Friday 17 May 2013

ఒక సినిమా, 48 గంటలు


ఇప్పుడు నేను చేస్తున్న "యురేకా సకమిక" తర్వాత..లేదా, ఆ చిత్రం పోస్ట్ ప్రొడక్షన్ పని జరుగుతున్న సమయంలో ఒక చిన్న కమర్షియల్ ప్రయోగం చేయదల్చుకున్నాను. అది - 48 గంటల సినిమా. అంటే, ఆ చిత్రాన్ని నేను కేవలం 48 గంటల్లో చిత్రీకరించటం పూర్తి చేస్తాను.

అలాగని, ఇది ఏ ప్రయోగాత్మక సినిమానో, లేదంటే..రికార్డ్ కోసం చేస్తున్న సినిమానో కాదు. పక్కా కమర్షియల్ సినిమా. యూత్ సినిమా. ఒక్కటే పాట ఉంటుంది. ఆ ఒక్క పాట కూడా లేకపోతే ఏమనుకుంటారని పెట్టడం కాదు. ఈ కాన్సెప్టుకి ఒక్క పాట చాలు.

ఈ చిత్రం కోసం ఆల్రెడీ రెండు కాన్సెప్టులు అనుకున్నాను. కాస్టింగ్ గురించి మాత్రం ఇంకా ఒక నిర్ణయానికి రాలేదు. టైమ్ చాలా ఉంది కాబట్టి.

కట్ టూ "బ్రష్ స్ట్రోక్"/"షాట్ బై షాట్" -

ఈ వీకెండ్ నుంచి ఈ బ్లాగులో రెండు కొత్త ఫీచర్లు మొదలెడుతున్నట్టు మొన్ననే రాశాను. ఇప్పుడు నేనున్న బిజీలో ఈ వారం కుదరటం లేదు. వచ్చే వీకెండ్ నుంచి ఈ కొత్త ఫీచర్లు ప్రారంభమౌతాయి.

No comments:

Post a Comment