Friday 17 September 2021

బ్యాక్ టు స్కూల్!

ఎవరైనా, ఎప్పుడైనా, ఏదైనా ప్రారంభించవచ్చు, సాధించవచ్చు. మానసికంగా, శారీరకంగా ఫిట్‌గా ఉన్నంతవరకు ఎలాంటి వయోపరిమితి కూడా లేదు. ఇప్పటికే ఎందరో దీన్ని నిరూపించి చూపారు. 

ఉచిత సలహాదారులు, "నే సేయర్స్" మాటలు అస్సలు పట్టించుకోవాల్సిన పనిలేదు. ప్రయత్నం ఫెయిలయినా, అనుకున్నట్టు జరక్కపోయినా చింతించాల్సింది ఏమీ లేదు. ఇంకొకటి. ఆగే పనిలేదు.  

అంతే తప్ప - చేతులు ముడుచుకొని నాలుగు గోడల మధ్య కూర్చొని, ఎవరెవరికో ఉచిత సలహాలిచ్చే బదులు... ఏదో ఒక పని చేస్తూవుండటం చాలా మంచిది. అనవసరంగా వయసులోనే ముసలితనం రాదు. ఎప్పుడూ ఆరోగ్యంగా ఉంటాం.  

ఈ సందర్భంగా... పలు సమయాల్లో, పలు విధాలుగా... సాంఘికంగా, ఆర్థికంగా నాకు సహకరించిన కొందరు ప్రియాతిప్రియమైన నా మిత్రులు, శ్రేయోభిలాషులందరికీ నా ధన్యవాదాలు తెలుపుకొంటున్నాను. 

“Gratitude is the fairest blossom which springs from the soul.”
– Henry Ward Beecher.  

కట్ చేస్తే - 

చాలా మంది ఉచిత సలహాలను వినీ, వినకా, విన్నట్టు చేసీ... మొత్తానికి కొంచెం గ్యాప్ తర్వాత మళ్లీ సినిమాల్లోకి వచ్చాను. ఇక గ్యాపులుండవు. రెగ్యులర్‌గా సినిమాలు చేస్తాను.

ఇలా ఎప్పుడూ అనుకోలేదు. ఇప్పుడు అనుకుని మరీ దిగుతున్నాను కాబట్టి తప్పకుండా చేస్తాను. 

పూర్తి స్థాయిలో ఒక పనిలోకి దిగినప్పుడు ఏది అడ్డమొచ్చినా కొట్టేసుకుంటూ ముందుకే వెళ్తుంటాం. అలా కాకుండా - సగం సగం అనుకున్నప్పుడు, రెండు మూడు పడవల మీద కాళ్ళు పెట్టినప్పుడు సరైన నిర్ణయాలు తీసుకోలేము. ఫలితాలు కూడా సగం సగమే ఉంటాయి. 

ఇప్పుడు నాకా సమస్య లేదు. 

పైగా, ఇప్పుడు నేను ఏదో అలా చేయాలని సినిమాలు చేయటం లేదు. ఖచ్చితమైన లక్ష్యాలున్నాయి. మెజరేబుల్ టార్గెట్స్ ఉన్నాయి. సాధిస్తాను.  

నవంబర్‌లో నా కొత్త సినిమా షూటింగ్ ప్రారంభం కాబోతోంది.

I WISH MYSELF A THUMPING START & TREMEDOUS SUCCESS!   

2 comments:

  1. I wish you all the Best and a successful film career! Looking forward to watching your movies on Amazon / Netflix 💐

    ReplyDelete
    Replies
    1. Thank you so much! You'll watch my movies surely on OTTs from 2022.

      Delete