కంగనా, ది ఫైటర్!

కంగనా రనౌత్ ఏ పార్టీ అన్నది నాకు అనవసరం. సక్సెస్ సైన్స్ పాయింటాఫ్ వ్యూలో ఈ పది వాక్యాలు ఆమె గురించి రాస్తున్నాను...  

ఎక్కడో హిమాచల్ ప్రదేశ్ నుంచి ఒంటరిగా ముంబై వచ్చింది. ఇంగ్లిష్ రాదని బాలీవుడ్‌లో ఎగతాళి చేసారు. భరించింది. అది మొదలుగా... ఇండస్ట్రీలోని ప్రతి ఒక్క సమస్యను ఒంటరిగా, ధైర్యంగా ఎదుర్కొంది. 

వ్యక్తిగత జీవితంలో రిలేషన్‌షిప్స్ సమస్యలను కూడా ఒంటరిగా అధిగమించింది. 

తాను అనుకున్నది సాధించింది.

బాలీవుడ్‌లో ఒక టాప్ రేంజ్ హీరోయిన్ స్థాయికి ఎదిగింది. హీరోయిన్‌గా కలెక్షన్స్ రికార్డ్స్ అప్పట్లోనే సాధించింది. 

హీరోయిన్‌గా నటిస్తూనే - డైరెక్టర్ అయింది. రైటర్ అయింది. ప్రొడ్యూసర్ అయింది.   

పద్మశ్రీ తెచ్చుకొంది. 

3 జాతీయ అవార్డులు, 4 ఫిలిం ఫేర్ అవార్డులు కూడా సాధించింది. 

ప్రొడ్యూసర్‌గా ముంబైలోనే 60 కోట్ల విలువైన సొంత బంగళాలో ప్రొడక్షన్ ఆఫీసు ప్రారంభించింది. 

కంగనా సాధించిన ఈ మైల్‌స్టోన్స్ అన్నింటి వెనుక - తన 15 ఏళ్ల ఫిలిం ఇండస్ట్రీ జీవితపు మర్చిపోలేని అనుభవాలున్నాయి. ఘోరమైన అవమానాలున్నాయి. అంతులేని సంఘర్షణ ఉంది.    

కట్ చేస్తే - 

ఇప్పుడు హీరోయిన్‌గా, ప్రొడ్యూసర్-డైరెక్టర్‌గా... తన ఆస్తులన్నీ తాకట్టు పెట్టి... ఇందిరాగాంధీ పాత్రలో నటిస్తూ... "ఎమర్జెన్సీ" సినిమా భారీగా తీస్తూ... మొన్ననే షూటింగ్ పూర్తిచేసింది కంగనా రనౌత్. 

మరింత పాపులారిటీ, వందల కోట్ల ఆదాయం ఆన్ ది వే...  

దటీజ్ కంగనా, ది ఫైటర్.