కరోనా వైరస్ గ్రాఫ్ అప్పటికి దాదాపు పూర్తిగా తగ్గుముఖం పడుతుంది. కాని, సినిమా హాల్స్‌కు వచ్చి ఎంతమంది సినిమా చూస్తారన్నది ఇప్పుడే చెప్పటం కష్టం.
పెద్ద నిర్మాతలు, హీరోలు కూడా అంత త్వరగా వారి సినిమాలను థియేటర్స్‌లో రిలీజ్ చేసే సాహసం చెయ్యకపోవచ్చు.
ఇప్పుడు ఏ సినిమాకైనా మొదటి 3 రోజుల్లో, మొదటివారంలో వచ్చే కలెక్షనే అసలు కలెక్షన్. తర్వాత ఏం వచ్చినా అది బోనస్. ఇలాంటి పరిస్థితుల్లో ప్రాణ భయంతో ప్రేక్షకులు అసలు హాల్స్‌కు రాకపోతే? హౌజ్ ఫుల్స్ కాకపోతే?
ఈ రిస్క్ ఫాక్టొర్‌ను దృష్టిలో పెట్టుకొనే ముందుగా చిన్న సినిమాలను రిలీజ్ చెయ్యాలన్న ప్లాన్ కూడా ఒకటి ఉందని వినిపిస్తోంది. విషయం అప్పుడు పూర్తిగా తెలుస్తుంది. దాన్ని బట్టి థియేటర్లా, ఓటీటీనా అన్నది డిసైడ్ అయిపోద్ది.
ఓటీటీ అన్నది ఇంక ఎవ్వరూ తప్పించుకోలేని ప్లాట్‌ఫామ్. కరోనా తర్వాత థియేటర్స్ సంగతే తేలాల్సి ఉంది.
ఈ విషయంలో ప్రయోగానికి కూడా కూడా చిన్న సినిమాలే ఉపయోగపడుతుండటం అనేది ఇక్కడ అసలు పాయింట్!
