Monday, 2 January 2023

కొత్త సింగర్స్‌ను ఎందుకు పరిచయం చేస్తున్నాం?


ఇండస్ట్రీకి నేను పరిచయం చేసిన మా మ్యూజిక్ డైరెక్టర్ ప్రదీప్‌చంద్రకు నా లేటెస్ట్ సినిమా మ్యూజిక్ సిట్టింగ్స్ 'డే వన్' నుంచి నేనొక విషయం చెబుతూ వస్తున్నాను ...

"మన సినిమాలో పాటలకోసమని నువ్వు ఇండస్ట్రీలోని టాప్ సింగర్స్‌తోనే పాడించాలని పొరపాటున కూడా అనుకోకు. అలా .. టాప్ సింగర్స్ పేర్లు నీ ఆల్బమ్‌లో ఉంటేనే నీకు పేరొస్తుందనీ, మ్యూజిక్ కంపెనీలవాళ్లు ఆడియో రైట్స్ కొనుక్కోడానికి ఎగబడతారనీ అస్సలు అనుకోకు. నిజంగా మన పాటలు సెన్సేషనల్‌గా బాగుంటే - మనం వద్దన్నా అవి పబ్లిక్‌లోకి వెళ్లిపోతాయి. లిరికల్స్‌కి మిలియన్స్‌లో వ్యూస్ వస్తాయి. మన సినిమాకు మంచి సపోర్ట్ అవుతాయి."    

కాబట్టి -

"నువ్వు కొత్త సింగర్స్‌ను పరిచయం చేసి, వాళ్లను నీ ద్వారా టాప్ సింగర్స్‌ను చెయ్యి!" అని ప్రదీప్‌చంద్రకు చెప్పాను.

అలాగని నేను పాత సింగర్స్‌కు వ్యతిరేకం ఏం కాదు.

నా గత సినిమాల్లో - నాకిష్టమైన యస్ పి బాలు నుంచి చిత్ర, కార్తీక్, యస్ పి చరణ్, టిప్పు, పాప్ శాలిని, మాలతి, శాలిని సింగ్, సౌరభ్ శ్రీవాస్తవ, ర్యాప్ విశ్వ, సౌమ్య, ప్రదీప్ సింగ్, గీతామాధురి మొదలైన ఎందరో టాప్ సింగర్స్‌తో పాడించాను.

ఆ నాస్తాల్జియా గురించి మరోసారి రాస్తాను...  

కట్ బ్యాక్ టూ మన న్యూ సింగర్స్ -  

"కొత్త సింగర్స్‌ను పరిచయం చేద్దాం" అని నేను మా మ్యూజిక్ డైరెక్టర్ ప్రదీప్‌చంద్రతో చెప్పడానికి చాలా కారణాలున్నాయి.  

ఇప్పటి ప్రేక్షకులు, శ్రోతలు ఎప్పటికప్పుడు కొత్తదనం కోరుకొంటున్నారు. కొత్త గొంతులు వినాలనుకొంటున్నారు. బాగుంటే రాత్రికి రాత్రే మిలియన్స్‌లో వింటున్నారు. రికార్డులు బ్రేక్ చేస్తున్నారు. 

సినిమాలతో, భాషతో సంబంధం లేకుండా - ఒకే ఒక్క "ఇండిపెండెంట్ మ్యూజిక్ వీడియో"తో ఓవర్‌నైట్‌లో టాప్ సింగర్స్ అయిపోతున్న రోజుల్లో మనమున్నాం. 

ఈ కోణంలో ఆలోచించినప్పుడు - టాలెంట్ బాగా ఉండి, అవకాశం కోసం ఎదురుచూస్తున్న కొత్త సింగర్స్‌ను ఎందుకు పరిచయం చెయ్యకూడదన్నది నా పాయింట్. 

అలాగే - ఇప్పటికే పరిచయమైనా - రకరకాల కారణాలవల్ల, టాలెంట్ ఉండీ పైకి రాలేకపోతున్న "అప్‌కమింగ్ సింగర్స్‌"ను కూడా వీలయినంతగా ఎంకరేజ్ చెయ్యాలన్నది నా ఇంకో ఆలోచన. 


మా కొత్త ప్రాజెక్టులకోసం... ఈ నెల 8, 9, 10 తేదీల్లో "న్యూ సింగర్స్" ఆడిషన్స్ కోసం మా మ్యూజిక్ మ్యాజిక్ ప్రదీప్‌చంద్ర మొన్ననే ఒక యాడ్ రిలీజ్ చేశాడు.

ఈ అవకాశాన్ని కొత్త సింగర్స్ తప్పక వినియోగించుకొంటారని నా నమ్మకం. 

ఆడిషన్స్‌లో ఎన్నికైన కొత్త సింగర్స్‌ను - కేవలం మా సినిమాలో పాటల ద్వారా మాత్రమే కాకుండా, మా సీరీస్ ఆఫ్ "ఇండిపెండెంట్ మ్యూజిక్ వీడియో"ల ద్వారా కూడా  పరిచయం చేస్తాము. 

యు యస్, యు కె, కెనడా, ఆస్ట్రేలియా, దుబాయి వంటి దేశాల్లో - మా కంపెనీ నుంచి జంప్‌స్టార్ట్ కాబోతున్న "గ్రాండ్ గాలా మ్యూజిక్ ఈవెంట్స్"లో కూడా మేము పరిచయం చేసే కొత్త సింగర్స్‌కు అవకాశాలు అందిస్తాము.

మీడియాలో, సోషల్ మీడియాలో ఊహించని రేంజ్‌లో వారిని పాపులర్ చేస్తాము.     

Above all - 

అతి కొద్దిరోజుల్లోనే మా కొత్త సినిమాను మ్యూజిక్ రికార్డింగ్‌తోనే ప్రారంభిస్తున్నాం! 

ఆ ఓపెనింగ్ రోజు స్టూడియోలో పాడేది మీరే కావచ్చు, చెప్పలేం... 

"ఇప్పటి టాప్ సింగర్స్ అంతా కూడా ఒకప్పుడు కొత్త సింగర్సే" అన్న విషయం గుర్తుపెట్టుకోండి. ఆడిషన్‌కు అప్లై చేయండి. కాన్‌ఫిడెంట్‌గా రండి.

Best wishes to all the Passionate New Singers out there...  

No comments:

Post a Comment