అన్నమాట. 

సమయానికి విలువ ఇవ్వలేనివారు ఎవ్వరైనా - జీవితంలోని ఏ దశలోనైనా దేనికీ పెద్దగా విలువ ఇవ్వలేరు. ఏం జరిగినా "జస్ట్ లైట్" అనుకుంటారు. వాళ్లెంత మంచివారైనా - క్రమంగా అలా అలవాటుపడిపోతారు.  

ఇలాంటి "జస్ట్ లైట్‌"లతో ఎంత ఎక్కువ సమయం మనం గడిపితే అంత లైట్ అయిపోతుంది మన జీవితం కూడా.

ఫలితంగా - మనకు తెలీకుండానే మన జీవితంలో కూడా దారుణంగా  టైమ్ వృధా అయిపోతుంటుంది. 

చివరాఖరికి మనం తెలుసుకోవల్సింది ఏంటంటే - 

అవతలివాళ్ళ "ప్రయారిటీలో మనం లేము" అని ఫీలైన మరుక్షణం... వెంటనే కామ్‌గా తప్పుకోవడం బెటర్. 

ఎవరి ప్రయారిటీస్ వారివి. Let's respect that.