Friday 20 December 2013

కింగ్‌ఫిషర్ కేలెండర్లో తెలుగు మెరుపు!

యూబీ గ్రూప్ అధిపతి విజయ్ మాల్యాకు చెందిన కింగ్‌ఫిషర్ కేలెండర్‌కు ఉన్న క్రేజ్ అంతా ఇంతా కాదు. అంతర్జాతీయస్థాయి క్రేజ్ అది. ఒక కేలెండర్‌కు ఆ రేంజ్ బ్రాండ్‌ని క్రియేట్ చేయగలిగింది బహుశా, నాకు తెలిసి, విజయ్ మాల్యా ఒక్కడే! 

కింగ్‌ఫిషర్ కేలెండర్‌ కోసం మోడల్‌గా ఎంపిక కావడమనేది కూడా ఏదో ఆషామాషీ వ్యవహారం కాదు. దానికోసం జరిగే స్క్రీన్‌టెస్టులు, సెలెక్షన్లు కూడా ఊహించని స్థాయిలో ఉంటాయి.

కేవలం మనవాళ్లేకాదు, ఎందరో అంతర్జాతీయస్థాయి మోడళ్లు కూడా ఈ కేలెండర్లో కనిపించడంకోసం పోటీ పడతారు.

ఎవరైనా ఒక అమ్మాయి, ఒక్కసారి కింగ్‌ఫిషర్ కేలెండర్లో మోడల్‌గా కనిపించిందంటే చాలు. జన్మ ధన్యం అయినట్టే. ఇంక ఆ అమ్మాయి కొత్తగా సాధించాల్సింది ఏమీ ఉండదంటే అతిశయోక్తికాదు. ఇంక అక్కడనుంచి "రా..రమ్మంటూ" ఎన్నో ఇతర క్రియేటివ్ రంగాలనుంచి రెడ్‌కార్పెట్ అవకాశాలు వెతుక్కుంటూ వస్తాయి.

ఓవర్‌నైట్‌లో టాప్‌రేంజ్ సెలెబ్రిటీలయిపోతారు.

మన బాలీవుడ్ హీరోయిన్లలో కూడా కొందరు ఈ కింగ్‌ఫిషర్ ప్లాట్‌ఫామ్ ద్వారానే బాలీవుడ్‌లోకి ఎంటరయి, అత్యున్నత స్థాయికి చేరుకోగలిగారంటే నమ్మగలరా?

ఈ మధ్య వరుసగా 5 హిట్ చిత్రాల్లో హీరోయిన్‌గా మెప్పించి, బాలీవుడ్‌లో టాప్ రేంజ్‌లో ఉన్న దీపికా పడుకొనే కూడా కింగ్‌ఫిషర్ కేలెండర్లో మోడల్‌గానే ఈ రంగులప్రపంచంలోకి ఎంటరయిందన్న విషయం చాలామందికి తెలియని నిజం.

ఇంకా - కత్రినా కైఫ్, యానా గుప్తా, ఉజ్వల రావత్, నర్గిస్ ఫక్రి, లిసా హేడెన్, కరిష్మ కొటాక్ మొదలైన వాళ్లంతా కూడా ఈ కింగ్‌ఫిషర్ కేలెండర్ ద్వారా వెలుగులోకి వచ్చినవాళ్లే.  

కట్ టూ తెలుగు శోభిత - 

2014 కింగ్‌ఫిషర్ కేలెండర్‌కు ఓ ప్రత్యేకత ఉంది. మొట్టమొదటిసారిగా ఒక తెలుగు మోడల్ (ఫ్రమ్ తెనాలి!)   కింగ్‌ఫిషర్ కేలెండర్‌కి మోడల్‌గా ఎంపికయింది. ఒక రకంగా ఇది సంచలనమే.

ఈ సంచలనం పేరు శోభిత ధూళిపాళ .. మిస్ ఇండియా ఎర్త్ 2013.

శోభిత మోడలింగ్‌తో కూడిన కింగ్‌ఫిషర్ 2014 కేలెండర్ ప్రపంచమంతా మరికొద్ది గంటల్లో (21 డిసెంబర్) రిలీజవబోతోంది. లెటజ్ ఆల్ విష్ శోభిత.. ఎ వెరీ ఫేసినేటింగ్ ఫ్యూచర్! 

2 comments:

  1. What is there to be proud of in posing with hardly any dress on her poor body?

    ReplyDelete
    Replies
    1. ..proud of being part of the Modelling World is in vogue.
      http://en.wikipedia.org/wiki/Kingfisher_Calendar

      Delete