నా ఈ రొమాంటిక్ హారర్ చిత్రం ద్వారా హీరోయిన్‌గా గ్లామర్ ఫీల్డులోకి ప్రియ వశిష్ట అరంగేట్రం కూడా అలాంటిదే.
ఆల్‌రెడీ ప్రియాంకలు ఇండస్ట్రీలో చాలామంది ఉన్నారు. గుంపులో గోవిందా లాగా ఎందుకు అనిపించి, మొన్న నవంబర్ 26 నాడు, తన పేరును "ప్రియ వశిష్ట"గా మార్చి, మొట్టమొదటగా మా టీమ్ వాట్సాప్ గ్రూప్‌లో ఎనౌన్స్ చేశాను. తర్వాత ప్రెస్‌లో వచ్చింది.
ఇకనుంచీ అదే తన స్క్రీన్ నేమ్, రియల్ నేమ్ కూడా అన్నమాట.
కట్ టూ హాట్ హీరోయిన్ -
ఇప్పుడు నేను చేస్తున్న రొమాంటిక్ హారర్ సినిమాలో కొత్త హీరోయిన్ కోసం చివరి నిమిషం వరకూ హంటింగ్ బాగానే జరిగింది.
చెప్పాలంటే అదొక పెద్ద హంగామా!
ముందు నాకెంతో బాగా నచ్చిన కొత్త హీరోయిన్ వేరు. దాదాపు అగ్రిమెంట్ పైన సంతకం చేయాల్సిన రోజే, తను అప్పటికే సైన్ చేసిన ఓ తమిళ చిత్రం డేట్స్ కన్‌ఫర్మ్ అయ్యాయి. ఆ డేట్స్‌కీ, నా షూటింగ్ డేట్స్‌కీ కుదరక ఆ హీరోయిన్‌ను అలా వదులుకోవాల్సి వచ్చింది. ఆ హీరోయిన్ కూడా అలాగే ఫీలయింది.
నిన్న రాత్రి కూడా తను ఫోన్లో మాట్లాడినప్పుడు మరోసారి ఈ టాపిక్ మా మధ్య వచ్చింది. అది వేరే విషయం.
ఆ తర్వాత చాలా మందిని ఆడిషన్ చేసి, చివరికి ఓ క్యూట్ గాళ్‌ను ఫైనల్ అనుకొని, అగ్రిమెంట్ సైన్ చేయించాము. మళ్లీ ఇలాంటి డేట్స్ కారణాలవల్లనే ఆ అగ్రిమెంట్ కూడా కాన్సిల్ అయింది.
అయితే - ముందు నేను బాగా నచ్చిన హీరోయిన్ మిస్సవడం నుంచి, ఈ క్యూట్ హీరోయిన్ అగ్రిమెంట్ కాన్సిల్ అవడం వరకూ - ప్యారలల్‌గా నా మైండ్‌లో మెదులుతున్న హీరోయిన్ వేరు. చివరికి తనే నా సినిమాకి హీరోయిన్ అవుతుందని కూడా ఎందుకో అనిపించింది అప్పుడప్పుడూ. ఇదీ అని కారణం లేదు.
కాని, చివరికి అలాగే జరిగింది.
లాస్ట్ మినిట్‌లో ప్రియను పిలిపించి సంతకం చేయించాను.
ప్రియ నాన్న వశిష్ట యూనివర్సిటీలో నా సీనియర్. ఇప్పుడో ఓ పెద్ద బిజినెస్ మాగ్నెట్. ఇంకా చాలా ఉన్నాయి. ఆ మధ్య మేము తరచూ కలుస్తున్నపుడు, ప్రియ గురించి చెబుతూ, "హీరోయిన్ కావాలన్నదే తన జీవితాశయం" అని ఒకటి రెండు సార్లు నాతో అన్న విషయం నాకు బాగా గుర్తుండిపోయింది.
ఆ జ్ఞాపకమే ప్రియను ఈ సినిమా ద్వారా హీరోయిన్‌ను చేసింది. సో, అలా ప్రియ నా ఫైండింగ్ అన్నమాట.
సిల్వర్ స్పూనో, గోల్డెన్ స్పూనో అంటారు. అలాంటి నేపథ్యం ప్రియకుంది. సినిమామీద పిచ్చి ప్యాషన్ ఉంది. హీరోయిన్ కావాలన్న తపన ఉంది. లేటెస్ట్ ట్రెండ్స్ మీద సంపూర్ణమైన అవగాహన ఉంది. "నేనిది చేయను .. అది చేయను" అన్న హిపోక్రసీ లేదు.
ఒక కంప్లీట్ హీరోయిన్‌కు ఉండాల్సిన లక్షణాలన్నీ ఉన్నాయి.
వాటిని సద్వినియోగం చేసుకొని, ఒక మంచి ఆర్టిస్టుగా ఎదిగి, తన నటనతో ప్రేక్షకుల హృదయాల్ని కొల్లగొట్టడం అనేది పూర్తిగా ఇక ప్రియ చేతుల్లోనే ఉంది.
మరోవైపు - కథ ఎంత డిమాండ్ చేసినా, డైరెక్టర్ ఎంత చూపించాలనుకున్నా, హీరోయిన్ ఎంత చూపించినా .. మధ్యలో సెన్సార్ అనే కత్తెర ఒకటుంది. ఆ కత్తెర పరిమితుల్లోనే ఒక హీరోయిన్‌గా ప్రియ తన ఫస్ట్ సినిమాలోనే బెస్ట్ మార్క్స్ సంపాదించుకుంది.
అందుకే ప్రియను "హాట్ హీరోయిన్" అన్నాను.
ప్రియకు మంచి ఫ్యూచర్ ఉంది. ఆ ఫ్యూచర్ తన చేతుల్లోనే ఉంది.
No comments:
Post a Comment