Sunday 25 August 2013

రివ్యూలు చదివి సినిమాలకు వెళ్తారా?

చాలా ఏళ్ల క్రితం, బహుశా 99 లో అనుకుంటాను. "సమరసిం హారెడ్డి" సినిమా మీద రివ్యూ ఒకటి చదివాను. "పరమ చెత్త.. రక్తపాతం.. అదీ.. ఇదీ.." అని ఈకలు, తోకలు పీకుతూ ఏదేదో రాశారు. ఆ సినిమాలో ఉన్న 101 తప్పుల్ని ఎత్తి రాశారు. నిజంగా ఆ రివ్యూ చదివితే, ఎవరూ ఆ సినిమా చూడ్డానికి వెళ్లరు!

కానీ వెళ్లారు. ఆ సినిమా బాక్సాఫీసు బద్దలు కొట్టింది.

వెళ్లిన ప్రేక్షకులంతా రివ్యూలు చదివి వెళ్లలేదు. రివ్యూలు మాత్రమే చదివి వెళ్లే వాళ్లతో కలెక్షన్ల వర్షం కురవదు.

నిన్న ఒక వెబ్‌సైట్లో "టాలీవుడ్ 10 బాక్సాఫీస్" లిస్టు చూశాను. అందులో మగధీర నుంచి గబ్బర్ సింగ్, దూకుడు, బాద్‌షా, సీతమ్మ వాకిట్లో.., నాయక్, మిర్చి, రచ్చ్చ, ఈగ, జులాయి వరకు - మొత్తం 10 సినిమాలున్నాయి. వాటిల్లో - మగధీర, గబ్బర్ సింగ్, నాయక్, రచ్చ, జులాయి .. ఈ అయిదు సినిమాలూ మెగా ఫ్యామిలీ నుంచే కావడం విశేషం! 

ఈ అయిదు సినిమాల్లో నాయక్, రచ్చ, జులాయి సినిమాలను చాలా రివ్యూల్లో చీల్చి చెండాడారు. జులాయి విషయంలోనయితే, నానా చెత్త రాశారు. బిలో యావరేజి అన్నారు. పది ఇంగ్లిష్ సినిమాల నుంచి బిట్లు బిట్లు తీసుకొని కాపీ చేశారన్నారు. చివరికి ఇలాకూడా రాశారు:  "..If you haven't seen the movie yet, you may wait for couple days to find empty theaters!" 

కానీ జులాయి 41 న్నర కోట్లు వసూలు చేసి తెలుగు ఇండస్ట్రీలో "టాప్ 10" లిస్టులోకి చేరింది!

కట్ టూ రియాలిటీ -

సినిమా ఎలా తీయాలో, ఏం తీయాలో త్రివిక్రమ్‌కి, అల్లు అర్జున్‌కి, ప్రొడ్యూసర్స్‌కి తెలీదా? రెండు ఇరానీ చాయ్‌లు, నాలుగు సిగరెట్లు తాగివచ్చి ఏదో సొల్లు ఇష్టమొచ్చినట్లు రాయడం చాలా ఈజీ. సినిమా తీయడమే కష్టం.

నా ఉద్దేశ్యంలో - సినిమా ఎలా ఉండాలన్నదాని గురించి ఇంత గొప్పగా మంచి చెడ్డలు బేరీజు వేసి (?) రివ్యూలు రాసే ఈ విమర్శకులంతా చేయాల్సింది ఒక్కటే.

తమ స్వంత డబ్బులు పెట్టుకునో, లేదంటే ఒక ప్రొడ్యూసర్‌ను వెతుక్కొనో - "ఇదిగో ఇలా ఉండాలి సినిమా అంటే!" అని ఈ క్రిటిక్స్  ఒక్కటంటే ఒక్క సినిమా తీసి చూపిస్తే చాలు.

అయితే, అదంత సులభం కాదు. ఆ విషయం వాళ్లకూ తెలుసు.

ముందే చెప్పినట్టు -  ఈ విమర్శకుల రివ్యూలు చదివి సినిమాలకు వెళ్లేవాళ్లతో సినిమాలకు కలెక్షన్లు రావన్నది సిసలైన చేదు నిజం! 

4 comments:

  1. Very true, going to movies after reading their reviews is like voting to the political parties after studying their manifestos :)

    ReplyDelete
    Replies
    1. Awesome comment.
      Thanks, Suryudu!

      Delete
    2. "is like voting to the political parties after studying their manifestos :)"

      This is exactly we as a responsible voters SHOULD do. May be you have meant exit poles not manifestos.

      Coming to the content of the post, I don't approve that a thing popular need also to be good. Example? I would prefer alcohol.

      Delete
    3. Thanks for your comment, The trident!

      I think I need to write one more blog post on this point. However, I was discussing about popular cinema in the post.

      Delete