Saturday 18 September 2021

న్యూ టాలెంట్ కోసం!

కొత్త టాలెంట్ కోసం నిన్ననే ఒక 3 యాడ్స్ విడుదల చేశాను. కొత్త ఆర్టిస్టులు, కొత్త స్క్రిప్ట్ రైటర్స్, కొత్త అసిసిటెంట్ డైరెక్టర్స్ (సోషల్ మీడియా విభాగం) కోసం.  

ఈ యాడ్స్ - నిన్నటి నా ఫేస్‌బుక్, ట్విట్టర్ టైమ్‌లైన్స్ మీద కనిపిస్తాయి. ఇప్పుడీ బ్లాగ్ పోస్ట్‌తో కూడా వాటిల్లో ఒక యాడ్‌ను పోస్ట్ చేస్తాను. 

యాడ్స్‌కు స్పందన బాగుంది. కాని, ఎప్పట్లాగే 99% మంది యాడ్‌ను సరిగా చదవరు. చదివింది పాటించరు.  

నేను ఆర్టిస్టుల కోసం అడిగింది: మూడే మూడు ఫోటోలు, ఒక 1 నిమిషం ఇంట్రొడక్షన్ వీడియో. ఇప్పటివరకు కనీసం ఒక వందకు పైగా అప్లికేషన్స్ వచ్చాయి. కాని, ఒక్కరు కూడా దీన్ని పాటించలేదు. ప్రతి అభ్యర్థీ కనీసం 10 ఫోటోలు పంపారు. వీడియ్ ఇంట్రో అనేది అసలు పంపించలేదు. 

ఇప్పుడు ప్రతి ఒక్కరి దగ్గర స్మార్ట్ ఫోన్స్ ఉన్నాయి. వీడియో ఆన్ చేసి, ఒకే ఒక్క నిమిషం తన గురించి తాకు క్లుప్తంగా చెప్పుకుంటే సరిపోతుంది. ఈ మాత్రం చేయలేరా? ఇవేవేఎ ఒక్క పైసా జేబులోంచి ఖర్చుపెట్టి చేసేవి కాదు. 

తను ఎంచుకున్న కెరీర్ మీద సీరియస్‌నెస్ ఉన్నప్పుడు ఇలా జరగదు. ప్రతి చిన్న అంశాన్నీ జాగ్రత్తగా పాటిస్తారు. పట్టించుకొంటారు. ఏమైనా సరే నన్ను ఆడిషన్‌కు పిలిచితీరాలి అన్న తపన, పట్టుదల కొందరి అప్లికేషన్స్‌లో కనిపిస్తుంది. 

కట్ చేస్తే - 

కొత్త స్క్రిప్ట్ రచయితలు కనీసం ఒక ముగ్గురిని తీసుకొనే ఆలోచన ఉంది. యూనికోడ్‌లో తెలుగులో టైప్ చెయ్యగలగాలి. ప్రొఫెషనల్ స్క్రిప్ట్ రైటింగ్ మీద అవగాహన ఉండాలి. మీరు రాసిన ఏవైనా ఒక రెండు సీన్లు డైలాగ్ వెర్షన్లో నాకు పంపించాలి. 

అప్లికేషన్స్ వచ్చాయి. ఎవరు ఏం పంపించారో చూడాల్సి ఉంది. 

దాదాపు అయిదారేళ్ళ నుంచి రైటర్‌గా ఎంట్రీ కోసం ప్రయత్నాలు చేస్తున్న ఒక కొత్త రైటర్‌కు నిన్న చెప్పాను - తాను రాసిన స్క్రిప్టులో ఏవైనా ఒక రెండు సీన్లు పంపించమని. ఇంతవరకు సీన్ల జాడ లేదు. 😊

అయితే - ఇదంతా విమర్శించటం కాదు. 100% అన్ని అర్హతలు ఉండి, 24 గంటలు అందుబాటులో ఉన్నవాళ్లే ఇక్కడ ఇండస్ట్రీలో కిందా మీదా పడుతున్నారు. ఒక అవకాశం ఉంది అని కళ్ళముందు కనిపిస్తున్నప్పుడు, దాని వినియోగించుకోవడంలో ఇంత అలసత్వం ఉంటే ఎలా?

కట్ చేస్తే - 

సోషల్ మీడియా విభాగంలో కొత్తగా ఇద్దరు అసిస్టెంట్ డైరెక్టర్స్‌ను తీసుకొంటున్నాను. దీనికోసం కూడా ఒక యాడ్ ఇచ్చాను. 

సోషల్ మీడియాలో ఎప్పుడూ ఏదో ఒక బజ్ క్రియేట్ చేస్తూ డైనమిక్‌గా ఉండే ఇద్దరు అసిస్టెంట్స్ కావాలి. వీరికి సోషల్ మీడియా మీద, దాని ఎఫెక్టివ్‌నెస్ మీద తగినంత అవగాహన ఉండాలి. 

ఇప్పుడంతా సోషల్ మీడియా ఎక్స్‌పర్ట్‌లే కాబట్టి - దీనికోసం చాలామంది వస్తారు అనుకుంటున్నాను. 

నా ఫేస్‌బుక్, ట్విట్టర్ నిన్నటి టైమ్‌లైన్స్ మీద ఈ యాడ్స్‌ను ఔత్సాహికులు చూడొచ్చు. అప్లై చేసుకోవచ్చు. మాకు కావల్సినన్ని అప్లికేషన్స్ రాగానే ముగిస్తాము. 

“I can’t afford to hate anyone. I don’t have that kind of time.” 
― Akira Kurosawa.  

No comments:

Post a Comment