Tuesday 30 July 2013

ఒక టాలీవుడ్, రెండు బ్రాంచీలు!

ఈ బ్లాగులో అసలు రాజకీయాలు రాయకూడదన్న నియమం నేనే పెట్టుకున్నాను. ఆ నియమం పూర్తిగా వ్యక్తిగతం. ఒకటి రెండు సార్లు ఈ విషయంలో మాట తప్పాననుకోండి. అది వేరే విషయం.

మళ్లీ ఇప్పుడు కూడా మాట తప్పుతున్నానా అనిపిస్తోంది ఒకవైపు. కానీ, నేను రాయాలనుకుంటున్న పాయింట్ పూర్తిగా సినిమాకు సంబంధించింది కాబట్టి ప్రొసీడవుతున్నాను.

ఇవాల్టి తాజా రాజకీయ పరిణామంతో ఎప్పటినుంచో నానుస్తూ వచ్చిన ఒక విషయం మీద సంపూర్ణమయిన స్పష్టత వచ్చేసింది. ఫలితంగా - రాజకీయంగా, సాంఘికంగా, ఆర్ధికంగా.. ఇంకా ఎన్నో రకాలుగా రాబోయే కొంత కాలం ఎడా పెడా మార్పులుంటాయి. టాలీవుడ్‌తో సహా.

అయితే మన టాలీవుడ్ వాళ్లు ఇదంతా బహుశా ముందే ఊహించారు.

టాలీవుడ్‌కి సంబంధించిన రెండో బ్రాంచి వైజాగ్‌లో ఆఘమేఘాలమీద రూపొందుతోంది. వైజాగ్‌కి తోడు కనీసం ఇంకో రెండు ప్రాంతాల్లో కూడా తెలుగు చిత్ర పరిశ్రమ అభివృధ్ధి చెందే అవకాశం చాలా ఉంది. ఫిలిం మేకింగ్‌లో ఆధునికంగా వచ్చిన సాంకేతిక అభివృధ్ధి పుణ్యమా అని, ఇప్పుడు స్టూడియోలు నిర్మించడానికి ఇదివరకటిలా కోట్లు అవసరం లేదు. కాబట్టి, జిల్లాకో బ్రాంచి ఏర్పడినా ఆశ్చర్యం లేదు!

ఏది ఎలా ఉన్నా - అక్కడ, ఇక్కడ అన్న భేదం లేకుండా తెలుగు సినిమాలు కంటిన్యూ అవుతూనే ఉంటాయి. ఆసక్తికరమయిన పోటీ ఒకవేళ ఏర్పడినా, రెండు బ్రాంచీల్లోనూ బిజినెస్ మరింతగా పెరిగిపోతుంది తప్ప ఎక్కడా ఎలాంటి నష్టం ఉండదు.

కట్ టూ చిన్న డౌట్ -

లేటెస్ట్ రాజకీయ పరిణామాల ప్రభావంతో, టాలీవుడ్‌కి తోడు మరొక "తెలుగువుడ్డు" పోటీగా పుట్టదుకదా?! అలా జరగదనే అనుకుంటున్నాను.

ఎన్నో హిందీ రాష్ట్రాలున్నాయి.  'బాలీవుడ్' ఒకటే కదా ఉంది? 

2 comments:

  1. సినిమా స్టూడియోల వికేంద్రీకరణ జరిగి వైజాగ్ లోనూ ఎన్నో స్టూడియోలు రావాలి!అన్నీ ఒక్కచోటే కేంద్రీకరించడం అనవసరం!ఇది చిన్న సినిమాల యుగం!

    ReplyDelete
  2. Tollywood matram okkate untundane anukuntunnanu . Kani asakthikaramaina potini matram sudura bhavisyathulo chudochemo cheppalem . Kani oka rakamga adi kuda manchide . Ippudu jaragabothundani asisthunna vikendrikarana idivarake jarigunte malanti yuva technicians avakasalu andukovadaniki inthakalam pattedi kademo ? Sonthauriki daggaraga industry unte edagadaniki anni vidhala kontha sulabham kada !

    ReplyDelete