"టీ హబ్"కు పర్యాయపదం కేటీఆర్!

 

ఒక కొత్త రాష్ట్రం సాధించిన అంతర్జాతీయ స్థాయి విజయం... టీ-హబ్. 

"కన్వర్జ్, కనెక్ట్, క్రియేట్" టాగ్‌లైన్‌తో ప్రారంభమైన "టీ హబ్"కు పర్యాయపదం కేటీఆర్. 

ఆయనే దానికి ఆక్సిజన్, హార్ట్, ఎనర్జీ అన్నీ. ఆయనే దానికి బ్రాండ్ అంబాసిడర్, ఆయనే దానికి తిరుగులేని యు యస్ పి.

ప్రభుత్వం ఏదున్నా, ఎవరిదున్నా, ఏ పార్టీదున్నా... ఇలాంటి తిరుగులేని ప్రజోపయోగమైన అభివృద్ధి సంక్షేమ పథకాల ప్రపోజల్స్ పెట్టడానికి ప్రతి ప్రభుత్వంలోని ప్రతి శాఖలోనూ కార్యశూరులు, ఎంత్యూజియాస్ట్స్ కొందరుంటారు.

కాని, ఆ ప్రపోజల్స్‌ను అర్థం చేసుకొని, వాటిని ప్రోత్సహించే నాయకులే ఉండరు. చెబితే వినరు. చెప్పినా వారికి అర్థం కాదు. అర్థం చేసుకొనే ప్రయత్నం చెయ్యరు. 

వారి ఎజెండాలు వేరే ఉంటాయి. 

కట్ చేస్తే -

రాజకీయాల్లో ఈ రొటీన్‌ను బ్రేక్ చేసిన రికార్డు కేసీఆర్‌ది. 

తెలంగాణ రాష్ట్రం సాధించడమే ఒక రికార్డు. సాధించిన రాష్ట్రాన్ని అన్ని విధాలుగా అభివృద్ధి పరుస్తూ - ఇప్పటివరకూ కనీ వినీ ఎరుగని అభివృద్ధి సంక్షేమ పథకాలతో - తెలంగాణ రాష్ట్రాన్ని దేశంలోనే నంబర్ వన్ రాష్ట్రంగా తీర్చిదిద్దుతూ ముందుకెళ్తుండటం ఇంకో రికార్డు. 

కేసీఆర్ మార్గదర్శకత్వంలో ఐటి, ఇండస్ట్రీస్, స్టార్టప్స్ ఎట్సెట్రా రంగాల్లో - దేశంలోనే కాదు, ప్రపంచస్థాయి జెయింట్స్‌ను తెలంగాణ వైపు తలతిప్పి చూసేలా చేస్తున్న కేటీఆర్ అతనే ఒక మ్యాజిక్. 

ఆకాశమే హద్దుగా అంతర్జాతీయ స్థాయి గుర్తింపులు, అవార్డు, రివార్డులు ఊరికే రావు.    

కేటీఆర్ - ఒక బ్రాండ్. 

ఆ బ్రాండ్ లేకుండా ఇన్ని వందల కోట్ల, వేల కోట్ల  ఇన్వెస్ట్‌మెంట్స్ లేవు... ఈ విజయాల్లేవు. ఇది ఎవరైనా సరే ఒప్పుకొని తీరాల్సిన నిజం. 

దాదాపు వారంలో ప్రతిరోజూ ఏదో ఒక అచీవ్‌మెంట్. ఏదో ఒక ఇన్వెస్ట్‌మెంట్ రికార్డ్ అవుతోందంటే అతిశయోక్తి కాదు. 

రాకెట్ స్థాయిలో నింగికి దూసుకెళ్ళిన ఏడేళ్ళ టీ హబ్ సక్సెస్ స్టోరీకి కర్తలైన కేటీఆర్ గారికి, వారి బృందంలోని ప్రతి ఒక్కరికీ అభినందనలు.