Wednesday 29 August 2012

ఆ ఒక్కటీ తప్ప అన్నీ ఓకే!


భారీ చిత్రాల విషయం ఎలా వున్నా, పూర్తి బడ్జెట్ చేతిలో లేకుండా మన టాలీవుడ్ లో నిర్మించే వందలాది చిన్న చిత్రాల నిర్మాణ ప్రక్రియ - ప్రారంభం నుంచీ యమ టెన్షన్ గా వుంటుంది.   

మన సినిమా కథ 'పిచ్చ డిఫరెంట్ గా వుండాలి' అనే సొల్లు కబుర్లకి 'సిట్టింగ్స్' పేరుతో నెలలు గడుపుతారు. డబ్బులు సేకరించుకోడానికి నెలలు గడుపుతారు. ఆఫీసులో కొత్త ఆర్టిస్టుల సెలక్షన్ కీ నెలలు గడుపుతారు. హీరోయిన్ కోసం ముంబై వెళ్లి కనీసం అక్కడా ఒక పది రోజులు గదుపుతారు. ఆఫీస్ కి  కావల్సిన ఫర్నీచర్, డస్టుబిన్ను , చీపురు షాపింగ్ కి కూడా 'డే వన్' నుంచీ క్రియేటివ్ టీం తిరగాల్సిందే.

వీటన్నింటికీ ఇంతింత టైం  కెటాయించే మన టాలీవుడ్ కు - సినిమా విజయానికి అత్యంత ప్రధానమయిన స్క్రిప్టు దగ్గరికి వచ్చేటప్పటికి మాత్రం అస్సలు టైం వుండదు!   అందర్నీ సెలక్ట్ చేసుకొని, షూటింగ్  డేట్స్ ఫైనల్ చేసుకున్నాక, హడావిడిగా స్క్రిప్ట్ రాసే పని అప్పుడు ప్రారంభమవుతుంది. అప్పుడు రచయిత-కం-దర్శకునికి దొరికే సమయం ఎంత వుంటుంది? ఎంత గొప్పగా రాయగలడు? తెరవెనుక వాస్తవం ఇలా వుంటే - సినిమాలు ఆడమంటే ఇక ఎలా ఆడతాయి?

No comments:

Post a Comment