Friday 7 June 2013

బెంగళూరు బ్యూటీ ఇప్పుడేం చేస్తోంది? ('కల' ట్రివియా-2)

హీరోయిన్ సెలెక్షన్స్ చాలా గమ్మత్తుగా జరుగుతాయి. "కల" చిత్రం కోసం హీరోయిన్ ఆడిషన్లు హైదరాబాద్, ముంబైల్లో జరిగాయి. చివరికి, బెంగళూరులోని కనిష్క హోటల్లో, చాలా యాక్సిడెంటల్‌గా, శ్రీదేవి అనే ఒక కోఆర్డినేటర్ ద్వారా మమ్మల్ని కలిసింది ఈ అమ్మాయి. అప్పటికే బాగా విసిగిపోయి ఉన్న మా ప్రొడ్యూసర్, నేను, మా కెమెరామన్.. ఈ అమ్మాయితో మాట్లాడిన అయిదు నిమిషాల్లోనే ఒకే చేసేశాము. అగ్రిమెంట్ సైన్ చేసి, అడ్వాన్స్ చెక్కుతో వెళ్లిపోయిందా అమ్మాయి.

ఆ అమ్మాయే నవ్య. కల చిత్రం కోసం "నయన హర్షిత" అని స్క్రీన్ నేమ్ తనే పెట్టుకుంది. వ్యక్తిగతంగా నాకు మాత్రం తనను నవ్య అని పిలవటమే అలవాటయింది.

నవ్యతో షూటింగ్ చాలా హాప్పీగా జరిగిపోయింది. ఎలాంటి సమస్యలు లేవు. ఈగోలు అస్సలు లేవు. తనవైపు నుంచి దాదాపు ఎక్కడా చిన్న ఇబ్బంది కూడా కలగనీయలేదు. షూటింగ్ సమయంలో అనుకోకుండా వచ్చే నానా ఇబ్బందుల్లో, కనీసం ఓ రెండుసార్లు కళ్లల్లో నీళ్లు పెట్టుకొనే పరిస్థితి వచ్చినా చాలా టఫ్‌గా ఎదుర్కొంది నవ్య. ఆ రెండు సందర్భాల్లోనూ ప్రాజెక్టు గురించే ఆలోచించి మరుక్షణం మామూలయిపోయింది.

అది నా మొదటి సినిమా. సినీ ఫీల్డులో ఉండే అనవసరపు ఈగోల విషయం నాకు తెలియదు. మేము మారిషస్ షూటింగ్‌లో ఉన్నప్పుడు.. ఒక అర్థంలేని అతి చిన్న ఈగో సమస్య, మరొక అతి పెద్ద అర్థం లేని గొడవకు కారణమయింది. ఆ ఒక్కటే జరగాల్సింది కాదు. అలాంటి పరిస్థితిలో కూడా నవ్య ప్రాజెక్టు గురించే ఆలోచించింది.

జూబ్లీహిల్స్‌లోని అమెరికన్ హౌజ్‌లో షూటింగ్ చేసినప్పుడు, ఒక సీన్లో నవ్య వేసుకున్న ఆరెంజ్ కలర్ డ్రెస్, ఆ డ్రెస్‌లో తన ఫేసినేటింగ్ లుక్ నాకిప్పటికీ గుర్తుంది.

కల ఫలితం తారుమారయినా - తర్వాత తమిళం, మళయాళం, కన్నడ భాషల్లో చాలా సినిమాలు చేసింది నవ్య. ఆ మధ్య జగపతి బాబు తో తెలుగులో "బ్రహ్మాస్తం" లో కూడా నటించింది. ఈ మధ్యే తను ఒక మళయాళ చిత్రం కూడా చేసినట్టు త్రివేండ్రంలో ఉన్న ఒక డాక్టర్ ఫ్రెండ్ ద్వారా తెలిసింది.

ఒకవైపు హాబీగా తనకు ఇష్టమైన సినిమాల్లో నటిస్తూనే - మరోవైపు, బెంగళూరులో బిజినెస్‌వుమన్‌గా మంచి పొజిషన్‌కి ఎదిగింది నవ్య. ఒక చెయిన్ ఆఫ్ బ్యూటీ క్లినిక్స్ అనుకుంటాను.. చాలా సక్సెస్‌ఫుల్‌గా నడిపిస్తోంది నవ్య.

సుమారు కొన్ని నెలల క్రితం ఫేస్‌బుక్‌లో తనతో చాట్ చేశాను. తన నంబర్ ఇచ్చి మాట్లాడమంది. ఇన్నేళ్లయినా, తన పలకరింపులో నా పట్ల ఎలాంటి మార్పూ లేదు. అదే గౌరవం, అదే ఫ్రెండ్లీనెస్ ..        

2 comments:

  1. aa ego ela untayo cheppandi sir oka example ki
    mee experiences mathram bagunnaayi.

    ReplyDelete
    Replies
    1. మీరు బ్లాగ్ ఫాలో ఔతూ ఉండండి. అన్నీ మీకే తెలుస్తాయి. :) సినీ ఫీల్డులో ఉండే ఈ అనవసరపు ఈగోల మీద తప్పకుండా ఒక పోస్ట్ రాస్తాను.

      Delete