Monday 29 September 2014

సక్సెసే నిజం.. మిగిలిందంతా అబధ్ధం!

"మనం" సినిమాకు అద్భుతమైన సంగీతం అందించిన అనూప్ రూబెన్‌తో నేనొక రెండు సార్లు మాట్లాడాను. అప్పుడు అనూప్‌ని నాకు పరిచయం చేసింది, నేను పరిచయం చేసిన నా ఇంకో మిత్రుడు, కోరియోగ్రాఫర్ నిక్సన్.

ఇది దాదాపు ఓ పదేళ్లక్రితం నాటి విషయం.

అప్పుడు అనూప్ మాట్లాడిన మాటల్లోని ఆ స్వచ్చత, నెమ్మదితనం, అణకువ నాకిప్పటికీ గుర్తున్నాయి. నేనూ, నిక్సన్ ఆరోజే అనుకున్నాం. అనూప్ ఒక రేంజ్ కి ఎదుగుతాడని!

ఇదేదో ఇప్పుడు అనూప్ టాప్ రేంజ్ మ్యూజిక్ డైరెక్టర్ అయ్యాక చెప్తున్న మాటకాదు. అప్పుడు అతను చేస్తున్న మ్యూజిక్ మాకు తెలుసు. ఎంతమంది మ్యూజిక్ డైరెక్టర్ల దగ్గర అతను ఎలా పనిచేసిందీ మాకు తెలుసు. మొత్తంగా మ్యూజిక్ పట్ల అతనికి ఉన్న ప్యాషన్ మాకు తెలుసు. అతని గురించి పరిచయం ఉన్న అందరికీ తెలుసు.

కట్ టూ ప్రదీప్‌చంద్ర - 

ఇవాళ నేను కొత్తగా పరిచయం చేస్తున్న మా మ్యూజిక్ డైరెక్టర్ ప్రదీప్‌ని చూస్తోంటే, అతనితో మాట్లాడుతోంటే.. నాకెందుకో పదేళ్లక్రితం నాటి అనూప్ గుర్తొచ్చాడు.

ఎమ్‌టెక్ కంప్యూటర్ ఇంజినీరింగ్ చదివిన ప్రదీప్‌కు ఉద్యోగం చెయ్యటం కన్నా మ్యూజిక్ మీదే ప్రాణం. ప్యాషన్.
ఐ విష్ హిమ్ ఆల్ సక్సెస్.

అయితే.. నాకయినా, ప్రదీప్‌కయినా, ఎవరికయినా.. లక్ష్యం ఒక్కటే ఉండాలి. పదిపడవలమీద కాళ్లు పెట్టినవారు ఎవ్వరూ సక్సెస్ సాధించలేరు. అన్నీ కలిసిరావాలి. కలిసివచ్చేలా చేసుకోవాలి. అప్పటిదాకా కష్టపడాలి. పడుతూనే ఉండాలి.

ఏ ఫీల్డులోనయినా, ఎవరయినా విజయం సాధించేది ఇలాగే. ఇదేం రహస్యం కాదు. రాకెట్ సైన్స్ కాదు. నిజం.    

1 comment:

  1. ALL THE BEST M.Pradeep chandra and Have a great success in your life.

    And special thanks to MANOHAR sir for encouraging new and passionate persons.

    All the best for your entire team.

    From M.R.K.Balaji.

    ReplyDelete