Saturday 2 March 2013

హెవీ గ్యాంబ్లింగ్!


30-40 కోట్లు చేతిలో పట్టుకొని - అతిరథ మహారథులయిన దిగ్గజాల్లాంటి టెక్నీషియన్స్‌ని పెట్టుకొని - పెద్ద పెద్ద హీరోలు, డైరెక్టర్లు, ప్రొడ్యూసర్స్ తీస్తున్న సినిమాలే బాక్సాఫీస్ దగ్గర బోల్తా కొడుతున్నాయి. అలాగని, అంత అనుభవం ఉన్న ఆయా ప్రొడ్యూసర్లు, డైరెక్టర్లు, హీరోలకి ఏమీ తెలియదనుకోవాలా? ఇట్సాల్ ఇన్ ది గేమ్! అంతే.

పై పరిస్థితికి పూర్తి వ్యతిరేకంగా - కేవలం అత్యంత తక్కువ స్థాయి మైక్రో బడ్జెట్‌లో సినిమాను ప్రారంభించి, పూర్తి చేసి, రిలీజ్ చేయటం అత్యంత గొప్ప విషయం. ఇంకా చెప్పాలంటే - ఒక పెద్ద సినిమా కథా చర్చల కోసం అయ్యే ఖర్చు అంత ఉండదు ఈ మైక్రో బడ్జెట్ చిత్రాల మొత్తం బడ్జెట్!  ప్రతి స్టేజ్ లోనూ ఎన్నో అవాంతరాలొస్తాయి. ఎక్కడికక్కడ కాంప్రమైజ్ కావాల్సి ఉంటుంది. ఇలాంటి పరిస్థితుల్లో కూడా ఆయా ప్రొడ్యూసర్స్, డైరెక్టర్ల లక్ష్యం విజయం మీదే ఉంటుంది. అన్నీ కలిసి రావాలి. కలిసి వచ్చేలా చేసుకోగలగాలి.  దట్ ఈజ్ ది ట్రూ స్పిరిట్! విజయం అదే వస్తుంది.. రాక తప్పదు...

ఒక్క విజయంతో అమాంతం అందలం ఎక్కే అవకాశం ఒక్క సినిమా రంగంలోనే ఉంది! ఉంటుంది..

అందలం అంటే ప్రధానంగా రెండే విషయాలు - ఒకటి ఫేమ్, రెండోది డబ్బు.  మిగిలిన ఏ బిజినెస్‌లలోనూ, ప్రొఫెషన్లలోనూ.. ఎన్నేళ్లు కష్టపడ్డా రానంతటి ఫేమ్ - ఇక్కడ సినీ ఫీల్డులో దాదాపు "ఓవర్‌నైట్" లో వస్తుంది. అలాగే డబ్బు కూడా.

మరే బిజినెస్‌లోనూ సాధ్యంకానంత మనీ రొటేషన్, లాభాలు ఈ బిజినెస్‌లోనే సాధ్యం. అయితే, మార్కెట్‌ను దృష్టిలో పెట్టుకొని ఖర్చు పెట్టకపోయినా, ఓవర్ కాన్‌ఫిడెన్సుతో మరీ గొప్పలకు పోయి అంచనాలకు మించి ఖర్చు పెట్టినా, ఎవరినయినా గుడ్డిగా నమ్మి డబ్బంతా వాళ్ల చేతుల్లో పెట్టినా .. వ్యవహారం అంతా ఉల్టా పుల్టా అయిపోతుంది.  హెవీ గ్యాంబ్లింగ్! మామూలు మనుషులకు కోలుకోవటం అనేది దాదాపు అసాధ్యం. బిజినెస్‌ని బిజినెస్ గానే చూసి, నిర్ణయాలు తీసుకోగలిగితే మాత్రం.. ముందే చెప్పినట్టు, ఈ బిజినెస్‌లో ఉన్నంత మనీ రొటేషన్, ఆదాయం మరే బిజినెస్‌లోనూ లేదు.

కావల్సిందల్లా ఒక్క సక్సెస్. ఒకే ఒక్క సక్సెస్...

అందుకే చాలా మందికి ఈ ఫీల్డు అంటే అంత ఆసక్తి. ముఖ్యంగా క్రియేటివిటీకి అడిక్ట్ అయినవారికి!

ఫీల్డుకి బయట ఉండి, పది రకాల కామెంట్లు చేయటం, వంద ఉచిత సలహాలివ్వటం, "నేనయితే ఇలా చేసేవాడ్ని" అనడం.. చాలా సులభం. ఫీల్డులోకి దిగినవాళ్లకే తెలుస్తుంది దాని లోతెంతో, దాన్లోని కష్టనష్టాలేంటో, బాధలేంటో...

ఇలాంటి మహనీయులందరితో నేను ఎప్పుడూ ఒక్కటే విన్నపం చేసుకుంటూ ఉంటాను. "ముందు మీరు ఫీల్డులోకి దిగండి. ఆ తర్వాతే దయచేసి ఈ మాటలు మాట్లాడండి! మీ ఉచిత సలహాల్ని, మీలో ఉందనుకుంటున్న మీ సామర్ధ్యాన్ని చేతల్లో చూపించండి!!" అని.

అయితే అదంత సులభం కాదు. దానికి చాలా గట్స్ కావాలి. ఆ సాహసం కొందరే చేయగలరు. ఆ కొందరిలో కూడా అతి కొద్దిమందినే విజయం వరిస్తుంది. దటీజ్ సినిమా! :)

No comments:

Post a Comment