Sunday 22 January 2017

ఇక్కడ ఎవరూ శాశ్వతం కాదు!

"ఇక్కడ ఎవరూ శాశ్వతం కాదు.
ఏవో కొన్ని జ్ఞాపకాలను వదిలి..
ఎలాగు పోయేవాళ్ళమే..
కాస్త.... వెనుక ముందూ..
ఈ లోగానే
విద్వేషాలు..విషం చిమ్ముకోవడాలు అవసరమా?"

కె ఎన్ మూర్తి గారి ఫేస్‌బుక్ టైమ్‌లైన్ మీద ఇది చూశాక మరోసారి ఫిక్స్ అయిపోయాను.

మరోసారి అని ఎందుకంటున్నానంటే, మొన్నీమధ్యే నాకు నేనుగా ఫిక్స్ అయిపోయాను. నా కుటుంబంలో ఒక అత్యంత ప్రియమైన వ్యక్తిని కోల్పోయాక.

ఇంతకీ ఏంటా ఫిక్స్ అయింది?
 
ఉన్న ఒక్క జీవితానికి ఇంక చాలు ఈ టెన్షన్లు. ఇంక ఒక్క రోజు, ఒక్క గంట కూడా వేస్ట్ కావడానికి వీల్లేదు. కానివ్వను.

ఎంత కష్టమైనా పడతాను. ఎన్ని ఇష్టంలేని పనులైనా చేస్తాను.

వెంటనే బయటపడటం కోసమే.

నాక్కావల్సిన ఫ్రీడం కోసమే.    

ఎంత త్వరగా వీలైతే, అంత త్వరగా .. నాకున్న కొన్ని కమిట్‌మెంట్లు, బాధ్యతలు పూర్తిచేసుకొని .. ఉండే ఈ నాలుగు రోజులూ హాయిగా బ్రతకాలి.

అది కూడా ఎలాంటి కాంప్రమైజ్ లేకుండా. ఎవ్వరిమీదా ఆధారపడకుండా. అన్నిటికంటే ముఖ్యంగా .. నా పనిలో ఇంకొకరి నిర్ణయాలతో సంబంధం లేకుండా.

నాకత్యంత ఇష్టమైన రైటింగ్‌తోనే రొమాన్స్ చేసుకుంటూ. నాకిష్టమైన సముద్రతీరాల అలల అందాలను ఆస్వాదిస్తూ, అనుభవిస్తూ. 

No comments:

Post a Comment