Tuesday 18 June 2013

భయం లేని బ్లాగింగ్!

ఇది అనుకోకుండా జరిగింది..

నా మిత్రుడు కామేశ్వర రావు (కవి, రచయిత) కోసం ఒక బ్లాగ్‌ని నేను అప్పటికప్పుడు క్రియేట్ చేశాను. ఆ సందర్భంలో "హృదయనాదాలు" అని దాని టైటిల్‌ని తెలుగులో టైప్ చేయాల్సి వచ్చింది. గూగుల్ సెర్చ్ చేశాను. విషయం తెల్సింది.

ఎప్పట్నుంచో అనుకుంటూ, యేళ్ల తరబడి పెండింగ్‌లో పెట్టుకుంటూ వస్తూ, అలా తెల్సుకున్నాను మొదటిసారిగా.. నెట్ రైటింగ్‌లకి అసలు తెలుగుని ఎలా టైప్ చేస్తారన్నది!

అంతకు ముందు మామూలుగా పత్రికలు, మేగజైన్ల కోసం తెలుగులో డి టి పి చేస్తున్నప్పుడు చూశాను. కానీ, యునికోడ్‌లో తెలుగులో టైప్ చేయటం ఇంత ఈజీ అని మాత్రం పైన చెప్పిన సందర్భంలోనే తెలుసుకున్నాను. తర్వాతెప్పుడయినా కూడా ఈ విషయం తెలుసుకొనే అవకాశమో, సందర్భమో వస్తే రావొచ్చు గాక.. కానీ, గత ఆగస్టులో దీని గురించి తెలుసుకొనే అవకాశం మాత్రం, నా మిత్రుడికి "బ్లాగ్ క్రియేట్ చేయాల్సి రావడం" వల్లనే వచ్చింది. సో, థాంక్స్ టూ కాముడు!

తెలుగులో టైపింగ్ ఇంత ఈజీ అయితే ఇంకేం.. అని, ఆ రాత్రే, ఒక బ్లాగ్‌ని నాకోసం క్రియేట్ చేసుకున్నాను. అదే ఈ నగ్నచిత్రం.

సినిమాలూ, షికార్లూ, వ్యక్తిగత గొడవలూ, పర్సనల్ డెవలప్‌మెంట్, స్పిరిచువాలిటీ అంటూ.. ప్రతి "నాన్సెన్స్"నీ ఈ బ్లాగ్‌లో రాయడం మొదలెట్టాను. ఎంతో కాలం తర్వాత.. అసలు "రాయడం" అన్న నాకత్యంత ప్రియమైన హాబీని మళ్లీ కంటిన్యూ చేస్తూ, ఈ బ్లాగింగ్‌ని బాగా ఎంజాయ్ చేయటం మొదలెట్టాను.  

సైట్ మీటర్ తగిలించిన గత డిసెంబర్ నుంచి ఇప్పటివరకు 42,000 "పేజ్ వ్యూస్"ని రికార్డ్ చేసిన ఈ బ్లాగ్ మీద 100,000 అంకెని కూడా అతి త్వరలో చూడాలన్నది నా కోరిక. ఖచ్చితంగా, వచ్చే రెండు మూడు నెలల్లోనే  చూడగలనని నా నమ్మకం కూడా!

తెలుగులో టైపింగ్ మీద నాకున్న భయం పోయింది కాబట్టి, అదంత పెద్ద కష్టం కాదు ..

అన్నట్టు, నగ్నచిత్రంలో ఇది నా వందో పోస్టు! 

8 comments:

  1. చిమ్మని మనోహర్ గారికి శత పోస్ట్ దినోత్సవశుభాకాంక్షలు!

    ReplyDelete
    Replies
    1. మీ ప్రోత్సాహానికి వందనం..అభివందనం..

      Delete
  2. you will surely see that moment.
    Hope we see many more posts from you.

    ReplyDelete
    Replies
    1. Thank you. Sure, you'll see many more fascinating posts on this blog.

      Delete
  3. Congrats on the milestone of 100 th post.A time to celebrate..!

    ReplyDelete