Sunday 7 April 2013

నా మొదటి మైక్రోబడ్జెట్ సినిమా


ఒక చిన్న సినిమా ప్లానింగ్ స్టేజి నుంచి రిలీజ్ వరకు, ఎక్కువలో ఎక్కువ, ఆరు నెలల్లో అయిపోవాలి. నా తాజా చిత్రం "యురేకా సకమిక" ప్లానింగ్ కోసమే సుమారు నాలుగు నెలలు తీసుకున్నాను.

కథ కోసం కేవలం నాలుగు రోజులు కూడా ఏకధాటిగా కూర్చునే వీలు చిక్కలేదు. అది వేరే విషయం. ఎలాగో, ఇన్ని వత్తిళ్లలోనూ, ఒక మంచి స్క్రిప్టు పూర్తిచేసుకోగలిగాను.

ప్లానింగ్ కోసం ఇంత సమయం పట్టడం మామూలుగా ప్రతి సినిమాకూ సహజమే. కానీ, ఇప్పటి పరిస్థితుల్లో అలా జరగటానికి వీలులేదు. అయినా అంత సమయం పట్టింది. కారణం ఒక్కటే - నేను ఈ ఒక్క సినిమాతోనే ఫుల్‌స్టాప్ పెట్టెయ్యబోవటం లేదు. దీని తర్వాత, మరొక రెండు మైక్రో బడ్జెట్ సినిమాలను వెంట వెంటనే చేయబోతున్నాను! అందుకే ఈ ఆలస్యం. నత్తనడక. లేదా, ఒక వ్యూహాత్మక ప్రణాళిక.

మైక్రో బడ్జెట్ అనేది ఏ స్థాయిలో ఉన్నా, ఖర్చు చేస్తున్న ఆ మొత్తానికి నూటికి నూరు శాతం ఎలాంటి రిస్కు ఉండకూడదు. ఈ చిత్రాన్ని నేను ఆ విధంగా ప్లాన్ చేస్తున్నాను. ఇది సాధించటమే గొప్ప విషయం. ఇక సినిమా హిట్టా, ఫట్టా అన్నది నాకు ప్రధానం కాదు. నేను అనుకున్నది, అనుకున్న సమయంలో, అనుకున్నట్టుగా చేయగలగటం ముఖ్యం!

నిజానికి, "యురేకా సకమిక" షూటింగ్ ప్రారంభించిన తర్వాతే నా అసలు కౌంట్ డౌన్ ప్రారంభమౌతుంది. ఆ రోజు నుంచి సరిగ్గా 9 నెలల్లో ఇంకో రెండు మైక్రో బడ్జెట్ సినిమాలు నేను పూర్తి చేయాలి.  చేస్తాను. ఈ 3 సినిమాల్లో కనీసం ఒక్కటి కమర్షియల్ హిట్ అవక తప్పదు. ప్రస్తుతం నా ముందున్న ఏకైక లక్ష్యం ఇదే ...

కట్ చేస్తే -

పైన చెప్పుకున్నదంతా ఒక ఎత్తు. కాగా - నేను ప్లాన్ చేస్తున్న అగ్రెసివ్  ఫిలిం ప్రమోషన్ కోసం, బిజినెస్ కోసం, మనీ రొటేషన్ కోసం, తర్వాతి ప్రాజెక్టులకు రెడ్ కార్పెట్ వేసుకోవటం కోసం .. అంతర్లీనంగా ఈ సినిమా నాకు ఒక పెద్ద ప్లాట్‌ఫామ్‌లా పనిచేస్తుందన్నది మీతో మాత్రమే పంచుకొనే (చెప్పకూడని) ఒక ట్రేడ్ సీక్రెట్! ఈ ప్లాట్‌ఫాం లాంచింగ్ త్వరలోనే .. కొద్దిరోజుల్లోనే ఉంది. విష్ మీ బెస్టాఫ్ లక్!

కట్ టూ క్రియేటివిటీ -

ఇప్పుడొస్తున్న ఎన్నో యూత్ చిత్రాల మధ్య ఒక "సమ్మర్ షవర్" లా హాయినిచ్చే చిత్రంలా ఉండాలని ప్లాన్ చేసి రూపొందిస్తున్న చిత్రం "యురేకా సకమిక". యు విల్ రియల్లీ లవిట్.

6 comments:

  1. All the best Manohar.
    Hope this film leads you in a big way...

    ReplyDelete
  2. ఇక సినిమా హిట్టా, ఫట్టా అన్నది నాకు ప్రధానం కాదు. నేను అనుకున్నది, అనుకున్న సమయంలో, అనుకున్నట్టుగా చేయగలగటం ముఖ్యం!

    golden words, Perfect karma siddhaantham, All the best Manohar.

    ReplyDelete
  3. మీ కృషికి అభినందనలు.

    ReplyDelete
  4. Thank you so much, Sharma garu! Venkat, Kishore and Sharat... thank you too !!

    ReplyDelete
  5. all the best babai.... :D i lost your number plz ping me at 7799100653 ... :)

    ReplyDelete